§19.106.1κατὰ δὲ τὴν Σικελίαν ἀεὶ μᾶλλον αὐξομένου Ἀγαθοκλέους καὶ δυνάμεις ἁδροτέρας ἀθροίζοντος Καρχηδόνιοι πυνθανόμενοι τὸν δυνάστην συσκευαζόμενον τὰς ἐν τῇ νήσῳ πόλεις, ταῖς δὲ δυνάμεσιν ὑπερέχοντα τῶν σφετέρων στρατιωτῶν ἔδοξαν ἐνεργέστερον ἅψασθαι τοῦ πολέμου.
而在西西里，随着阿加托克利斯日益强大并聚集起更庞大的军队，迦太基人得知这位统治者正将岛上的城市据为己有，且其兵力已超过他们自己的士兵，于是决定更加积极地投入战争。
§19.106.2εὐθὺς οὖν τριήρεις μὲν κατήρτησαν τριάκοντα πρὸς ταῖς ἑκατόν, στρατηγὸν δὲ προχειρισάμενοι τῶν παρʼ αὐτοῖς ἐπιφανεστάτων Ἀμίλκαν ἔδωκαν αὐτῷ τῶν μὲν πολιτικῶν στρατιωτῶν δισχιλίους, ἐν οἷς ἦσαν πολλοὶ καὶ τῶν ἐπιφανῶν, τῶν δʼ ἀπὸ τῆς Λιβύης μυρίους, ἐκ δὲ τῆς Τυρρηνίας μισθοφόρους χιλίους καὶ ζευγίππας διακοσίους, ἔτι δὲ Βαλιάρας σφενδονήτας χιλίους, ὁμοίως δὲ χρημάτων πλῆθος καὶ βελῶν καὶ σίτου καὶ τῶν ἄλλων τῶν εἰς πόλεμον χρησίμων τὴν καθήκουσαν παρασκευήν.
因此，他们立即装备了一百三十艘三段铎船，并推选他们中最著名的公民之一哈米尔卡为将军，交给他两千名公民兵（其中有许多显贵人物）、一万名来自利比亚的士兵、一千名来自第勒尼安的雇佣兵和两百名重装骑兵，此外还有一千名巴利阿里投石兵，同样也给予了大量的资金、投射武器、谷物以及其他各种战争所需的合适物资准备。
§19.106.3ἀναχθέντος δʼ ἐκ τῆς Καρχηδόνος τοῦ στόλου παντὸς καὶ γενομένου πελαγίου χειμὼν ἐξαίφνης ἐπιπεσὼν ἑξήκοντα μὲν τριήρεις ἠφάνισε, διακόσια δὲ τῶν σιτηγῶν πλοίων διέφθειρεν· ὁ δὲ λοιπὸς στόλος μεγάλοις περιπεσὼν χειμῶσι μόλις διεσώθη πρὸς τὴν Σικελίαν.
当整个舰队从迦太基启航并驶入公海时，一场暴风雨突然降临，摧毁了六十艘三段铎船，并毁坏了两百艘运粮船；其余的舰队遭遇了巨大的风暴，艰难地保全自身并抵达了西西里。
§19.106.4ἀπώλοντο δὲ καὶ τῶν ἐπιφανῶν Καρχηδονίων οὐκ ὀλίγοι, διʼ οὓς συνέβη τὴν πόλιν δημόσιον ἄρασθαι πένθος· εἰώθασι γάρ, ἐπειδὰν μείζων τις ἀτυχία γένηται περὶ τὴν πόλιν, μέλασι σακκίοις κατακαλύπτειν τὰ τείχη.
不少显贵的迦太基人也因此丧生，由于他们的缘故，城邦举行了国丧；因为按照他们的习俗，每当城邦遭遇重大不幸时，他们就会用黑色的粗布遮盖城墙。
§19.106.5Ἀμίλκας δʼ ὁ στρατηγὸς ἀναλαβὼν τοὺς διασωθέντας ἐκ τοῦ χειμῶνος μισθοφόρους συνῆγε καὶ τῶν κατὰ Σικελίαν συμμάχων ἐστρατολόγει τοὺς εὐθέτους.
将军哈米尔卡收拢了从风暴中幸存的雇佣兵并将他们聚集起来，又从西西里的同盟者中招募合适的人员。
παρέλαβε δὲ καὶ τὰς προϋπαρχούσας δυνάμεις καὶ πάντων τῶν εἰς πόλεμον εὐθέτων ἐπιμέλειαν ποιησάμενος ἐν ὑπαίθρῳ συνεῖχε τὰ στρατόπεδα, πεζοὺς μὲν ἔχων περὶ τοὺς τετρακισμυρίους, ἱππεῖς δὲ σχεδὸν πεντακισχιλίους.
他还接管了原有的军队，在对一切有利于战争的事物做好周密准备后，让军队在户外露营，拥有步兵约四万人，骑兵将近五千人。
ταχὺ δὲ τὴν γεγενημένην ἀτυχίαν διορθωσάμενος καὶ δόξας ἀγαθὸς εἶναι τῶν μὲν συμμάχων τὰς ψυχὰς προκαταπεπληγμένας ἀνεκτήσατο, τοῖς δὲ πολεμίοις οὐ τὴν τυχοῦσαν ἀγωνίαν ἐπέστησεν.
他迅速挽回了发生的厄运，并因表现出卓越的能力，重新振作了先前陷入恐慌的同盟者的士气，也给敌人带来了非同寻常的焦虑。