§10.4#2αἰσθήσεως δὲ πάσης πρὸς τὸ αἰσθητὸν ἐνεργούσης, τελείως δὲ τῆς εὖ διακειμένης πρὸς τὸ κάλλιστον τῶν ὑπὸ τὴν αἴσθησιν (τοιοῦτον γὰρ μάλιστʼ εἶναι δοκεῖ ἡ τελεία ἐνέργεια· αὐτὴν δὲ λέγειν ἐνεργεῖν, ἢ ἐν ᾧ ἐστί, μηθὲν διαφερέτω), καθʼ ἑκάστην δὴ βελτίστη ἐστὶν ἡ ἐνέργεια τοῦ ἄριστα διακειμένου πρὸς τὸ κράτιστον τῶν ὑπʼ αὐτήν.
虽然一切感觉都针对其感觉对象在活动，而处于良好状态的感觉针对其属下最美的事物在活动时，则是完全地活动（因为完全的活动似乎最是这样的；至于说是感觉自身在活动，还是感觉所驻留的东西在活动，我们且当作毫无区别），那么，在每种感觉中，处于最好状态的感官针对其属下最优秀的对象所进行的活动，就是最好的活动。
αὕτη δʼ ἂν τελειοτάτη εἴη καὶ ἡδίστη.
而这也就是最完全、最令人快乐的活动。
κατὰ πᾶσαν γὰρ αἴσθησίν ἐστιν ἡδονή, ὁμοίως δὲ καὶ διάνοιαν καὶ θεωρίαν, ἡδίστη δʼ ἡ τελειοτάτη, τελειοτάτη δʼ ἡ τοῦ εὖ ἔχοντος πρὸς τὸ σπουδαιότατον τῶν ὑπʼ αὐτήν· τελειοῖ δὲ τὴν ἐνέργειαν ἡ ἡδονή.
因为对应于每种感觉都有快乐，同样对应于思考和观照也是如此，而最完全的活动也是最令人快乐的，最完全的活动则是处于良好状态的主体针对其属下最优秀的对象所进行的活动；而快乐则完善这一活动。
οὐ τὸν αὐτὸν δὲ τρόπον ἥ τε ἡδονὴ τελειοῖ καὶ τὸ αἰσθητόν τε καὶ ἡ αἴσθησις, σπουδαῖα ὄντα, ὥσπερ οὐδʼ ἡ ὑγίεια καὶ ὁ ἰατρὸς ὁμοίως αἰτία ἐστὶ τοῦ ὑγιαίνειν.
但是，快乐去完善活动的方式，并不等同于感觉对象和感觉（在它们是优秀的时候）去完善活动的方式，正如健康和医生不是以同样的方式成为健康的原因一样。
καθʼ ἑκάστην δʼ αἴσθησιν ὅτι γίνεται ἡδονή, δῆλον (φαμὲν γὰρ ὁράματα καὶ ἀκούσματα εἶναι ἡδέα)· δῆλον δὲ καὶ ὅτι μάλιστα, ἐπειδὰν ἥ τε αἴσθησις ᾖ κρατίστη καὶ πρὸς τοιοῦτον ἐνεργῇ· τοιούτων δʼ ὄντων τοῦ τε αἰσθητοῦ καὶ τοῦ αἰσθανομένου, ἀεὶ ἔσται ἡδονὴ ὑπάρχοντός γε τοῦ τε ποιήσοντος καὶ τοῦ πεισομένου.
显而易见，对应于每种感觉都会产生快乐（因为我们说看到的事物和听到的事物是令人愉悦的）；同样显而易见的是，当感觉处于最强状态且针对这样的对象进行活动时，快乐最容易产生；当感觉对象和感觉主体都是这样的时候，只要施动者和受动者都在场，就总是会有快乐。
τελειοῖ δὲ τὴν ἐνέργειαν ἡ ἡδονὴ οὐχ ὡς ἡ ἕξις ἐνυπάρχουσα, ἀλλʼ ὡς ἐπιγινόμενόν τι τέλος, οἷον τοῖς ἀκμαίοις ἡ ὥρα.
快乐完善活动，并非作为一种内在的品质，而是作为一种附带产生的目的，就像正值盛年的人伴随着青春美貌一样。
ἕως ἂν οὖν τό τε νοητὸν ἢ αἰσθητὸν ᾖ οἷον δεῖ καὶ τὸ κρῖνον ἢ θεωροῦν, ἔσται ἐν τῇ ἐνεργείᾳ ἡ ἡδονή· ὁμοίων γὰρ ὄντων καὶ πρὸς ἄλληλα τὸν αὐτὸν τρόπον ἐχόντων τοῦ τε παθητικοῦ καὶ τοῦ ποιητικοῦ ταὐτὸ πέφυκε γίνεσθαι.
因此，只要理智对象或感觉对象处于应有的状态，且进行判断或观照的主体也处于应有的状态，活动中就会有快乐；因为当受动者和施动者彼此相似且以同样的方式相互关联时，自然会产生同样的结果。
πῶς οὖν οὐδεὶς συνεχῶς ἥδεται;
那么，为什么没有人能持续不断地感到快乐呢？
ἢ κάμνει;
是因为疲倦吗？
πάντα γὰρ τὰ ἀνθρώπεια ἀδυνατεῖ συνεχῶς ἐνεργεῖν.
因为所有属于人类的事物都无法持续不断地活动。
οὐ γίνεται οὖν οὐδʼ ἡδονή· ἕπεται γὰρ τῇ ἐνεργείᾳ.
因此，快乐也不会持续不断地产生；因为它是伴随着活动的。
ἔνια δὲ τέρπει καινὰ ὄντα, ὕστερον δὲ οὐχ ὁμοίως διὰ ταὐτό·
有些事物在新鲜时能让我们感到愉悦，但后来却不再以同样的方式令我们愉悦，也是因为同样的原因。
τὸ μὲν γὰρ πρῶτον παρακέκληται ἡ διάνοια καὶ διατεταμένως περὶ αὐτὰ ἐνεργεῖ, ὥσπερ κατὰ τὴν ὄψιν οἱ ἐμβλέποντες, μετέπειτα δʼ οὐ τοιαύτη ἡ ἐνέργεια ἀλλὰ παρημελημένη· διὸ καὶ ἡ ἡδονὴ ἀμαυροῦται.
因为起初我们的思想被唤起，并对这些事物进行高度专注的活动，就像人们用视觉注视某物一样；但此后活动不再是这样的，而是变得懈怠了；因此快乐也就暗淡了。
ὀρέγεσθαι δὲ τῆς ἡδονῆς οἰηθείη τις ἂν ἅπαντας, ὅτι καὶ τοῦ ζῆν ἅπαντες ἐφίενται· ἡ δὲ ζωὴ ἐνέργειά τις ἐστί, καὶ ἕκαστος περὶ ταῦτα καὶ τούτοις ἐνεργεῖ ἃ καὶ μάλιστʼ ἀγαπᾷ, οἷον ὁ μὲν μουσικὸς τῇ ἀκοῇ περὶ τὰ μέλη, ὁ δὲ φιλομαθὴς τῇ διανοίᾳ περὶ τὰ θεωρήματα, οὕτω δὲ καὶ τῶν λοιπῶν ἕκαστος·
人们或许会认为所有人都在追求快乐，是因为所有人也都向往生命；而生命是某种活动，每个人都针对并使用自己最喜爱的事物来进行活动——例如音乐家用听觉针对旋律进行活动，求知者用思想针对观照的理论进行活动，其他每个人也是如此。
ἡ δʼ ἡδονὴ τελειοῖ τὰς ἐνεργείας, καὶ τὸ ζῆν δή, οὗ ὀρέγονται.
而快乐则完善这些活动，因而也完善了他们所追求的生命。
εὐλόγως οὖν καὶ τῆς ἡδονῆς ἐφίενται· τελειοῖ γὰρ ἑκάστῳ τὸ ζῆν, αἱρετὸν ὄν.
因此，他们同样向往快乐是合乎情理的；因为快乐为每个人完善了生命，而生命是值得选择的。
πότερον δὲ διὰ τὴν ἡδονὴν τὸ ζῆν αἱρούμεθα ἢ διὰ τὸ ζῆν τὴν ἡδονήν, ἀφείσθω ἐν τῷ παρόντι.
至于我们是因为快乐而选择生命，还是因为生命而选择快乐，目前且置之不理。
συνεζεῦχθαι μὲν γὰρ ταῦτα φαίνεται καὶ χωρισμὸν οὐ δέχεσθαι· ἄνευ τε γὰρ ἐνεργείας οὐ γίνεται ἡδονή, πᾶσάν τε ἐνέργειαν τελειοῖ ἡ ἡδονή.
因为这两者似乎是结合在一起的，并且不容分离；因为没有活动就不会产生快乐，而快乐又完善了一切活动。