§8.45.1Τεγεᾶται δὲ ἐπὶ μὲν Τεγεάτου τοῦ Λυκάονος τῇ χώρᾳ φασὶν ἀπʼ αὐτοῦ γενέσθαι μόνῃ τὸ ὄνομα, τοῖς δὲ ἀνθρώποις κατὰ δήμους εἶναι τὰς οἰκήσεις, Γαρεάτας καὶ Φυλακεῖς καὶ Καρυάτας τε καὶ Κορυθεῖς, ἔτι δὲ Πωταχίδας καὶ Οἰάτας Μανθυρεῖς τε καὶ Ἐχευήθεις· ἐπὶ δὲ Ἀφείδαντος βασιλεύοντος καὶ ἔνατός σφισι δῆμος προσεγένετο Ἀφείδαντες· τῆς δὲ ἐφʼ ἡμῶν πόλεως οἰκιστὴς ἐγένετο Ἄλεος.
特格阿人说，在吕卡翁之子特格阿特斯时代，只有土地因他而得名，而人们则按区居住，即加雷亚泰、皮拉刻伊斯、卡吕亚泰和科里泰伊斯，此外还有波塔希代、奥亚泰、曼图雷伊斯和埃刻乌埃泰伊斯；在阿斐达斯统治时期，第九个区阿斐丹特斯加入了他们；而我们时代的城市创建者是阿勒俄斯。
§8.45.2Τεγεάταις δὲ παρὲξ ἢ τὰ Ἀρκάδων κοινά, ἐν οἷς ἔστι μὲν ὁ πρὸς Ἰλίῳ πόλεμος, ἔστι δὲ τὰ Μηδικά τε καὶ ἐν Διπαιεῦσιν ὁ πρὸς Λακεδαιμονίους ἀγών, παρὲξ οὖν τῶν καταλελεγμένων ἰδίᾳ Τεγεάταις ἐστὶν αὐτοῖς τοσάδε ἐς δόξαν.
对于特格阿人来说，除了阿卡迪亚人的共同事务——其中包括在伊利翁的战争、波斯战争以及在迪派亚对抗拉刻代蒙人的战斗——因此，除了这些列举的事项之外，他们自身还有以下这些独特的荣耀。
τὸν γὰρ ἐν Καλυδῶνι ὗν Ἀγκαῖος ὑπέμεινεν ὁ Λυκούργου τρωθείς, καὶ Ἀταλάντη τοξεύει τὸν ὗν καὶ ἔτυχε πρώτη τοῦ θηρίου· τούτων ἕνεκα αὐτῇ ἡ κεφαλή τε τοῦ ὑὸς καὶ τὸ δέρμα ἀριστεῖα ἐδόθη.
因为吕库古之子安凯俄斯虽受了伤，仍挺身迎战卡吕冬野猪，而阿塔兰特射中野猪并最先击中这只野兽；由于这些原因，野猪的头和皮作为最高奖赏赐给了她。
§8.45.3Ἡρακλειδῶν δὲ ἐς Πελοπόννησον κατιόντων Ἔχεμος ὁ Ἀερόπου Τεγεάτης ἐμονομάχησεν ἰδίᾳ πρὸς Ὕλλον, καὶ ἐκράτησε τοῦ Ὕλλου τῇ μάχῃ.
在赫拉克勒斯后裔回到伯罗奔尼撒时，阿厄罗波斯之子、特格阿人埃克摩斯与许罗斯进行单挑，并在战斗中击败了许罗斯。
Λακεδαιμονίους τε οἱ Τεγεᾶται πρῶτοι Ἀρκάδων σφίσιν ἐπιστρατεύσαντας ἐνίκησαν καὶ αἰχμαλώτους αἱροῦσιν αὐτῶν τοὺς πολλούς.
特格阿人也是阿卡迪亚人中第一个击败向他们发动战争的拉刻代蒙人的人，并俘虏了他们中的大多数人。
§8.45.4Τεγεάταις δὲ Ἀθηνᾶς τῆς Ἀλέας τὸ ἱερὸν τὸ ἀρχαῖον ἐποίησεν Ἄλεος· χρόνῳ δὲ ὕστερον κατεσκευάσαντο οἱ Τεγεᾶται τῇ θεῷ ναὸν μέγαν τε καὶ θέας ἄξιον.
阿勒俄斯为特格阿人建造了阿莱亚雅典娜的古老神庙；后来，特格阿人为女神建造了一座既宏大又值得一看的神庙。
ἐκεῖνο μὲν δὴ πῦρ ἠφάνισεν ἐπινεμηθὲν ἐξαίφνης, Διοφάντου παρʼ Ἀθηναίοις ἄρχοντος, δευτέρῳ δὲ ἔτει τῆς ἕκτης καὶ ἐνενηκοστῆς Ὀλυμπιάδος, ἣν Εὐπόλεμος Ἠλεῖος ἐνίκα στάδιον.
那座旧神庙在雅典人由狄奥凡托斯担任执政官的那一年，即伊利斯人欧波莱莫斯赢得短跑比赛的第九十六届奥林匹克运动会第二年，因突然蔓延的大火而毁灭。
§8.45.5ὁ δὲ ναὸς ὁ ἐφʼ ἡμῶν πολὺ δή τι τῶν ναῶν, ὅσοι Πελοποννησίοις εἰσίν, ἐς κατασκευὴν προέχει τὴν ἄλλην καὶ ἐς μέγεθος.
但我们时代的神庙在其他装饰和规模上，都远远超过了伯罗奔尼撒人所拥有的所有神庙。
ὁ μὲν δὴ πρῶτός ἐστιν αὐτῷ κόσμος τῶν κιόνων Δώριος, ὁ δὲ ἐπὶ τούτῳ Κορίνθιος· ἑστήκασι δὲ καὶ ἐντὸς τοῦ ναοῦ κίονες ἐργασίας τῆς Ἰώνων.
其第一层列柱的样式是多立克式，在其上的是科林斯式；在神庙内部也立有爱奥尼亚人手艺的圆柱。
ἀρχιτέκτονα δὲ ἐπυνθανόμην Σκόπαν αὐτοῦ γενέσθαι τὸν Πάριον, ὃς καὶ ἀγάλματα πολλαχοῦ τῆς ἀρχαίας Ἑλλάδος, τὰ δὲ καὶ περὶ Ἰωνίαν τε καὶ Καρίαν ἐποίησε.
我了解到其建筑师是帕罗斯的斯柯帕斯，他也曾在古希腊的许多地方以及爱奥尼亚和卡里亚一带制作过雕像。
§8.45.6τὰ δὲ ἐν τοῖς ἀετοῖς ἐστιν ἔμπροσθεν ἡ θήρα τοῦ ὑὸς τοῦ Καλυδωνίου· πεποιημένου δὲ κατὰ μέσον μάλιστα τοῦ ὑὸς τῇ μέν ἐστιν Ἀταλάντη καὶ Μελέαγρος καὶ Θησεὺς Τελαμών τε καὶ Πηλεὺς καὶ Πολυδεύκης καὶ Ἰόλαος, ὃς τὰ πλεῖστα Ἡρακλεῖ συνέκαμνε τῶν ἔργων, καὶ Θεστίου παῖδες, ἀδελφοὶ δὲ Ἀλθαίας, Πρόθους καὶ Κομήτης· §8.45.7κατὰ δὲ τοῦ ὑὸς τὰ ἕτερα Ἀγκαῖον ἔχοντα ἤδη τραύματα καὶ ἀφέντα τὸν πέλεκυν ἀνέχων ἐστὶν Ἔποχος, παρὰ δὲ αὐτὸν Κάστωρ καὶ Ἀμφιάραος Ὀικλέους, ἐπὶ δὲ αὐτοῖς Ἱππόθους ὁ Κερκυόνος τοῦ Ἀγαμήδους τοῦ Στυμφήλου· τελευταῖος δέ ἐστιν εἰργασμένος Πειρίθους.
在山墙上的浮雕，前面是卡吕冬野猪的狩猎；野猪几乎被刻在正中间，在它的一侧是阿塔兰特、梅莱阿格罗斯、忒修斯、忒拉蒙和佩琉斯、波吕丢刻斯，以及与赫拉克勒斯共同承担了大部分劳绩的伊奥拉俄斯，还有泰斯提乌斯之子、阿尔泰亚的兄弟普罗托乌斯和科梅特斯；在野猪的另一侧，埃波科斯正扶着已经受伤并丢下斧头的安凯俄斯，在他旁边是卡斯托耳和奥伊克莱斯之子安菲阿拉俄斯，在他们之后是希波托俄斯（刻耳库翁之子，刻耳库翁是斯廷法洛斯之子阿加墨得斯之子）；最后被雕刻出来的是培里托俄斯。
τὰ δὲ ὄπισθεν πεποιημένα ἐν τοῖς ἀετοῖς Τηλέφου πρὸς Ἀχιλλέα ἐστὶν ἡ ἐν Καΐκου πεδίῳ μάχη.
在后面山墙上制作的内容是特勒福斯在凯科斯平原对抗阿喀琉斯的战斗。