§10.27.1ἔστι τοίνυν ἡ Μηδία κατά τε τὸ μέγεθος τῆς χώρας ἀξιοχρεωτάτη τῶν κατὰ τὴν Ἀσίαν δυναστειῶν καὶ κατὰ τὸ πλῆθος καὶ κατὰ τὰς ἀρετὰς τῶν ἀνδρῶν, ὁμοίως δὲ καὶ τῶν ἵππων·
한편 미디아는 영토의 크기에 있어서나, 인구의 수와 사람들의 우수한 자질, 그리고 마찬가지로 말들의 우수함에 있어서도 아시아의 세력들 중에서 가장 강력한 국가이다.
§10.27.2τοῖς γὰρ ζῴοις τούτοις σχεδὸν ἅπασαν χορηγεῖ τὴν Ἀσίαν τῷ καὶ τὰ βασιλικὰ συστήματα τῶν ἱπποτροφιῶν Μήδοις ἐπιτετράφθαι διὰ τὴν τῶν τόπων εὐφυΐαν.
이 나라는 아시아의 거의 전역에 이 동물들을 공급하고 있는데, 이는 영토의 적합함 덕분에 왕실의 마필 육성 조직이 미디아인들에게 위임되어 있기 때문이다.
§10.27.3περιοικεῖται δὲ πόλεσιν Ἑλληνίσι κατὰ τὴν ὑφήγησιν τὴν Ἀλεξάνδρου, φυλακῆς ἕνεκεν τῶν συγκυρούντων αὐτῇ βαρβάρων πλὴν Ἐκβατάνων.
또한 미디아는 엑바타나를 제외하고는, 인접한 야만인들을 방비하기 위해 알렉산드로스의 지시에 따라 그리스인들의 도시들로 둘러싸여 있다.
§10.27.4αὕτη δʼ ἔκτισται μὲν ἐν τοῖς πρὸς τὰς ἄρκτους μέρεσι τῆς Μηδίας, ἐπίκειται δὲ τοῖς περὶ τὴν Μαιῶτιν καὶ τὸν Εὔξεινον μέρεσι τῆς Ἀσίας,
이 도시는 미디아의 북쪽 지역에 건설되었으며, 마이오티스해와 에우크세이노스해 주변의 아시아 지역을 굽어보고 있다.
§10.27.5ἦν δὲ βασίλειον ἐξ ἀρχῆς Μήδων, πλούτῳ δὲ καὶ τῇ τῆς κατασκευῆς πολυτελείᾳ μέγα τι παρὰ τὰς ἄλλας δοκεῖ διενηνοχέναι πόλεις.
이곳은 원래 미디아인들의 왕성방이었으며, 부와 건물의 화려함에 있어서 다른 도시들보다 크게 뛰어났던 것으로 여겨진다.
§10.27.6κεῖται μὲν οὖν ὑπὸ τὴν παρώρειαν τὴν παρὰ τὸν Ὀρόντην, ἀτείχιστος οὖσα, ἄκραν δʼ ἐν αὑτῇ χειροποίητον ἔχει, θαυμασίως πρὸς ὀχυρότητα κατεσκευασμένην.
이곳은 오론테스 산맥 연안의 산기슭 아래에 위치해 있으며, 성벽은 없지만, 내부에는 방어력에 있어서 경이롭게 구축된 인공 요새를 갖추고 있다.
§10.27.7ὑπὸ δὲ ταύτην ἐστὶ βασίλεια, περὶ ὧν καὶ τὸ λέγειν κατὰ μέρος καὶ τὸ παρασιωπᾶν ἔχει τινʼ ἀπορίαν·
이 요새 아래에 왕궁이 있는데, 이에 대해 상세히 기술하는 것도 완전히 침묵하는 것도 일종의 난처함을 안겨준다.
§10.27.8τοῖς μὲν γὰρ αἱρουμένοις τὰς ἐκπληκτικὰς τῶν διηγήσεων προφέρεσθαι καὶ μετʼ αὐξήσεως ἔνια καὶ διαθέσεως εἰθισμένοις ἐξαγγέλλειν καλλίστην ὑπόθεσιν ἡ προειρημένη πόλις ἔχει, τοῖς δʼ εὐλαβῶς προσπορευομένοις πρὸς πᾶν τὸ παρὰ τὴν κοινὴν ἔννοιαν λεγόμενον ἀπορίαν παρασκευάζει καὶ δυσχρηστίαν.
놀라운 이야기를 전하기를 선택하고 과장과 연출을 섞어 보고하는 데 익숙한 이들에게는 앞서 말한 도시가 가장 훌륭한 소재를 제공하지만, 일반적인 상식에 벗어나는 모든 말에 조심스럽게 접근하는 이들에게는 곤란함과 곤혹스러움을 주기 때문이다.
§10.27.9πλὴν ἔστι γε τὰ βασίλεια τῷ μὲν μεγέθει σχεδὸν ἑπτὰ σταδίων ἔχοντα τὴν περιγραφήν, τῇ δὲ τῶν κατὰ μέρος κατασκευασμάτων πολυτελείᾳ μεγάλην ἐμφαίνοντα τὴν τῶν ἐξ ἀρχῆς καταβαλλομένων εὐκαιρίαν.
그럼에도 이 왕궁은 그 규모에 있어서 둘레가 거의 7스타디온에 달하며, 세부 건축물들의 화려함을 통해 최초에 기초를 놓았던 이들의 막강한 재력을 보여준다.
§10.27.10οὔσης γὰρ τῆς ξυλείας ἁπάσης κεδρίνης καὶ κυπαριττίνης, οὐδεμίαν αὐτῶν γεγυμνῶσθαι συνέβαινεν, ἀλλὰ καὶ τὰς δοκοὺς καὶ τὰ φατνώματα καὶ τοὺς κίονας τοὺς ἐν ταῖς στοαῖς καὶ περιστύλοις, τοὺς μὲν ἀργυραῖς, τοὺς δὲ χρυσαῖς λεπίσι περιειλῆφθαι, τὰς δὲ κεραμίδας ἀργυρᾶς εἶναι πάσας.
모든 목재가 백향목과 편백나무였음에도, 그것들 중 어느 하나도 그대로 노출되어 있지 않고, 들보와 우물천장, 주랑과 회랑의 기둥들 모두가 어떤 것은 은판으로, 어떤 것은 금판으로 둘러싸여 있었으며, 기와는 전부 은으로 되어 있었기 때문이다.
§10.27.11τούτων δὲ τὰ μὲν πλεῖστα συνέβη λεπισθῆναι κατὰ τὴν Ἀλεξάνδρου καὶ Μακεδόνων ἔφοδον, τὰ δὲ λοιπὰ κατὰ τὴν Ἀντιγόνου καὶ Σελεύκου τοῦ Νικάνορος δυναστείαν.
이것들의 대부분은 알렉산드로스와 마케도니아인들이 침공했을 때 벗겨졌고, 나머지는 안티고노스와 셀레우코스 니카토르의 지배 시기에 벗겨졌다.
§10.27.12ὅμως δὲ κατὰ τὴν Ἀντιόχου παρουσίαν ὅ τε ναὸς αὐτὸς ὁ τῆς Αἴνης προσαγορευόμενος ἔτι τοὺς κίονας εἶχε τοὺς πέριξ κεχρυσωμένους, καὶ κεραμίδες ἀργυραῖ καὶ πλείους ἐν αὐτῷ συνετέθειντο, πλίνθοι δὲ χρυσαῖ τινες ὀλίγαι μὲν ἦσαν, ἀργυραῖ δὲ καὶ πλείους ὑπέμενον.
그럼에도 안티오코스가 도착했을 때까지도 아이네라고 불리는 신전 자체에는 주변 기둥들에 여전히 금박이 입혀져 있었고, 그 안에는 꽤 많은 은 기와들이 쌓여 있었으며, 금 벽돌 몇 장과 더 많은 은 벽돌들이 남아 있었다.
§10.27.13ἐκ δὲ πάντων τῶν προειρημένων τὸ χαραχθὲν εἰς τὸ βασιλικὸν ἡθροίσθη νόμισμα μικρῷ λεῖπον τετρακισχιλίων ταλάντων. —
그리고 앞서 언급된 모든 것들로부터 왕실 화폐로 주조되어 거두어들인 액수는 4,000달란트에서 아주 조금 모자라는 정도에 달했다.