§20.67.1οἱ δὲ περὶ τὸν Ἀγαθοκλέα κατὰ τὸν αὐτὸν χρόνον δι’ ἀπάτην καὶ προσδοκίαν ψευδῆ ταῖς ὁμοίαις περιέπεσον συμφοραῖς.
一方，阿加托克利斯及其部下在同一时间，由于误认和虚假的预期，也陷入了类似的灾难。
τῶν γὰρ ἀποστατῶν Λιβύων μετὰ τὸν ἐμπυρισμὸν τῆς παρεμβολῆς καὶ τὸν γενόμενον θόρυβον οὐ τολμησάντων προάγειν, ἀλλʼ εἰς τοὐπίσω πάλιν ἐπανιόντων τῶν Ἑλλήνων τινὲς αἰσθόμενοι προσιόντας αὐτοὺς καὶ δόξαντες τὴν τῶν Καρχηδονίων δύναμιν ἥκειν ἀπήγγειλαν τοῖς περὶ τὸν Ἀγαθοκλέα πλησίον ὑπάρχειν τὸ τῶν πολεμίων στρατόπεδον.
因为那些叛变的利比亚人在营地被焚和发生混乱之后，不敢继续前进，而是再次向后退去，这时一些希腊人注意到他们正在逼近，误以为是迦太基人的军队到来，便向阿加托克利斯及其部下报告，说敌人的军营就在附近。
§20.67.2τοῦ δυνάστου δὲ παραγγείλαντος εἰς ὅπλα χωρεῖν, ἐξέπιπτον ἐκ τῆς στρατοπεδείας οἱ στρατιῶται μετὰ πολλοῦ θορύβου.
当统治者下令武装起来时，士兵们在一片混乱中冲出营地。
ἅμα δὲ τῆς τε κατὰ τὴν παρεμβολὴν φλογὸς εἰς ὕψος ἀρθείσης καὶ τῆς τῶν Καρχηδονίων κραυγῆς ἐξακούστου γινομένης ὑπέλαβον πρὸς ἀλήθειαν τοὺς βαρβάρους ἁπάσῃ τῇ δυνάμει προσάγειν ἐπʼ αὐτούς.
同时，由于营地那边的火焰高高升起，且迦太基人的呼喊声清晰可闻，他们便以为蛮族确实正率领全军向他们逼近。
§20.67.3τῆς δʼ ἐκπλήξεως τὸ βουλεύεσθαι παραιρουμένης ἐνέπεσε φόβος εἰς τὸ στρατόπεδον καὶ πάντες πρὸς φυγὴν ὥρμησαν.
由于惊恐夺去了他们的思虑，恐惧席卷了营地，所有人都在奔逃。
εἶτα προσμιξάντων αὐτοῖς τῶν Λιβύων καὶ τῆς νυκτὸς μείζονα τὴν ἄγνοιαν φυλαττούσης οἱ περιτυγχάνοντες ἀλλήλους ὡς πολεμίους ἠμύνοντο.
随后，利比亚人与他们相遇，而黑夜使得这种混乱不分变得更加严重，迎面相遇的人便把彼此当作敌人来反击。
§20.67.4ὅλην δὲ τὴν νύκτα πανταχῇ διασπειρομένων αὐτῶν καὶ πανικῷ θορύβῳ συνεχομένων συνέβη πλείους τῶν τετρακισχιλίων ἀναιρεθῆναι.
整夜，他们在各地四处分散，受制于恐慌引起的混乱，结果导致四千多人被杀。
ἐπιγνωσθείσης δὲ μόγις τῆς ἀληθείας οἱ διασωθέντες ἐπανῆλθον εἰς τὴν παρεμβολήν.
真相终于被查明后，幸存下来的人回到了营地。
αἱ μὲν οὖν δυνάμεις ἀμφότεραι τὸν εἰρημένον τρόπον ἠτύχησαν, ἐξαπατηθεῖσαι κατὰ τὴν παροιμίαν τοῖς κενοῖς τοῦ πολέμου.
因此，正如谚语所说，两军都由于被“战争的空虚幻象”所蒙骗，而以所述的方式遭遇了不幸。