§20.66.1τῶν μὲν γὰρ Ἀγαθοκλεῖ συντεταγμένων Λιβύων εἰς πεντακισχιλίους ἀποστάντες τῶν Ἑλλήνων νυκτὸς ηὐτομόλουν πρὸς τοὺς βαρβάρους.
因为在阿加托克利斯部下部署的利比亚人中，约有五千人脱离了希腊人，在夜间向蛮族投降。
τούτους δὲ οἱ πρὸς τὴν κατασκοπὴν ἐκπεμφθέντες ὡς ἴδον ἐπὶ τὴν παρεμβολὴν τῶν Καρχηδονίων προσάγοντας, νομίσαντες τὴν τῶν Ἑλλήνων δύναμιν ἅπασαν διεσκευασμένην ἐπιέναι, ταχὺ τοῖς στρατιώταις ἐδήλωσαν τὴν προσιοῦσαν δύναμιν.
那些被派出去侦察的人，一看到他们朝迦太基人的营地走来，便以为希腊人的全军已全副武装前来进攻，于是迅速向士兵们报告了有军队逼近的消息。
§20.66.2διαδοθέντος οὖν πρὸς ἅπαντας τοῦ λόγου θόρυβος ἐνέπιπτε καὶ προσδοκία τῆς τῶν πολεμίων ἐφόδου.
随着这一流言在所有人中传开，顿时陷入了一片混乱，人人都在预料敌人的袭击。
ἑκάστου δὲ τὴν σωτηρίαν ἐν τῇ φυγῇ τιθεμένου καὶ μήτε παραγγέλματος δοθέντος ὑπὸ τῶν στρατηγῶν μήτε τάξεως οὔσης μηδεμιᾶς οἱ φεύγοντες ἐνέπιπτον ἀλλήλοις· ὧν οἱ μὲν διὰ τὸ σκότος, οἱ δὲ διὰ τὴν ἔκπληξιν ἀγνοοῦντες τοὺς οἰκείους ὡς πολεμίους ἠμύνοντο.
由于每个人都把生还的希望寄托在逃跑上，将领们没有下达任何命令，也没有任何队形，逃跑的人互相碰撞；他们中有的因为黑暗，有的因为惊恐，认不出自己人，竟把他们当作敌人来反击。
§20.66.3πολλοῦ δὲ φόνου γινομένου καὶ τῆς ἀγνοίας ἐπικρατούσης οἱ μὲν ἐν χειρῶν νόμῳ διεφθάρησαν, οἱ δʼ ἐκπεπηδηκότες ἄνοπλοι καὶ τὴν φυγὴν ποιούμενοι διὰ τῶν δυσχωριῶν κατεκρημνίζοντο, τῆς ψυχῆς ἐπτοημένης διὰ τὸν ἀπροσδόκητον φόβον.
在发生惨重伤亡且混乱不分的情况下，有的人在肉搏战中被杀，有的人则赤手空拳地跳出来，在艰难的地形中逃跑时坠入悬崖，他们的内心因这突如其来的恐惧而极度恐慌。
τὸ δὲ τέλος πλειόνων ἢ πεντακισχιλίων ἀπολομένων τὸ λοιπὸν πλῆθος διεσώθη πρὸς τὴν Καρχηδόνα.
最终，在五千多人丧生之后，余下的民众得以安全逃回迦太基。
§20.66.4οἱ δʼ ἐν τῇ πόλει τότε μὲν συνεξαπατηθέντες τῇ φήμῃ τῶν ἰδίων ὑπέλαβον ἡττῆσθαι μάχῃ καὶ τῆς δυνάμεως τὸ πλεῖστον διεφθάρθαι.
与此同时，城里的人当时同样被这一传闻所蒙骗，以为己方已在战斗中战败，军队的大部分已被消灭。
διόπερ ἀγωνιῶντες ἀνέῳξαν τὰς πύλας καὶ μετὰ θορύβου καὶ πτοήσεως ἐδέχοντο τοὺς στρατιώτας, φοβούμενοι μὴ τοῖς ἐσχάτοις οἱ πολέμιοι συνεισπέσωσιν· ἡμέρας δὲ γενομένης μαθόντες τἀληθὲς μόλις ἀπελύθησαν τῆς τῶν δεινῶν προσδοκίας.
因此，他们在焦虑中打开城门，在混乱与恐慌中接纳了士兵，担心敌军会随最后尾的士兵一同冲入城内；但到了天亮，他们得知了真相，这才终于从对灾难的忧虑中解脱出来。