§8.45.1Τεγεᾶται δὲ ἐπὶ μὲν Τεγεάτου τοῦ Λυκάονος τῇ χώρᾳ φασὶν ἀπʼ αὐτοῦ γενέσθαι μόνῃ τὸ ὄνομα, τοῖς δὲ ἀνθρώποις κατὰ δήμους εἶναι τὰς οἰκήσεις, Γαρεάτας καὶ Φυλακεῖς καὶ Καρυάτας τε καὶ Κορυθεῖς, ἔτι δὲ Πωταχίδας καὶ Οἰάτας Μανθυρεῖς τε καὶ Ἐχευήθεις·
테게아인들에 따르면, 리카온의 아들 테게아테스 시절에는 그의 이름을 딴 명칭이 오직 영토에만 있었고, 사람들은 데모스(구역)별로 거주하였으니, 가레아타이, 필라케이스, 카리아타이, 코리테이스, 그리고 포타키다이, 오이아타이, 만투레이스, 에케우에테이스가 그것이다.
ἐπὶ δὲ Ἀφείδαντος βασιλεύοντος καὶ ἔνατός σφισι δῆμος προσεγένετο Ἀφείδαντες·
아페이다스가 왕으로 다스릴 때 아페이단테스라는 아홉 번째 데모스가 그들에게 추가되었다.
τῆς δὲ ἐφʼ ἡμῶν πόλεως οἰκιστὴς ἐγένετο Ἄλεος.
그러나 우리 시대 도시의 창건자는 알레오스였다.
§8.45.2Τεγεάταις δὲ παρὲξ ἢ τὰ Ἀρκάδων κοινά, ἐν οἷς ἔστι μὲν ὁ πρὸς Ἰλίῳ πόλεμος, ἔστι δὲ τὰ Μηδικά τε καὶ ἐν Διπαιεῦσιν ὁ πρὸς Λακεδαιμονίους ἀγών, παρὲξ οὖν τῶν καταλελεγμένων ἰδίᾳ Τεγεάταις ἐστὶν αὐτοῖς τοσάδε ἐς δόξαν.
테게아인들에게는 아르카디아인 전체의 공통된 일들――그 안에는 일리온에서의 전쟁, 페르시아 전쟁, 그리고 디파이에이스에서 라케다이몬인들과 벌인 전투가 있다――을 제외하고, 따라서 위에 열거한 것들 외에 테게아인 자신들에게 개별적으로 다음과 같은 명예로운 일들이 있다.
τὸν γὰρ ἐν Καλυδῶνι ὗν Ἀγκαῖος ὑπέμεινεν ὁ Λυκούργου τρωθείς, καὶ Ἀταλάντη τοξεύει τὸν ὗν καὶ ἔτυχε πρώτη τοῦ θηρίου·
리쿠르고스의 아들 안카이오스가 부상을 당했음에도 칼리돈의 멧돼지에 맞서 버텨냈고, 아탈란테가 멧돼지를 쏘아 가장 먼저 야수를 맞혔기 때문이다.
τούτων ἕνεκα αὐτῇ ἡ κεφαλή τε τοῦ ὑὸς καὶ τὸ δέρμα ἀριστεῖα ἐδόθη.
이러한 이유로 그녀에게 멧돼지의 머리와 가죽이 포상으로 주어졌다.
§8.45.3Ἡρακλειδῶν δὲ ἐς Πελοπόννησον κατιόντων Ἔχεμος ὁ Ἀερόπου Τεγεάτης ἐμονομάχησεν ἰδίᾳ πρὸς Ὕλλον, καὶ ἐκράτησε τοῦ Ὕλλου τῇ μάχῃ.
헤라클레이다이(헤라클레스의 후손들)가 펠로폰네소스로 내려올 때, 아에로포스의 아들인 테게아인 에케모스가 힐로스와 일대일 결투를 벌여 전투에서 힐로스를 이겼다.
Λακεδαιμονίους τε οἱ Τεγεᾶται πρῶτοι Ἀρκάδων σφίσιν ἐπιστρατεύσαντας ἐνίκησαν καὶ αἰχμαλώτους αἱροῦσιν αὐτῶν τοὺς πολλούς.
또한 테게아인들은 자신들을 침공한 라케다이몬인들을 아르카디아인 중에서 가장 먼저 물리쳤으며 그들 중 대부분을 포로로 잡았다.
§8.45.4Τεγεάταις δὲ Ἀθηνᾶς τῆς Ἀλέας τὸ ἱερὸν τὸ ἀρχαῖον ἐποίησεν Ἄλεος· χρόνῳ δὲ ὕστερον κατεσκευάσαντο οἱ Τεγεᾶται τῇ θεῷ ναὸν μέγαν τε καὶ θέας ἄξιον.
테게아인들을 위해 알레아의 아테나의 고대 신전을 알레오스가 지었으며, 시간이 흐른 뒤 테게아인들은 여신을 위해 거대하고 볼 만한 가치가 있는 신전을 건립했다.
ἐκεῖνο μὲν δὴ πῦρ ἠφάνισεν ἐπινεμηθὲν ἐξαίφνης, Διοφάντου παρʼ Ἀθηναίοις ἄρχοντος, δευτέρῳ δὲ ἔτει τῆς ἕκτης καὶ ἐνενηκοστῆς Ὀλυμπιάδος, ἣν Εὐπόλεμος Ἠλεῖος ἐνίκα στάδιον.
그러나 옛 신전은 아테네인들 사이에서 디오판토스가 아르콘으로 있을 때, 즉 엘리스인 에우폴레모스가 스타디온 경기에서 우승한 제96회 올림피아드 둘째 해에 갑자기 번진 화재로 소실되었다.
§8.45.5ὁ δὲ ναὸς ὁ ἐφʼ ἡμῶν πολὺ δή τι τῶν ναῶν, ὅσοι Πελοποννησίοις εἰσίν, ἐς κατασκευὴν προέχει τὴν ἄλλην καὶ ἐς μέγεθος.
우리 시대의 신전은 펠로폰네소스인들이 가진 모든 신전보다 다른 장식과 규모 면에서 훨씬 뛰어나다.
ὁ μὲν δὴ πρῶτός ἐστιν αὐτῷ κόσμος τῶν κιόνων Δώριος, ὁ δὲ ἐπὶ τούτῳ Κορίνθιος·
신전의 첫 번째 열주 양식은 도리스식이고, 그 위에는 코린토스식이다.
ἑστήκασι δὲ καὶ ἐντὸς τοῦ ναοῦ κίονες ἐργασίας τῆς Ἰώνων.
또한 신전 내부에도 이오니아인들의 솜씨로 만든 기둥들이 서 있다.
ἀρχιτέκτονα δὲ ἐπυνθανόμην Σκόπαν αὐτοῦ γενέσθαι τὸν Πάριον, ὃς καὶ ἀγάλματα πολλαχοῦ τῆς ἀρχαίας Ἑλλάδος, τὰ δὲ καὶ περὶ Ἰωνίαν τε καὶ Καρίαν ἐποίησε.
나는 그것의 건축가가 파로스 출신의 스코파스였다고 들었는데, 그는 고대 그리스의 많은 곳과 이오니아 및 카리아 주변에도 조각상들을 제작한 인물이다.
§8.45.6τὰ δὲ ἐν τοῖς ἀετοῖς ἐστιν ἔμπροσθεν ἡ θήρα τοῦ ὑὸς τοῦ Καλυδωνίου·
페디먼트(박공)에 있는 장식 중 전면에는 칼리돈의 멧돼지 사냥이 있다.
πεποιημένου δὲ κατὰ μέσον μάλιστα τοῦ ὑὸς τῇ μέν ἐστιν Ἀταλάντη καὶ Μελέαγρος καὶ Θησεὺς Τελαμών τε καὶ Πηλεὺς καὶ Πολυδεύκης καὶ Ἰόλαος, ὃς τὰ πλεῖστα Ἡρακλεῖ συνέκαμνε τῶν ἔργων, καὶ Θεστίου παῖδες, ἀδελφοὶ δὲ Ἀλθαίας, Πρόθους καὶ Κομήτης·
거의 중앙에 멧돼지가 묘사되어 있으며, 한쪽에는 아탈란테, 멜레아그로스, 테세우스, 테라몬과 펠레우스, 폴리데우케스, 그리고 헤라클레스와 함께 대부분의 노고를 같이한 이올라오스, 그리고 알타이아의 형제인 테스티오스의 아들들인 프로토우스와 코메테스가 있다.
§8.45.7κατὰ δὲ τοῦ ὑὸς τὰ ἕτερα Ἀγκαῖον ἔχοντα ἤδη τραύματα καὶ ἀφέντα τὸν πέλεκυν ἀνέχων ἐστὶν Ἔποχος, παρὰ δὲ αὐτὸν Κάστωρ καὶ Ἀμφιάραος Ὀικλέους, ἐπὶ δὲ αὐτοῖς Ἱππόθους ὁ Κερκυόνος τοῦ Ἀγαμήδους τοῦ Στυμφήλου· τελευταῖος δέ ἐστιν εἰργασμένος Πειρίθους.
멧돼지의 다른 쪽에는 이미 부상을 입고 도끼를 놓쳐버린 안카이오스를 붙들어주고 있는 에포코스가 있고, 그의 옆에는 카스토르와 오이클레스의 아들 암피아라오스가 있으며, 그들 뒤에는 스팀팔로스의 아들 아가메데스의 아들인 케르키온의 아들 히포토우스가 있고, 마지막으로 묘사된 이는 페이리토오스이다.
τὰ δὲ ὄπισθεν πεποιημένα ἐν τοῖς ἀετοῖς Τηλέφου πρὸς Ἀχιλλέα ἐστὶν ἡ ἐν Καΐκου πεδίῳ μάχη.
후면 페디먼트에 묘사된 것은 카이코스 평원에서 텔레포스가 아킬레우스에 맞서 싸운 전투이다.