§1.2.1ἐσελθόντων δὲ ἐς τὴν πόλιν ἐστὶν Ἀντιόπης μνῆμα Ἀμαζόνος.
进入城内时，有亚马逊人安提奥佩之墓。
ταύτην τὴν Ἀντιόπην Πίνδαρος μέν φησιν ὑπὸ Πειρίθου καὶ Θησέως ἁρπασθῆναι, Τροιζηνίῳ δὲ Ἡγίᾳ τοιάδε ἐς αὐτὴν πεποίηται· Ἡρακλέα Θεμίσκυραν πολιορκοῦντα τὴν ἐπὶ Θερμώδοντι ἑλεῖν μὴ δύνασθαι, Θησέως δὲ ἐρασθεῖσαν Ἀντιόπην— στρατεῦσαι γὰρ ἅμα Ἡρακλεῖ καὶ Θησέα—παραδοῦναι τὸ χωρίον.
关于这位安提奥佩，品达说她是被佩里托奥斯和忒修斯劫持的，但特罗曾的黑吉亚斯在诗中关于她写道：赫拉克勒斯围攻瑟尔莫冬河畔的塞米斯库拉却无法攻克，而爱上了忒修斯的安提奥佩——因为忒修斯也与赫拉克勒斯一同出征——交出了该地。
τάδε μὲν Ἡγίας πεποίηκεν· Ἀθηναῖοι δέ φασιν, ἐπεί τε ἦλθον Ἀμαζόνες, Ἀντιόπην μὲν ὑπὸ Μολπαδίας τοξευθῆναι, Μολπαδίαν δὲ ἀποθανεῖν ὑπὸ Θησέως.
这是黑吉亚斯所写的；但雅典人说，当亚马逊人到来时，安提奥佩被莫尔帕迪亚用箭射中，而莫尔帕迪亚则被忒修斯杀死。
καὶ μνῆμά ἐστι καὶ Μολπαδίας Ἀθηναίοις.
雅典人这里也有莫尔帕迪亚之墓。
§1.2.2ἀνιόντων δὲ ἐκ Πειραιῶς ἐρείπια τῶν τειχῶν ἐστιν, ἃ Κόνων ὕστερον τῆς πρὸς Κνίδῳ ναυμαχίας ἀνέστησε· τὰ γὰρ Θεμιστοκλέους μετὰ τὴν ἀναχώρησιν οἰκοδομηθέντα τὴν Μήδων ἐπὶ τῆς ἀρχῆς καθῃρέθη τῶν τριάκοντα ὀνομαζομένων.
从比雷埃夫斯上山时，有城墙的遗迹，这些城墙是柯侬在克尼多斯海战之后重建的；因为地米斯托克利在波斯人撤退后建造的城墙，在所谓的三十人僭主统治时期被摧毁了。
εἰσὶ δὲ τάφοι κατὰ τὴν ὁδὸν γνωριμώτατοι Μενάνδρου τοῦ Διοπείθους καὶ μνῆμα Εὐριπίδου κενόν· τέθαπται δὲ Εὐριπίδης ἐν Μακεδονίᾳ παρὰ τὸν βασιλέα ἐλθὼν Ἀρχέλαον, ὁ δέ οἱ τοῦ θανάτου τρόπος—πολλοῖς γάρ ἐστιν εἰρημένος—ἐχέτω καθὰ λέγουσιν.
沿路有非常著名的坟墓，其中最著名的是迪奥庇特斯之子米南德之墓，以及欧里庇得斯的衣冠冢；欧里庇得斯葬在马其顿，他曾前往国王阿耳刻拉乌斯的宫廷，至于他的死状——因为已被许多人讲述过——就让他们如是说吧。
§1.2.3συνῆσαν δὲ ἄρα καὶ τότε τοῖς βασιλεῦσι ποιηταὶ καὶ πρότερον ἔτι καὶ Πολυκράτει Σάμου τυραννοῦντι Ἀνακρέων παρῆν καὶ ἐς Συρακούσας πρὸς Ἱέρωνα Αἰσχύλος καὶ Σιμωνίδης ἐστάλησαν·
由此看来，即使在当时，诗人们也伴随在君王身边，更早之前，阿那克里翁曾伴随萨摩斯僭主波利克拉特斯，埃斯库罗斯和西摩尼得斯被派往叙拉古的希伦处。
Διονυσίῳ δέ, ὃς ὕστερον ἐτυράννησεν ἐν Σικελίᾳ, Φιλόξενος παρῆν καὶ Ἀντιγόνῳ Μακεδόνων ἄρχοντι Ἀνταγόρας Ῥόδιος καὶ Σολεὺς Ἄρατος.
菲洛克塞诺斯伴随后来在西西里成为僭主的狄奥尼修斯，罗得斯人安塔戈拉斯和索里的阿拉托斯则伴随马其顿统治者安提柯。
Ἡσίοδος δὲ καὶ Ὅμηρος ἢ συγγενέσθαι βασιλεῦσιν ἠτύχησαν ἢ καὶ ἑκόντες ὠλιγώρησαν, ὁ μὲν ἀγροικίᾳ καὶ ὄκνῳ πλάνης, Ὅμηρος δὲ ἀποδημήσας ἐπὶ μακρότατον καὶ τὴν ὠφέλειαν τὴν ἐς χρήματα παρὰ τῶν δυνατῶν ὑστέραν θέμενος τῆς παρὰ τοῖς πολλοῖς δόξης, ἐπεὶ καὶ Ὁμήρῳ πεποιημένα ἐστὶν Ἀλκίνῳ παρεῖναι Δημόδοκον καὶ ὡς Ἀγαμέμνων καταλείποι τινὰ παρὰ τῇ γυναικὶ ποιητήν.
而赫西俄德和荷马要么是不幸未能与君王结交，要么甚至是故意轻视了他们，前者是因为乡野习惯和不愿旅居，而荷马则旅居极远之地，并将权贵们的金钱资助置于大众之中的名声之后。 事实上，荷马也曾在诗中写到德莫多科斯伴随阿尔基诺奥斯，以及阿伽门农将某位诗人留在妻子身边。
—ἔστι δὲ τάφος οὐ πόρρω τῶν πυλῶν, ἐπίθημα ἔχων στρατιώτην ἵππῳ παρεστηκότα· ὅντινα μέν, οὐκ οἶδα, Πραξιτέλης δὲ καὶ τὸν ἵππον καὶ τὸν στρατιώτην ἐποίησεν.
——在离城门不远的地方有一座坟墓，上面有一名士兵立在马旁的浮雕；我不知道他是谁，但普拉克西特列斯制作了这匹马和这名士兵。
§1.2.4ἐσελθόντων δὲ ἐς τὴν πόλιν οἰκοδόμημα ἐς παρασκευήν ἐστι τῶν πομπῶν, ἃς πέμπουσι τὰς μὲν ἀνὰ πᾶν ἔτος, τὰς δὲ καὶ χρόνον διαλείποντες.
进入城内时，有一座用于准备游行队列的建筑，这些游行有的是每年举行，有的是隔一段时间举行。
καὶ πλησίον ναός ἐστι Δήμητρος, ἀγάλματα δὲ αὐτή τε καὶ ἡ παῖς καὶ δᾷδα ἔχων Ἴακχος· γέγραπται δὲ ἐπὶ τῷ τοίχῳ γράμμασιν Ἀττικοῖς ἔργα εἶναι Πραξιτέλους.
其旁有一座得墨忒耳的神庙，雕像有她自己、她的女儿以及手持火炬的雅克科斯；墙上用阿提卡字母写着，这些是普拉克西特列斯的作品。
τοῦ ναοῦ δὲ οὐ πόρρω Ποσειδῶν ἐστιν ἐφʼ ἵππου, δόρυ ἀφιεὶς ἐπὶ γίγαντα Πολυβώτην, ἐς ὃν Κῴοις ὁ μῦθος ὁ περὶ τῆς ἄκρας ἔχει τῆς Χελώνης· τὸ δὲ ἐπίγραμμα τὸ ἐφʼ ἡμῶν τὴν εἰκόνα ἄλλῳ δίδωσι καὶ οὐ Ποσειδῶνι.
离神庙不远的地方有骑马的波塞冬，正向巨人波吕玻忒斯投掷标枪，关于这个巨人，科斯人有关于赫罗内（乌龟）角的传说；但我们时代的碑文将这尊雕像归于他人而非波塞冬。
στοαὶ δέ εἰσιν ἀπὸ τῶν πυλῶν ἐς τὸν Κεραμεικὸν καὶ εἰκόνες πρὸ αὐτῶν χαλκαῖ καὶ γυναικῶν καὶ ἀνδρῶν, ὅσοις τι ὑπῆρχεν ἐς δόξαν.
从城门到凯拉米克斯有柱廊，柱廊前有曾享有声誉的男女青铜像。
§1.2.5ἡ δὲ ἑτέρα τῶν στοῶν ἔχει μὲν ἱερὰ θεῶν, ἔχει δὲ γυμνάσιον Ἑρμοῦ καλούμενον·
另一座柱廊内有诸神的圣所，还有一个被称为赫尔墨斯的体育馆。
ἔστι δὲ ἐν αὐτῇ Πουλυτίωνος οἰκία, καθʼ ἣν παρὰ τὴν ἐν Ἐλευσῖνι δρᾶσαι τελετὴν Ἀθηναίων φασὶν οὐ τοὺς ἀφανεστάτους· ἐπʼ ἐμοῦ δὲ ἀνεῖτο Διονύσῳ.
其中有普鲁蒂翁的住宅，据说一些地位显赫的雅典人曾在此模仿并亵渎埃勒乌西斯的秘仪；但在我的时代，它已被献给狄奥尼索斯。
Διόνυσον δὲ τοῦτον καλοῦσι Μελπόμενον ἐπὶ λόγῳ τοιῷδε ἐφʼ ὁποίῳ περ Ἀπόλλωνα Μουσηγέτην.
他们称这位狄奥尼索斯为“歌者”，其原因类似于他们称阿波罗为“缪斯领袖”。
ἐνταῦθά ἐστιν Ἀθηνᾶς ἄγαλμα Παιωνίας καὶ Διὸς καὶ Μνημοσύνης καὶ Μουσῶν, Ἀπόλλων τε ἀνάθημα καὶ ἔργον Εὐβουλίδου, καὶ δαίμων τῶν ἀμφὶ Διόνυσον Ἄκρατος· πρόσωπόν ἐστίν οἱ μόνον ἐνῳκοδομημένον τοίχῳ.
这里有佩奥尼亚（治愈女神）雅典娜的雕像、宙斯、姆涅莫绪涅和缪斯们的雕像，以及阿波罗像（是由埃乌布利德斯制作并奉纳的），还有狄奥尼索斯侍从中的神灵阿克拉托斯；他的脸只是被镶嵌在墙壁中。
μετὰ δὲ τὸ τοῦ Διονύσου τέμενός ἐστιν οἴκημα ἀγάλματα ἔχον ἐκ πηλοῦ, βασιλεὺς Ἀθηναίων Ἀμφικτύων ἄλλους τε θεοὺς ἑστιῶν καὶ Διόνυσον.
在狄奥尼索斯的圣所之后是一座含有泥塑雕像的建筑，表现雅典国王阿姆菲克堤翁款待狄奥尼索斯和其他神明。
ἐνταῦθα καὶ Πήγασός ἐστιν Ἐλευθερεύς, ὃς Ἀθηναίοις τὸν θεὸν ἐσήγαγε· συνεπελάβετο δέ οἱ τὸ ἐν Δελφοῖς μαντεῖον ἀναμνῆσαν τὴν ἐπὶ Ἰκαρίου ποτὲ ἐπιδημίαν τοῦ θεοῦ.
这里还有埃勒乌特莱的珀伽索斯，他将这位神明引见给雅典人；德尔斐的神谕协助了他，使他们想起了这位神明曾在伊卡里奥斯时代造访此地。
§1.2.6τὴν δὲ βασιλείαν Ἀμφικτύων ἔσχεν οὕτως.
阿姆菲克堤翁是以这种方式获得王位的。
Ἀκταῖον λέγουσιν ἐν τῇ νῦν Ἀττικῇ βασιλεῦσαι πρῶτον· ἀποθανόντος δὲ Ἀκταίου Κέκροψ ἐκδέχεται τὴν ἀρχὴν θυγατρὶ συνοικῶν Ἀκταίου, καί οἱ γίνονται θυγατέρες μὲν Ἕρση καὶ Ἄγλαυρος καὶ Πάνδροσος, υἱὸς δὲ Ἐρυσίχθων·
据说阿克泰俄斯首先在现在的阿提卡称王；阿克泰俄斯死后，刻克洛普斯娶阿克泰俄斯之女继承了王位，他有女儿赫耳塞、阿格劳罗斯和潘德罗索斯，以及儿子埃律西克同。
οὗτος οὐκ ἐβασίλευσεν Ἀθηναίων, ἀλλά οἱ τοῦ πατρὸς ζῶντος τελευτῆσαι συνέβη, καὶ τὴν ἀρχὴν τὴν Κέκροπος Κραναὸς ἐξεδέξατο, Ἀθηναίων δυνάμει προύχων.
后者并未成为雅典人的国王，而是死于父亲在世之时，刻克洛普斯的王位由在势力上超越雅典人的克拉纳奥斯继承。
Κραναῷ δὲ θυγατέρας καὶ ἄλλας καὶ Ἀτθίδα γενέσθαι λέγουσιν· ἀπὸ ταύτης ὀνομάζουσιν Ἀττικὴν τὴν χώραν, πρότερον καλουμένην Ἀκταίαν.
据说克拉纳奥斯生有其他女儿，并生有阿特斯；人们以她之名将该地区命名为阿提卡，此前该地被称为阿克泰亚。
Κραναῷ δὲ Ἀμφικτύων ἐπαναστάς, θυγατέρα ὅμως ἔχων αὐτοῦ, παύει τῆς ἀρχῆς·
然而，阿姆菲克堤翁对克拉纳奥斯发动叛乱，尽管他娶了克拉纳奥斯之女，却废黜了他的统治。
καὶ αὐτὸς ὕστερον ὑπὸ Ἐριχθονίου καὶ τῶν συνεπαναστάντων ἐκπίπτει·
他自己后来也被埃里克托尼俄斯和共同叛乱者驱逐。
πατέρα δὲ Ἐριχθονίῳ λέγουσιν ἀνθρώπων μὲν οὐδένα εἶναι, γονέας δὲ Ἥφαιστον καὶ Γῆν.
据说埃里克托尼俄斯没有人类父亲，其父母是赫菲斯托斯和盖（大地）。