§11.7.1τοὺς δʼ οὖν ἐν ἀριστερᾷ εἰσπλέοντι τὸ Κάσπιον πέλαγος παροικοῦντας νομάδας Δάας οἱ νῦν προσαγορεύουσι τοὺς ἐπονομαζομένους Πάρνους· εἶτʼ ἔρημος πρόκειται μεταξύ, καὶ ἐφεξῆς ἡ Ὑρκανία, καθʼ ἣν ἤδη πελαγίζει μέχρι τοῦ συνάψαι τοῖς Μηδικοῖς ὄρεσι καὶ τοῖς Ἀρμενίων.
至于乘船进入里海时左侧沿岸居住的游牧达赫人，今天的人们称他们为被称为帕尔尼的人；其间是一片荒漠，紧接着是希尔卡尼亚，沿着该地，海水已经宽阔地延伸，直到与米底和亚美尼亚的山脉相接。
τούτων δʼ ἐστὶ μηνοειδὲς τὸ σχῆμα κατὰ τὰς ὑπωρείας, αἳ τελευτῶσαι πρὸς θάλατταν ποιοῦσι τὸν μυχὸν τοῦ κόλπου.
这些山脉在山麓地带的形状呈新月形，山麓终结于海边，形成了海湾的最深处。
οἰκεῖ δὲ τὴν παρώρειαν ταύτην μέχρι τῶν ἄκρων ἀπὸ θαλάττης ἀρξαμένοις ἐπὶ μικρὸν μὲν τῶν Ἀλβανῶν τι μέρος καὶ τῶν Ἀρμενίων, τὸ δὲ πλέον Γῆλαι καὶ Καδούσιοι καὶ Ἄμαρδοι καὶ Οὐίτιοι καὶ Ἀναριάκαι.
这片山麓地带，从海边开始直到山顶，起初有一小部分由阿尔巴尼亚人的一部分和亚美尼亚人居住，而大部分则由盖莱人、卡杜西亚人、阿马尔迪人、维蒂亚人和安纳里亚卡人居住。
φασὶ δὲ Παρρασίων τινὰς συνοικῆσαι τοῖς Ἀναριάκαις, οὓς καλεῖσθαι νῦν Παρσίους· Αἰνιᾶνας δʼ ἐν τῇ Οὐιτίᾳ τειχίσαι πόλιν ἣν Αἰνιάνα καλεῖσθαι, καὶ δείκνυσθαι ὅπλα τε Ἑλληνικὰ ἐνταῦθα καὶ σκεύη χαλκᾶ καὶ ταφάς· ἐνταῦθα δὲ καὶ πόλιν Ἀναριάκην, ἐν ᾗ, φασί, δείκνυται μαντεῖον ἐγκοιμωμένων καὶ ἄλλα τινὰ ἔθνη λῃστρικὰ καὶ μάχιμα μᾶλλον ἢ γεωργικά· ποιεῖ δὲ τοῦτο ἡ τραχύτης τῶν τόπων.
据说，一些帕拉西亚人与安纳里亚卡人共同居住，他们现在被称为帕尔西人；埃尼亚内斯人在维蒂亚境内修筑了一座城市，名为埃尼亚纳，并在那里展示了希腊的武器、青铜器皿和墓葬；那里还有一座名为安纳里亚卡的城市，据说城中展示有供求梦者使用的神谕所，以及其他一些与其说是从事农耕不如说是从事掠夺和好战的民族，这是由于地方险峻所造成的。
τὸ μέντοι πλέον τῆς περὶ τὴν ὀρεινὴν παραλίας Καδούσιοι νέμονται, σχεδὸν δέ τι ἐπὶ πεντακισχιλίους σταδίους, ὥς φησι Πατροκλῆς, ὃς καὶ πάρισον ἡγεῖται τὸ πέλαγος τοῦτο τῷ Ποντικῷ.
然而，山地海岸的大部分是由卡杜西亚人占领的，大约延伸了五千斯塔迪亚，正如帕特罗克莱斯所说，他也认为这片海与厄克辛海（黑海）几乎大小相同。
ταῦτα μὲν οὖν τὰ χωρία λυπρά.
总之，这些地方是贫瘠的。
§11.7.2ἡ δʼ Ὑρκανία σφόδρα εὐδαίμων καὶ πολλὴ καὶ τὸ πλέον πεδιὰς πόλεσί τε ἀξιολόγοις διειλημμένη, ὧν ἐστι Ταλαβρόκη καὶ Σαμαριανὴ καὶ Κάρτα καὶ τὸ βασίλειον Τάπη, ὅ φασι μικρὸν ὑπὲρ τῆς θαλάττης ἱδρυμένον διέχειν τῶν Κασπίων πυλῶν σταδίους χιλίους τετρακοσίους.
另一方面，希尔卡尼亚非常富庶且广阔，大部分是平原，被一些著名的城市所分割，其中有塔拉布罗凯、萨马里亚内、卡尔塔以及王宫所在地塔佩，据说塔佩建在比海略高的地方，距离里海门一千四百斯塔迪亚。
σημεῖα δὲ τῆς εὐδαιμονίας· ἡ μὲν γὰρ ἄμπελος μετρητὴν οἴνου φέρει, ἡ δὲ συκῆ μεδίμνους ἑξήκοντα, ὁ δὲ σῖτος ἐκ τοῦ ἐκπεσόντος καρποῦ τῆς καλάμης φύεται, ἐν δὲ τοῖς δένδρεσι σμηνουργεῖται καὶ τῶν φύλλων ἀπορρεῖ μέλι· τοῦτο δὲ γίνεται καὶ τῆς Μηδίας ἐν τῇ Ματιανῇ καὶ τῆς Ἀρμενίας ἐν τῇ Σακασηνῇ καὶ τῇ Ἀραξηνῇ.
其富庶的迹象如下：一棵葡萄树可产出一米特雷特斯葡萄酒，一棵无花果树可产出六十麦地姆诺果实，谷物从茎上掉落的种子中自然生长，树木中有蜜蜂筑巢，蜜水从树叶上流下；这也发生在米底的马蒂亚内，以及亚美尼亚的萨卡塞内和阿拉克塞内。
τῆς μέντοι προσηκούσης ἐπιμελείας οὐκ ἔτυχεν οὔτε αὐτὴ οὔτε ἡ ἐπώνυμος αὐτῇ θάλαττα ἄπλους τε οὖσα καὶ ἀργός· νῆσοί τέ εἰσιν οἰκεῖσθαι δυνάμεναι, ὡς δʼ εἰρήκασί τινες καὶ χρυσῖτιν ἔχουσαι γῆν.
然而，无论是这片土地还是与之同名的海洋，都没有得到应有的重视，海洋既不通航也未被开发；虽然有一些可以居住的岛屿，正如一些人所说，这些岛屿甚至拥有产金的土地。
αἴτιον δʼ ὅτι καὶ οἱ ἡγεμόνες οἵ τʼ ἐξ ἀρχῆς ἐτύγχανον βάρβαροι ὄντες οἱ τῶν Ὑρκανῶν, Μῆδοί τε καὶ Πέρσαι καὶ οἱ ὕστατοι Παρθυαῖοι, χείρους ἐκείνων ὄντες, καὶ ἡ γείτων ἅπασα χώρα λῃστῶν καὶ νομάδων μεστὴ καὶ ἐρημίας.
其原因在于，希尔卡尼亚人的统治者自始至终都是蛮族，包括米底人、波斯人以及最后的巴提亚人（他们比前人更差），而且所有邻近地区都充满了掠夺者、游牧民和荒凉。
Μακεδόνες δʼ ὀλίγον μὲν χρόνον ἐπῆρξαν, ἀλλʼ ἐν πολέμοις ὄντες καὶ τὰ πόρρω σκοπεῖν οὐ δυνάμενοι.
马其顿人虽然统治了一小段时间，但因处于战争之中，无法顾及遥远的地方。
φησὶ δʼ Ἀριστόβουλος ὑλώδη οὖσαν τὴν Ὑρκανίαν δρῦν ἔχειν, πεύκην δὲ καὶ ἐλάτην καὶ πίτυν μὴ φύειν, τὴν δʼ Ἰνδικὴν πληθύειν τούτοις.
阿里斯托布路斯说，树木茂密的希尔卡尼亚有橡树，但不生长冷杉、银杉和松树，而印度却盛产这些树木。
τῆς δὲ Ὑρκανίας ἐστὶ καὶ ἡ Νησαία· τινὲς δὲ καὶ καθʼ αὑτὴν τιθέασι τὴν Νησαίαν.
尼萨亚也属于希尔卡尼亚，但有些人将尼萨亚单独划分。