§4.1.13οἱ δὲ Τεκτόσαγες καλούμενοι τῇ Πυρήνῃ πλησιάζουσιν, ἐφάπτονται δὲ μικρὰ καὶ τοῦ προσαρκτίου πλευροῦ τῶν Κεμμένων, πολύχρυσόν τε νέμονται γῆν.
被称为特克托萨格斯人的部族靠近比利牛斯山，也稍稍接触到凯姆梅农山的北坡，并占领着富含黄金的土地。
ἐοίκασι δὲ καὶ δυναστεῦσαί ποτε καὶ εὐανδρῆσαι τοσοῦτον ὥστε στάσεως ἐμπεσούσης ἐξελάσαι πολὺ πλῆθος ἐξ ἑαυτῶν ἐκ τῆς οἰκείας· κοινωνῆσαι δὲ τούτοις καὶ ἄλλους ἐξ ἄλλων ἐθνῶν· τούτων δʼ εἶναι καὶ τοὺς κατασχόντας τὴν Φρυγίαν τὴν ὅμορον τῇ Καππαδοκίᾳ καὶ τοῖς Παφλαγόσι·
他们似乎曾一度拥有强大的势力且人口兴旺，以至于在发生内讧时，他们将很大一部分人从自己的故乡中遣出；而来自其他部族的人也加入了他们；这些人中包括了那些占领了与卡帕多奇亚和帕夫拉戈尼亚相邻的弗里吉亚的人。
τούτου μὲν οὖν ἔχομεν τεκμήριον τοὺς ἔτι καὶ νῦν λεγομένους Τεκτόσαγας.
对此，我们至今仍能找到证据，那就是现在仍被称为特克托萨格斯的人。
τριῶν γὰρ ὄντων ἐθνῶν, ἓν ἐξ αὐτῶν τὸ περὶ Ἄγκυραν πόλιν Τεκτοσάγων λέγεται, τὰ δὲ λοιπὰ δύο ἐστὶ Τρόκμοι καὶ Τολιστοβώγιοι· τούτους δʼ ὅτι μὲν ἐκ τῆς Κελτικῆς ἀπῳκίσθησαν μηνύει τὸ πρὸς τοὺς Τεκτόσαγας σύμφυλον, ἐξ ὧν δὲ χωρίων ὡρμήθησαν οὐκ ἔχομεν φράζειν· οὐ γὰρ παρειλήφαμεν οἰκοῦντάς τινας νυνὶ Τρόκμους ἢ Τολιστοβωγίους ἐκτὸς τῶν Ἄλπεων οὔτʼ ἐν αὐταῖς οὔτʼ ἐντός·
因为在三个部族中，安基拉市周边的其中一个部族被称为特克托萨格斯，其余两个是特罗克米和托利斯托博吉；至于这些人是从凯尔特地区迁徙而来的，这由他们与特克托萨格斯人的同族关系所证实，但他们从哪些地方出发，我们则无法说明；因为我们没有听说目前有任何特罗克米人或托利斯托博吉人居住在阿尔卑斯山以外、山中或山内。
εἰκὸς δʼ ἐκλελοιπέναι διὰ τὰς ἀθρόας ἀπαναστάσεις, καθάπερ καὶ ἐπʼ ἄλλων συμβαίνει πλειόνων· ἐπεὶ καὶ τὸν ἄλλον Βρέννον τὸν ἐπελθόντα ἐπὶ Δελφοὺς Πραῦσον τινές φασιν· οὐδὲ τοὺς Πραύσους δʼ ἔχομεν εἰπεῖν ὅπου γῆς ᾤκησαν πρότερον.
不过，由于大规模的人口迁徙，他们可能已经消亡，这在其他许多部族中也有发生；因为有人说袭击德尔斐的那个著名的布伦努斯是普劳西人；但我们无法说明普劳西人以前居住在哪片土地。
καὶ τοὺς Τεκτόσαγας δέ φασι μετασχεῖν τῆς ἐπὶ Δελφοὺς στρατείας, τούς τε θησαυροὺς τοὺς εὑρεθέντας παρʼ αὐτοῖς ὑπὸ Καιπίωνος τοῦ στρατηγοῦ τῶν Ῥωμαίων ἐν πόλει Τολώσσῃ τῶν ἐκεῖθεν χρημάτων μέρος εἶναί φασι, προσθεῖναι δὲ τοὺς ἀνθρώπους καὶ ἐκ τῶν ἰδίων οἴκων ἀνιεροῦντας καὶ ἐξιλασκομένους τὸν θεόν· προσαψάμενον δʼ αὐτῶν τὸν Καιπίωνα διὰ τοῦτο ἐν δυστυχήμασι καταστρέψαι τὸν βίον, ὡς ἱερόσυλον ἐκβληθέντα ὑπὸ τῆς πατρίδος, διαδόχους δʼ ἀπολιπόντα παῖδας, ἃς συνέβη καταπορνευθείσας, ὡς εἴρηκε Τιμαγένης, αἰσχρῶς ἀπολέσθαι.
据说特克托萨格斯人也参加了对德尔斐的远征，而罗马将军凯皮奥在托洛萨城他们那里发现的财宝，就是从该地带回的部分财富，但人们也从自己的家中拿出一部分进行奉献，以取悦神灵；凯皮奥因为触碰了这些东西，而在不幸中结束了生命，作为圣物窃盗者被祖国驱逐，留下的女儿们，正如蒂马格内斯所说，不幸沦为娼妓，凄惨地死去。
πιθανώτερος δʼ ἐστὶν ὁ Ποσειδωνίου λόγος· τὰ μὲν γὰρ εὑρεθέντα ἐν τῇ Τολώσσῃ χρήματα μυρίων που καὶ πεντακισχιλίων ταλάντων γενέσθαι φησί, τὰ μὲν ἐν σηκοῖς ἀποκείμενα τὰ δʼ ἐν λίμναις ἱεραῖς, οὐδεμίαν κατασκευὴν ἔχοντα, ἀλλʼ ἀργὸν χρυσίον καὶ ἄργυρον· τὸ δʼ ἐν Δελφοῖς ἱερὸν κατʼ ἐκείνους ἤδη τοὺς χρόνους ὑπάρξαι κενὸν τῶν τοιούτων, σεσυλημένον ὑπὸ τῶν Φωκέων κατὰ τὸν ἱερὸν πόλεμον· εἰ δὲ καί τι ἐλείφθη, διανείμασθαι πολλούς· οὐδὲ σωθῆναι δὲ αὐτοὺς εἰκὸς εἰς τὴν οἰκείαν, ἀθλίως ἀπαλλάξαντας μετὰ τὴν ἐκ Δελφῶν ἀποχώρησιν καὶ σκεδασθέντας ἄλλους ἐπʼ ἄλλα μέρη κατὰ διχοστασίαν.
然而，波塞多尼乌斯的说法更为可信；因为他说在托洛萨发现的财宝大约有一万五千塔兰同，有些存放在神庙中，有些在神圣的湖泊中，没有任何加工，而是未加工的黄金和白银；而德尔斐的神庙在那个时候已经没有这些东西了，因为在神圣战争期间已被福基斯人洗劫一空；即使还剩下一些，也已经被许多人瓜分了；而且，他们在离开德尔斐后遭遇悲惨，因内讧而四分五裂，不可能安全回到家园。
ἀλλʼ, ὥσπερ ἐκεῖνός τε εἴρηκε καὶ ἄλλοι πλείους, ἡ χώρα πολύχρυσος οὖσα καὶ δεισιδαιμόνων ἀνθρώπων καὶ οὐ πολυτελῶν τοῖς βίοις πολλαχοῦ ἔσχε θησαυρούς· μάλιστα δʼ αὐτοῖς αἱ λίμναι τὴν ἀσυλίαν παρεῖχον, εἰς ἃς καθίεσαν ἀργύρου ἢ καὶ χρυσοῦ βάρη.
相反，正如波塞多尼乌斯和其他许多人所说，该地区盛产黄金，居民笃信神明且生活简朴，因此在许多地方存有财宝；尤其是湖泊为他们提供了安全保障，他们向其中沉入银块或金块。
οἱ γοῦν Ῥωμαῖοι κρατήσαντες τῶν τόπων ἀπέδοντο τὰς λίμνας δημοσίᾳ καὶ τῶν ὠνησαμένων πολλοὶ μύλους εὗρον σφυρηλάτους ἀργυροῦς.
事实上，罗马人占领该地后，将这些湖泊进行了公卖，购买这些湖泊的人中有许多人发现了锻造的银块。
ἐν δὲ τῇ Τολώσσῃ καὶ τὸ ἱερὸν ἦν ἅγιον, τιμώμενον σφόδρα ὑπὸ τῶν περιοίκων, καὶ τὰ χρήματα ἐπλεόνασε διὰ τοῦτο πολλῶν ἀνατιθέντων καὶ μηδενὸς προσάπτεσθαι θαρροῦντος.
在托洛萨，神殿也是十分神圣的，深受周边居民的崇敬，因此由于许多人进行奉献且无人敢于触碰，财宝便不断增多。