§10.27.1ἔστι τοίνυν ἡ Μηδία κατά τε τὸ μέγεθος τῆς χώρας ἀξιοχρεωτάτη τῶν κατὰ τὴν Ἀσίαν δυναστειῶν καὶ κατὰ τὸ πλῆθος καὶ κατὰ τὰς ἀρετὰς τῶν ἀνδρῶν, ὁμοίως δὲ καὶ τῶν ἵππων·
至于米底亚，无论就其领土的面积，还是就其人口的数量、男子的优秀品质，以及马匹的优良而言，都是亚洲各国中最为强大重要的国家。
§10.27.2τοῖς γὰρ ζῴοις τούτοις σχεδὸν ἅπασαν χορηγεῖ τὴν Ἀσίαν τῷ καὶ τὰ βασιλικὰ συστήματα τῶν ἱπποτροφιῶν Μήδοις ἐπιτετράφθαι διὰ τὴν τῶν τόπων εὐφυΐαν.
因为由于当地土地的适宜性，皇家马群的饲养系统被托付给米底亚人，从而使它几乎向整个亚洲供应这种动物。
§10.27.3περιοικεῖται δὲ πόλεσιν Ἑλληνίσι κατὰ τὴν ὑφήγησιν τὴν Ἀλεξάνδρου, φυλακῆς ἕνεκεν τῶν συγκυρούντων αὐτῇ βαρβάρων πλὴν Ἐκβατάνων.
此外，根据亚历山大的指示，除埃克巴坦那外，米底亚周边都建有希腊人的城市，以防范与其接壤的蛮族。
§10.27.4αὕτη δʼ ἔκτισται μὲν ἐν τοῖς πρὸς τὰς ἄρκτους μέρεσι τῆς Μηδίας, ἐπίκειται δὲ τοῖς περὶ τὴν Μαιῶτιν καὶ τὸν Εὔξεινον μέρεσι τῆς Ἀσίας,
该城建在米底亚的北部，临近亚洲靠近迈奥蒂斯海和黑海的地区。
§10.27.5ἦν δὲ βασίλειον ἐξ ἀρχῆς Μήδων, πλούτῳ δὲ καὶ τῇ τῆς κατασκευῆς πολυτελείᾳ μέγα τι παρὰ τὰς ἄλλας δοκεῖ διενηνοχέναι πόλεις.
这里自古以来就是米底亚人的王宫，在财富和建筑的豪华程度上，似乎都远远超过了其他城市。
§10.27.6κεῖται μὲν οὖν ὑπὸ τὴν παρώρειαν τὴν παρὰ τὸν Ὀρόντην, ἀτείχιστος οὖσα, ἄκραν δʼ ἐν αὑτῇ χειροποίητον ἔχει, θαυμασίως πρὸς ὀχυρότητα κατεσκευασμένην.
它坐落在俄戎特斯山脉旁的半山腰下，没有城壁，但内部有一座人工建造的堡垒，其防守构造极为精妙。
§10.27.7ὑπὸ δὲ ταύτην ἐστὶ βασίλεια, περὶ ὧν καὶ τὸ λέγειν κατὰ μέρος καὶ τὸ παρασιωπᾶν ἔχει τινʼ ἀπορίαν·
在这座堡垒之下是王宫，关于它，无论是详细阐述还是保持沉默，都存在某种两难之处。
§10.27.8τοῖς μὲν γὰρ αἱρουμένοις τὰς ἐκπληκτικὰς τῶν διηγήσεων προφέρεσθαι καὶ μετʼ αὐξήσεως ἔνια καὶ διαθέσεως εἰθισμένοις ἐξαγγέλλειν καλλίστην ὑπόθεσιν ἡ προειρημένη πόλις ἔχει, τοῖς δʼ εὐλαβῶς προσπορευομένοις πρὸς πᾶν τὸ παρὰ τὴν κοινὴν ἔννοιαν λεγόμενον ἀπορίαν παρασκευάζει καὶ δυσχρηστίαν.
因为对于那些乐于展示惊人叙述、习惯于夸大并加以修饰地进行报道的人来说，前述城市提供了极好的素材；但对于那些对一切违背常理的传闻抱持谨慎态度的人来说，它却带来了困惑与难处。
§10.27.9πλὴν ἔστι γε τὰ βασίλεια τῷ μὲν μεγέθει σχεδὸν ἑπτὰ σταδίων ἔχοντα τὴν περιγραφήν, τῇ δὲ τῶν κατὰ μέρος κατασκευασμάτων πολυτελείᾳ μεγάλην ἐμφαίνοντα τὴν τῶν ἐξ ἀρχῆς καταβαλλομένων εὐκαιρίαν.
不过，这座王宫在规模上周长确实接近七斯塔德，而在局部建筑的豪华上，则展现了最初奠基者们雄厚的财力。
§10.27.10οὔσης γὰρ τῆς ξυλείας ἁπάσης κεδρίνης καὶ κυπαριττίνης, οὐδεμίαν αὐτῶν γεγυμνῶσθαι συνέβαινεν, ἀλλὰ καὶ τὰς δοκοὺς καὶ τὰ φατνώματα καὶ τοὺς κίονας τοὺς ἐν ταῖς στοαῖς καὶ περιστύλοις, τοὺς μὲν ἀργυραῖς, τοὺς δὲ χρυσαῖς λεπίσι περιειλῆφθαι, τὰς δὲ κεραμίδας ἀργυρᾶς εἶναι πάσας.
因为所有的木料皆为杉木和柏木，无一处裸露，无论是梁、格顶，还是柱廊与中庭的立柱，有的包覆着银片，有的包覆着金箔，甚至连所有的屋瓦都是银制的。
§10.27.11τούτων δὲ τὰ μὲν πλεῖστα συνέβη λεπισθῆναι κατὰ τὴν Ἀλεξάνδρου καὶ Μακεδόνων ἔφοδον, τὰ δὲ λοιπὰ κατὰ τὴν Ἀντιγόνου καὶ Σελεύκου τοῦ Νικάνορος δυναστείαν.
其中大部分在亚历山大和马其顿人入侵期间被剥夺，其余则在安提柯和塞琉古·尼卡托统治时期被搜刮。
§10.27.12ὅμως δὲ κατὰ τὴν Ἀντιόχου παρουσίαν ὅ τε ναὸς αὐτὸς ὁ τῆς Αἴνης προσαγορευόμενος ἔτι τοὺς κίονας εἶχε τοὺς πέριξ κεχρυσωμένους, καὶ κεραμίδες ἀργυραῖ καὶ πλείους ἐν αὐτῷ συνετέθειντο, πλίνθοι δὲ χρυσαῖ τινες ὀλίγαι μὲν ἦσαν, ἀργυραῖ δὲ καὶ πλείους ὑπέμενον.
然而，在安条克抵达时，被称为埃内（阿娜希塔）的神殿本身，其周围的立柱依然镀金，殿内还堆放着不少银瓦，少数金砖和较多的银砖也得以幸存。
§10.27.13ἐκ δὲ πάντων τῶν προειρημένων τὸ χαραχθὲν εἰς τὸ βασιλικὸν ἡθροίσθη νόμισμα μικρῷ λεῖπον τετρακισχιλίων ταλάντων. —
从上述所有物中，最后熔铸收集成皇家货币的数额，仅比四千塔兰特微少一点。