§1.16.1προσπεσόντων γὰρ εἰς τὴν Ῥώμην ἐκ τῆς Σικελίας τῶν περὶ τὸν Ἄππιον καὶ τὰ στρατόπεδα προτερημάτων, καταστήσαντες ὑπάτους Μάνιον Ὀτακίλιον καὶ Μάνιον Οὐαλέριον τάς τε δυνάμεις ἁπάσας ἐξαπέστελλον καὶ τοὺς στρατηγοὺς ἀμφοτέρους εἰς τὴν Σικελίαν.
当关于阿庇乌斯及其军团胜利的消息从西西里传到罗马时，罗马人任命曼尼乌斯·奥塔基里乌斯和曼尼乌斯·瓦莱里乌斯为执政官，并将全部军队和两位将军都派往西西里。
§1.16.2ἔστι δὲ παρὰ Ῥωμαίοις τὰ πάντα τέτταρα στρατόπεδα Ῥωμαϊκὰ χωρὶς τῶν συμμάχων, ἃ κατʼ ἐνιαυτὸν προχειρίζονται· τούτων ἕκαστον ἀνὰ τετρακισχιλίους πεζούς, ἱππεῖς δὲ τριακοσίους.
在罗马人中，除盟友外，共有四个罗马军团，他们每年进行征募；这些军团中每一个都拥有四千名步兵和三百名骑兵。
§1.16.3ὧν παραγενομένων ἀπό τε τῶν Καρχηδονίων αἱ πλείους ἀφιστάμεναι πόλεις προσετίθεντο τοῖς Ῥωμαίοις ἀπό τε τῶν Συρακοσίων.
随着他们的抵达，大多数城市纷纷背叛迦太基人和叙拉古人，归顺了罗马人。
§1.16.4ὁ δʼ Ἱέρων θεωρῶν τὴν διατροπὴν καὶ κατάπληξιν τῶν Σικελιωτῶν, ἅμα δὲ τὸ πλῆθος καὶ τὸ βάρος τῶν Ῥωμαϊκῶν στρατοπέδων, ἐκ πάντων συνελογίζετο τούτων ἐπικυδεστέρας εἶναι τὰς τῶν Ῥωμαίων ἢ τὰς τῶν Καρχηδονίων ἐλπίδας.
希伦看到西西里人的动摇与惊恐，同时也看到罗马军团的人数与威力，遂从所有这些情况中推论出，罗马人的前景比迦太基人的前景更为光明。
§1.16.5διόπερ ἐπὶ τοῦτο τὸ μέρος ὁρμήσας τοῖς λογισμοῖς διεπέμπετο πρὸς τοὺς στρατηγούς, ὑπὲρ εἰρήνης καὶ φιλίας ποιούμενος τοὺς λόγους.
因此，他在思考中倾向于这一方面，便派使者前往那些将军处，提出和平与友好的倡议。
§1.16.6οἱ δὲ Ῥωμαῖοι προσεδέξαντο, καὶ μάλιστα διὰ τὰς χορηγίας· §1.16.7θαλαττοκρατούντων γὰρ τῶν Καρχηδονίων εὐλαβοῦντο μὴ πανταχόθεν ἀποκλεισθῶσι τῶν ἀναγκαίων διὰ τὸ καὶ περὶ τὰ πρὸ τοῦ διαβάντα στρατόπεδα πολλὴν ἔνδειαν γεγονέναι τῶν ἐπιτηδείων.
罗马人接受了这一请求，这主要是由于补给的原因；因为由于迦太基人控制着制海权，他们担心生活必需品会从各方被切断，因为即使对于先前渡海的军团，也曾发生过严重的粮食短缺。
§1.16.8διόπερ ὑπολαβόντες τὸν Ἱέρωνα μεγάλην εἰς τοῦτο τὸ μέρος αὑτοῖς παρέξεσθαι χρείαν ἀσμένως προσεδέξαντο τὴν φιλίαν.
因此，由于他们认为希伦在这方面会给他们提供巨大的帮助，便欣然接受了这一友谊。
§1.16.9ποιησάμενοι δὲ συνθήκας ἐφʼ ᾧ τὰ μὲν αἰχμάλωτα χωρὶς λύτρων ἀποδοῦναι τὸν βασιλέα Ῥωμαίοις, ἀργυρίου δὲ προσθεῖναι τάλαντα τούτοις ἑκατόν, λοιπὸν ἤδη Ῥωμαῖοι μὲν ὡς φίλοις καὶ συμμάχοις ἐχρῶντο τοῖς Συρακοσίοις.
他们在达成条约后——其条件是国王应当无赎金归还罗马人俘虏，并此外向他们支付一百塔兰同白银——此后罗马人便将叙拉古人视为朋友和盟友。
§1.16.10ὁ δὲ βασιλεὺς Ἱέρων ὑποστείλας ἑαυτὸν ὑπὸ τὴν Ῥωμαίων σκέπην καὶ χορηγῶν ἀεὶ τούτοις εἰς τὰ κατεπείγοντα τῶν πραγμάτων ἀδεῶς ἐβασίλευε τῶν Συρακοσίων τὸν μετὰ ταῦτα χρόνον, φιλοστεφανῶν καὶ φιλοδοξῶν εἰς τοὺς Ἕλληνας.
而国王希伦则将自己置于罗马人的庇护之下，并在他们的紧急事务中不断提供补给，在随后的时间里无忧无虑地统治着叙拉古人，致力于在希腊人中赢取冠冕并博得声誉。
§1.16.11ἐπιφανέστατος γὰρ δὴ πάντων οὗτος δοκεῖ καὶ πλεῖστον χρόνον ἀπολελαυκέναι τῆς ἰδίας εὐβουλίας ἔν τε τοῖς κατὰ μέρος καὶ τοῖς καθόλου πράγμασιν.
因为在所有人中，他确实显得最为显赫，并且在局部和整体的事务中，最长期地享受了自己明智决策的成果。