§1.18.1μετὰ δὲ ταῦτα συνέβη τοὺς μὲν Καρχηδονίους εὐλαβέστερον διακεῖσθαι πρὸς τὰς ἐπιθέσεις, τοὺς δὲ Ῥωμαίους φυλακτικώτερον χρῆσθαι ταῖς προνομαῖς.
在此之后，结果是迦太基人在发动进攻时变得更加谨慎，而罗马人在进行搜集粮食时也更加警惕。
§1.18.2ἐπεὶ δʼ οὐκ ἀντεξῄεσαν οἱ Καρχηδόνιοι πλὴν ἕως ἀκροβολισμοῦ, διελόντες οἱ στρατηγοὶ τῶν Ῥωμαίων εἰς δύο μέρη τὴν δύναμιν τῷ μὲν ἑνὶ περὶ τὸ πρὸ τῆς πόλεως Ἀσκληπιεῖον ἔμενον, θατέρῳ δὲ κατεστρατοπέδευσαν ἐν τοῖς πρὸς Ἡράκλειαν κεκλιμένοις μέρεσιν τῆς πόλεως.
由于迦太基人除了小规模的前哨战之外并不出城迎战，罗马的将军们便将军队分为两部分，一部留驻在城前的美神庙周围，另一部则在城朝向赫拉克利亚的一侧扎营。
§1.18.3τὰ δὲ μεταξὺ τῶν στρατοπέδων ἐξ ἑκατέρου τοῦ μέρους τῆς πόλεως ὠχυρώσαντο καὶ τὴν μὲν ἐντὸς αὐτῶν τάφρον προεβάλοντο χάριν τῆς πρὸς τοὺς ἐξιόντας ἐκ τῆς πόλεως ἀσφαλείας, τὴν δʼ ἐκτὸς αὐτῶν περιεβάλοντο, φυλακὴν ποιούμενοι τῶν ἔξωθεν ἐπιθέσεων καὶ τῶν παρεισάγεσθαι καὶ παρεισπίπτειν εἰωθότων εἰς τὰς πολιορκουμένας πόλεις.
他们在城市两侧将两营之间的空间加固，并在内侧掘出一条壕沟，以防御城中出击的敌人；在外侧也环绕挖出一条壕沟，用以防范来自外部的袭击，以及那些通常被秘密运入或溜进被围困城市的物资和人员。
§1.18.4τὰ δὲ μεταξὺ τῶν τάφρων καὶ τῶν στρατοπέδων διαστήματα φυλακαῖς διέλαβον, ὀχυροποιησάμενοι τοὺς εὐκαίρους τῶν τόπων ἐν διαστάσει.
他们还在壕沟和营地之间的空隙设立哨所加以阻隔，并在适宜的地点按一定间隔进行加固。
§1.18.5τὰ δὲ χορήγια καὶ τὴν ἄλλην παρασκευὴν οἱ μὲν ἄλλοι σύμμαχοι πάντες ἥθροιζον αὐτοῖς καὶ παρῆγον εἰς Ἑρβησόν, αὐτοὶ δʼ ἐκ ταύτης τῆς πόλεως οὐ μακρὰν ὑπαρχούσης ἄγοντες καὶ φέροντες συνεχῶς τὰς ἀγορὰς δαψιλῆ τἀναγκαῖα σφίσι παρεσκεύαζον.
至于粮食和其他军需物资，所有其他盟友都为他们搜集并运送到赫尔贝索斯；罗马人自己则不断从这座相距不远的城市运送供应物资，从而为自己筹备了充裕的必需品。
§1.18.6πέντε μὲν οὖν ἴσως μῆνας ἐπὶ τῶν αὐτῶν διέμενον, οὐδὲν ὁλοσχερὲς προτέρημα δυνάμενοι λαβεῖν κατʼ ἀλλήλων πλὴν τῶν ἐν αὐτοῖς τοῖς ἀκροβολισμοῖς συμβαινόντων.
于是，在大约五个月的时间里他们保持着相同的状态，除了在那些前哨战中所发生的事情之外，谁也无法对另一方取得任何决定性的优势。
§1.18.7συναγομένων δὲ τῷ λιμῷ τῶν Καρχηδονίων διὰ τὸ πλῆθος τῶν ἐν τῇ πόλει συγκεκλεισμένων ἀνδρῶν — οὐ γὰρ ἐλάττους πέντε μυριάδων ὑπῆρχον — δυσχρηστούμενος Ἀννίβας ἤδη τοῖς πράγμασιν, ὁ τεταγμένος ἐπὶ τῶν πολιορκουμένων δυνάμεων, διεπέμπετο συνεχῶς εἰς τὴν Καρχηδόνα τήν τε περίστασιν διασαφῶν καὶ βοηθεῖν παρακαλῶν.
随着被困城中的人数众多——其数量不少于五万——迦太基人由于饥荒而陷入困境，此时负责指挥受围困军队的汉尼拔已对局势感到一筹莫展，于是他不断派人送信到迦太基，说明目前的处境并请求援助。
§1.18.8οἱ δʼ ἐν τῇ Καρχηδόνι τῶν ἐπισυνηγμένων στρατιωτῶν καὶ θηρίων γεμίσαντες τὰς ναῦς ἐξέπεμψαν εἰς τὴν Σικελίαν πρὸς Ἄννωνα τὸν ἕτερον στρατηγόν.
迦太基方面将新招募的士兵和战象装满船只，派往西西里送给另一位将军汉诺。
§1.18.9ὃς συναγαγὼν τὰς παρασκευὰς καὶ δυνάμεις εἰς Ἡράκλειαν πρῶτον μὲν πραξικοπήσας κατέσχε τὴν τῶν Ἑρβησέων πόλιν καὶ παρείλετο τὰς ἀγορὰς καὶ τὴν τῶν ἀναγκαίων χορηγίαν τοῖς τῶν ὑπεναντίων στρατοπέδοις.
汉诺在赫拉克利亚集结了物资和军队，首先通过一次奇袭占领了赫尔贝索斯人的城市，从而剥夺了敌方阵营的物资和必需品供应。
§1.18.10ἐξ οὗ συνέβη τοὺς Ῥωμαίους ἐπʼ ἴσου πολιορκεῖν καὶ πολιορκεῖσθαι τοῖς πράγμασιν.
由此导致的结果是，在实际情况中，罗马人既是围攻者，又同样处于被围困的境地。
εἰς γὰρ τοῦτο συνήγοντο τῇ σιτοδείᾳ καὶ σπάνει τῶν ἀναγκαίων ὥστε πολλάκις βουλεύεσθαι περὶ τοῦ λύειν τὴν πολιορκίαν.
因为他们因粮食短缺和必需品匮乏而被逼入如此绝境，以至于多次讨论解除包围。
§1.18.11ὃ δὴ καὶ τέλος ἂν ἐποίησαν, εἰ μὴ πᾶσαν σπουδὴν καὶ μηχανὴν προσφερόμενος Ἱέρων τὰ μέτρια καὶ τἀναγκαῖα σφίσι παρεσκεύαζε
如果不是希伦竭尽一切热忱与手段为他们提供适度且必需的物资，实际上他们最终也就这么做了。