§4.71.1τούτων δʼ ἡμῖν διευκρινημένων πειρασόμεθα διελθεῖν περὶ Ἀσκληπιοῦ καὶ τῶν ἀπογόνων αὐτοῦ.
이것들이 우리에 의해 명확히 밝혀졌으므로, 우리는 아스크레피오스와 그의 후손들에 대해 기술하고자 한다.
μυθολογοῦσι τοίνυν Ἀσκληπιὸν Ἀπόλλωνος υἱὸν ὑπάρχειν καὶ Κορωνίδος, φύσει δὲ καὶ ἀγχινοίᾳ διενεγκόντα ζηλῶσαι τὴν ἰατρικὴν ἐπιστήμην, καὶ πολλὰ τῶν συντεινόντων πρὸς ὑγίειαν ἀνθρώπων ἐξευρεῖν.
신화에 따르면 아스크레피오스는 아폴론과 코로니스의 아들이며, 타고난 자질과 총명함이 뛰어나 의술을 열심히 배우고 인간의 건강에 기여하는 많은 것들을 발명했다고 한다.
ἐπὶ τοσοῦτο δὲ προβῆναι τῇ δόξῃ ὥστε πολλοὺς τῶν ἀπεγνωσμένων ἀρρώστων παραδόξως θεραπεύειν, καὶ διὰ τοῦτο πολλοὺς δοκεῖν τῶν τετελευτηκότων ποιεῖν πάλιν ζῶντας.
그리고 그의 명성은 너무나 높아져서 가망 없는 환자들 중 많은 이들을 기적적으로 치료했고, 이로 인해 죽은 자들 중 많은 이들을 다시 살아나게 하는 것처럼 보였다고 한다.
§4.71.2διὸ καὶ τὸν μὲν Ἅιδην μυθολογοῦσιν ἐγκαλοῦντα τῷ Ἀσκληπιῷ κατηγορίαν αὐτοῦ ποιήσασθαι πρὸς τὸν Δία ὡς τῆς ἐπαρχίας αὐτοῦ ταπεινουμένης·
그리하여 하데스가 아스크레피오스를 비난하며, 자신의 관할 영역이 축소되고 있다는 이유로 제우스에게 그에 대한 고발을 제기했다고 신화는 전한다.
ἐλάττους γὰρ ἀεὶ γίνεσθαι τοὺς τετελευτηκότας, θεραπευομένους ὑπὸ τοῦ Ἀσκληπιοῦ.
왜냐하면 아스크레피오스에 의해 치료받음으로써 죽은 자들의 수가 계속해서 줄어들고 있었기 때문이다.
§4.71.3καὶ τὸν μὲν Δία παροξυνθέντα κεραυνώσαντα τὸν Ἀσκληπιὸν διαφθεῖραι, τὸν δʼ Ἀπόλλωνα διὰ τὴν ἀναίρεσιν τούτου παροξυνθέντα φονεῦσαι τοὺς τὸν κεραυνὸν τῷ Διὶ κατασκευάσαντας Κύκλωπας·
그리고 제우스는 격분하여 벼락을 내려 아스크레피오스를 파멸시켰으나, 아폴론은 그의 죽음 때문에 격분하여 제우스에게 벼락을 만들어 준 키클롭스들을 죽였다.
ἐπὶ δὲ τῇ τούτων τελευτῇ παροξυνθέντα τὸν Δία προστάξαι τῷ Ἀπόλλωνι θητεῦσαι παρʼ ἀνθρώπῳ, καὶ ταύτην τιμωρίαν λαβεῖν παρʼ αὐτοῦ τῶν ἐγκλημάτων.
이들의 죽음에 격분한 제우스는 아폴론에게 인간 밑에서 일하도록 명령했고, 그의 죄에 대해 이 벌을 내렸다.
§4.71.4Ἀσκληπιοῦ δέ φασι γενομένους υἱοὺς Μαχάονα καὶ Ποδαλείριον, καὶ τὴν τέχνην ἐκπονήσαντας, ἐπὶ Τροίαν συστρατεῦσαι τοῖς περὶ τὸν Ἀγαμέμνονα·
또한 아스크레피오스의 아들로 태어난 마카온과 포달레이리오스는 의술을 연마하여 아가멤논 일행과 함께 트로이로 원정에 참여했다고 한다.
κατὰ δὲ τὸν πόλεμον μεγάλας χρείας αὐτοὺς παρασχέσθαι τοῖς Ἕλλησι, θεραπεύοντας ἐμπειρότατα τοὺς τιτρωσκομένους, καὶ διὰ τὰς εὐεργεσίας ταύτας ὑπὸ τῶν Ἑλλήνων μεγάλης τυχεῖν δόξης·
그들은 전쟁 중에 부상당한 이들을 매우 능숙하게 치료함으로써 그리스인들에게 큰 도움을 주었고, 이러한 은혜 덕분에 그리스인들로부터 큰 명성을 얻었다.
ἀτελεῖς δʼ αὐτοὺς ἀφεῖναι τῶν κατὰ τὰς μάχας κινδύνων καὶ τῶν ἄλλων λειτουργιῶν διὰ τὴν ὑπερβολὴν τῆς ἐν τῷ θεραπεύειν εὐχρηστίας.
그리고 그들의 치료 능력이 워낙 탁월했기 때문에, 그리스인들은 그들을 전투의 위험과 다른 공적 의무로부터 면제해 주었다.