§12.8.11ἔστι δὲ νῆσος ἐν τῇ Προποντίδι ἡ Κύζικος συναπτομένη γεφύραις δυσὶ πρὸς τὴν ἤπειρον, ἀρετῇ μὲν κρατίστη μεγέθει δὲ ὅσον πεντακοσίων σταδίων τὴν περίμετρον· ἔχει δὲ ὁμώνυμον πόλιν πρὸς αὐταῖς ταῖς γεφύραις καὶ λιμένας δύο κλειστοὺς καὶ νεωσοίκους πλείους τῶν διακοσίων· τῆς δὲ πόλεως τὸ μὲν ἔστιν ἐν ἐπιπέδῳ τὸ δὲ πρὸς ὄρει· καλεῖται δʼ Ἄρκτων ὄρος· ὑπέρκειται δʼ ἄλλο Δίνδυμον μονοφυές, ἱερὸν ἔχον τῆς Δινδυμήνης μητρὸς θεῶν, ἵδρυμα τῶν Ἀργοναυτῶν.
基齐库斯是普罗蓬蒂斯海中的一个岛屿，通过两座桥与大陆相连，土地极其肥沃，周长约五百斯塔迪翁；在两座桥的近旁有一座同名城市，拥有两个闭合港口和两百多个船坞；该城市的一部分位于平原上，另一部分靠近一座被称为“熊山”的山；在其上方耸立着另一座呈单峰状的丁迪蒙山，山上有一座由阿尔戈英雄们建立的诸神之母丁迪梅内神庙。
ἔστι δʼ ἐνάμιλλος ταῖς πρώταις τῶν κατὰ τὴν Ἀσίαν ἡ πόλις μεγέθει τε καὶ κάλλει καὶ εὐνομίᾳ πρός τε εἰρήνην καὶ πόλεμον· ἔοικέ τε τῷ παραπλησίῳ τύπῳ κοσμεῖσθαι ὥσπερ ἡ τῶν Ῥοδίων καὶ Μασσαλιωτῶν καὶ Καρχηδονίων τῶν πάλαι.
该城市在规模、美观以及在和平和战争时期的优良法治方面，足与亚细亚的第一流城市媲美；它似乎是以一种与昔日罗得斯人、马萨里亚人以及迦太基人的国制非常相似的模式组织起来的。
τὰ μὲν οὖν πολλὰ ἐῶ, τρεῖς δʼ ἀρχιτέκτονας τοὺς ἐπιμελουμένους οἰκοδομημάτων τε δημοσίων καὶ ὀργάνων, τρεῖς δὲ καὶ θησαυροὺς κέκτηται, τὸν μὲν ὅπλων τὸν δʼ ὀργάνων τὸν δὲ σίτου· ποιεῖ δὲ τὸν σῖτον ἄσηπτον ἡ Χαλκιδικὴ γῆ μιγνυμένη.
因此，大部分细节我且略过，但它拥有三位负责管理公共建筑和器械的建筑师，还拥有三个仓库，即武器库、器械库和粮食库；而混入的卡尔基斯土能使粮食不致腐烂。
ἐπεδείξαντο δὲ τὴν ἐκ τῆς παρασκευῆς ταύτης ὠφέλειαν ἐν τῷ Μιθριδατικῷ πολέμῳ.
他们在米特里达梯战争中展现了这种防备的益处。
ἐπελθόντος γὰρ αὐτοῖς ἀδοκήτως τοῦ βασιλέως πεντεκαίδεκα μυριάσι καὶ ἵππῳ πολλῇ καὶ κατασχόντος τὸ ἀντικείμενον ὄρος ὃ καλοῦσιν Ἀδραστείας καὶ τὸ προάστειον, ἔπειτα καὶ διάραντος εἰς τὸν ὑπὲρ τῆς πόλεως αὐχένα καὶ προσμαχομένου πεζῇ τε καὶ κατὰ θάλατταν τετρακοσίαις ναυσίν, ἀντέσχον πρὸς ἅπαντα οἱ Κυζικηνοί, ὥστε καὶ ἐγγὺς ἦλθον τοῦ ζωγρίᾳ λαβεῖν τὸν βασιλέα ἐν τῇ διώρυγι ἀντιδιορύττοντες, ἀλλʼ ἔφθη φυλαξάμενος καὶ ἀναλαβὼν ἑαυτὸν ἔξω τοῦ ὀρύγματος· ὀψὲ δὲ ἴσχυσεν εἰσπέμψαι τινὰς νύκτωρ ἐπικούρους ὁ τῶν Ῥωμαίων στρατηγὸς Λεύκολλος· ὤνησε δὲ καὶ λιμὸς τῷ τοσούτῳ πλήθει τῆς στρατιᾶς ἐπιπεσών, ὃν οὐ προείδετο ὁ βασιλεύς, ὡς ἀπῆλθε πολλοὺς ἀποβαλών.
因为当国王出其不意地率领十五万大军和众多骑兵袭击他们，并占领了被称为阿德拉斯特亚的对立山丘和郊区，接着又进兵到城市上方的地峡，从陆路以及通过四百艘船只从海路发起进攻时，基齐库斯人抵抗住了所有这一切，以至于他们甚至通过在战壕中挖掘对抗坑道，差一点生擒了国王，但国王防范在先，抢先撤到了坑道之外；而罗马将军卢库鲁斯在很晚的时候才得以在夜间派入一些援军；此外，袭击这支庞大军队的饥荒（这也是国王未曾预料到的）也帮了忙，使他在损失了许多人之后撤走。
Ῥωμαῖοι δʼ ἐτίμησαν τὴν πόλιν, καὶ ἔστιν ἐλευθέρα μέχρι νῦν καὶ χώραν ἔχει πολλὴν τὴν μὲν ἐκ παλαιοῦ τὴν δὲ τῶν Ῥωμαίων προσθέντων.
罗马人尊崇这座城市，它至今仍是自由市，并拥有广阔的领土，一部分是自古有之，另一部分是罗马人追加的。
καὶ γὰρ τῆς Τρῳάδος ἔχουσι τὰ πέραν τοῦ Αἰσήπου τὰ περὶ τὴν Ζέλειαν καὶ τὸ τῆς Ἀδραστείας πεδίον· καὶ τῆς Δασκυλίτιδος λίμνης τὰ μὲν ἔχουσιν ἐκεῖνοι τὰ δὲ Βυζάντιοι· πρὸς δὲ τῇ Δολιονίδι καὶ τῇ Μυγδονίδι νέμονται πολλὴν μέχρι τῆς Μιλητοπολίτιδος λίμνης καὶ τῆς Ἀπολλωνιάτιδος αὐτῆς, διʼ ὧν χωρίων καὶ ὁ Ῥύνδακος ῥεῖ ποταμὸς τὰς ἀρχὰς ἔχων ἐκ τῆς Ἀζανίτιδος, προσλαβὼν δὲ καὶ ἐκ τῆς Ἀβρεττηνῆς Μυσίας ἄλλους τε καὶ Μέκεστον ἀπʼ Ἀγκύρας τῆς Ἀβαείτιδος ἐκδίδωσιν εἰς τὴν Προποντίδα κατὰ Βέσβικον νῆσον.
因为他们占领了特洛伊亚地区阿塞波斯河对岸、泽雷亚周边的地方以及阿德拉斯特亚平原；而对于达斯库利蒂斯湖，他们占有一部分，拜占庭人占有一部分；在多里奥尼斯和米格多尼斯附近，他们开垦了直到米勒托波利蒂斯湖及阿波罗尼亚蒂斯湖本身的广阔土地，林达科斯河也流经这些地方，该河源于阿扎尼蒂斯，在接纳了来自阿布雷特内米西亚的其他河流以及源于阿拜伊蒂斯地区安克拉的梅克斯托斯河之后，在贝斯比科斯岛附近注入普罗蓬蒂斯海。
ἐν ταύτῃ δὲ τῇ νήσῳ τῶν Κυζικηνῶν ὄρος ἐστὶν εὔδενδρον Ἀρτάκη· καὶ νησίον ὁμώνυμον πρόκειται τούτου, καὶ πλησίον ἀκρωτήριον Μέλανος καλούμενον ἐν παράπλῳ τοῖς εἰς Πρίαπον κομιζομένοις ἐκ τῆς Κυζίκου.
在基齐库斯人的这个岛上，有树木茂盛的阿尔塔克山；其前方有一个同名的小岛，附近有一个被称为“黑岬”的海角，位于从基齐库斯乘船前往普里阿波斯者的航线上。
§12.8.12τῆς δʼ ἐπικτήτου Φρυγίας Ἀζανοί τέ εἰσι καὶ Νακολία καὶ Κοτιάειον καὶ Μιδάειον καὶ Δορυλάειον πόλεις καὶ Κάδοι· τοὺς δὲ Κάδους ἔνιοι τῆς Μυσίας φασίν.
在埃皮克特托斯弗里吉亚，有阿扎诺伊、纳科利亚、科蒂埃翁、米代翁、多里莱翁等城市，以及卡多伊；但有些人说卡多伊属于米西亚。
ἡ δὲ Μυσία κατὰ τὴν μεσόγαιαν ἀπὸ τῆς Ὀλυμπηνῆς ἐπὶ τὴν Περγαμηνὴν καθήκει καὶ τὸ Καΐκου λεγόμενον πεδίον, ὥστε μεταξὺ κεῖσθαι τῆς τε Ἴδης καὶ τῆς Κατακεκαυμένης, ἣν οἱ μὲν Μυσίαν οἱ δὲ Μαιονίαν φασίν.
而米西亚在内陆地区，从奥林佩内延伸到佩尔加蒙地区和被称为凯科斯的平原，因此它介于伊达山与被称为“烧焦之地”的地区之间，对于后者，有些人称之为米西亚，另一些人称之为迈奥尼亚。
§12.8.13ὑπὲρ δὲ τῆς Ἐπικτήτου πρὸς νότον ἐστὶν ἡ μεγάλη Φρυγία, λείπουσα ἐν ἀριστερᾷ τὴν Πεσσινοῦντα καὶ τὰ περὶ Ὀρκαόρκους καὶ Λυκαονίαν, ἐν δεξιᾷ δὲ Μαίονας καὶ Λυδοὺς καὶ Κᾶρας· ἐν ᾗ ἔστιν ἥ τε Παρώρειος λεγομένη Φρυγία καὶ ἡ πρὸς Πισιδίᾳ καὶ τὰ περὶ Ἀμόριον καὶ Εὐμένειαν καὶ Σύνναδα, εἶτα Ἀπάμεια ἡ Κιβωτὸς λεγομένη καὶ Λαοδίκεια, αἵπερ εἰσὶ μέγισται τῶν κατὰ τὴν Φρυγίαν πόλεων· περίκειται δὲ ταύταις πολίσματα καὶ Ἀφροδισιὰς Κολοσσαὶ Θεμισώνιον Σαναὸς Μητρόπολις Ἀπολλωνιάς, ἔτι δὲ ἀπωτέρω τούτων Πέλται Τάβαι Εὐκαρπία Λυσιάς.
在埃皮克特托斯以南的高处是大弗里吉亚，左边留下佩西努斯、奥尔卡奥尔科伊周边以及吕考尼亚，右边留下迈奥尼亚人、吕底亚人和卡里亚人；其中有被称为“帕罗里奥斯”的弗里吉亚，以及靠近皮西迪亚的弗里吉亚，还有阿莫里翁、埃乌梅内亚和辛纳达周边地区，然后是被称为“箱子”的阿帕梅亚以及老底嘉，这些是弗里吉亚最大的城市；在这些城市周围分布着一些小城镇，如阿芙罗迪西亚斯、歌罗西、塞米索尼翁、萨纳奥斯、大都市、阿波罗尼亚斯，而在更远的地方还有培尔泰、塔拜、埃乌卡尔皮亚、利西亚斯。