§4.71.1τούτων δʼ ἡμῖν διευκρινημένων πειρασόμεθα διελθεῖν περὶ Ἀσκληπιοῦ καὶ τῶν ἀπογόνων αὐτοῦ.
在我们将这些事情澄清之后，我们将尝试论述阿斯克勒庇俄斯及其后代。
μυθολογοῦσι τοίνυν Ἀσκληπιὸν Ἀπόλλωνος υἱὸν ὑπάρχειν καὶ Κορωνίδος, φύσει δὲ καὶ ἀγχινοίᾳ διενεγκόντα ζηλῶσαι τὴν ἰατρικὴν ἐπιστήμην, καὶ πολλὰ τῶν συντεινόντων πρὸς ὑγίειαν ἀνθρώπων ἐξευρεῖν.
据神话传说，阿斯克勒庇俄斯是阿波罗与科罗尼斯的儿子，他因天资与聪明才智出众而热心钻研医术，并发明了许多有助于人类健康的方法。
ἐπὶ τοσοῦτο δὲ προβῆναι τῇ δόξῃ ὥστε πολλοὺς τῶν ἀπεγνωσμένων ἀρρώστων παραδόξως θεραπεύειν, καὶ διὰ τοῦτο πολλοὺς δοκεῖν τῶν τετελευτηκότων ποιεῖν πάλιν ζῶντας.
他的声誉达到了如此高度，以至于他奇迹般地治好了许多无可救药的病人，并因此被认为使许多死者重新复活。
§4.71.2διὸ καὶ τὸν μὲν Ἅιδην μυθολογοῦσιν ἐγκαλοῦντα τῷ Ἀσκληπιῷ κατηγορίαν αὐτοῦ ποιήσασθαι πρὸς τὸν Δία ὡς τῆς ἐπαρχίας αὐτοῦ ταπεινουμένης· ἐλάττους γὰρ ἀεὶ γίνεσθαι τοὺς τετελευτηκότας, θεραπευομένους ὑπὸ τοῦ Ἀσκληπιοῦ.
因此，神话还传说，哈得斯控告阿斯克勒庇俄斯，向宙斯投诉他，理由是自己的管辖领地受到了削弱；因为由于受到阿斯克勒庇俄斯的医治，死者的人数一直在减少。
§4.71.3καὶ τὸν μὲν Δία παροξυνθέντα κεραυνώσαντα τὸν Ἀσκληπιὸν διαφθεῖραι, τὸν δʼ Ἀπόλλωνα διὰ τὴν ἀναίρεσιν τούτου παροξυνθέντα φονεῦσαι τοὺς τὸν κεραυνὸν τῷ Διὶ κατασκευάσαντας Κύκλωπας· ἐπὶ δὲ τῇ τούτων τελευτῇ παροξυνθέντα τὸν Δία προστάξαι τῷ Ἀπόλλωνι θητεῦσαι παρʼ ἀνθρώπῳ, καὶ ταύτην τιμωρίαν λαβεῖν παρʼ αὐτοῦ τῶν ἐγκλημάτων.
宙斯因此被激怒，用雷电击杀了阿斯克勒庇俄斯，而阿波罗因其子被杀而愤怒，杀死了为宙斯制造雷电的独眼巨人；宙斯对这些人的死感到愤怒，便命令阿波罗在凡人那里做雇工，以此作为对其罪行的惩罚。
§4.71.4Ἀσκληπιοῦ δέ φασι γενομένους υἱοὺς Μαχάονα καὶ Ποδαλείριον, καὶ τὴν τέχνην ἐκπονήσαντας, ἐπὶ Τροίαν συστρατεῦσαι τοῖς περὶ τὸν Ἀγαμέμνονα·
据说，阿斯克勒庇俄斯的儿子马卡翁和波达利里俄斯在学成医术后，随同阿伽门农及其部属一起远征特洛伊。
κατὰ δὲ τὸν πόλεμον μεγάλας χρείας αὐτοὺς παρασχέσθαι τοῖς Ἕλλησι, θεραπεύοντας ἐμπειρότατα τοὺς τιτρωσκομένους, καὶ διὰ τὰς εὐεργεσίας ταύτας ὑπὸ τῶν Ἑλλήνων μεγάλης τυχεῖν δόξης· ἀτελεῖς δʼ αὐτοὺς ἀφεῖναι τῶν κατὰ τὰς μάχας κινδύνων καὶ τῶν ἄλλων λειτουργιῶν διὰ τὴν ὑπερβολὴν τῆς ἐν τῷ θεραπεύειν εὐχρηστίας.
在战争期间，他们通过极其娴熟地治疗伤员，为希腊人提供了极大的帮助，并因这些恩惠而从希腊人那里获得了极大的名望；由于他们在医治方面的作用极其卓越，希腊人免除了他们参加战斗的危险以及其他的公共义务。