§4.22.1ὁ δʼ Ἡρακλῆς ἐκ τοῦ Φλεγραίου πεδίου κατελθὼν ἐπὶ τὴν θάλατταν κατεσκεύασεν ἔργα περὶ τὴν Ἄορνον ὀνομαζομένην λίμνην, ἱερὰν δὲ Φερσεφόνης νομιζομένην.
赫拉克勒斯从弗莱格莱恩平原下到海边，在被称为阿奥尔诺斯的湖泊周围修建了工程，该湖被视为珀耳塞福涅的神圣之地。
κεῖται μὲν οὖν ἡ λίμνη μεταξὺ Μισηνοῦ καὶ Δικαιαρχείων, πλησίον τῶν θερμῶν ὑδάτων, ἔχει δὲ τὴν μὲν περίμετρον ὡς πέντε σταδίων, τὸ δὲ βάθος ἄπιστον· ἔχουσα γὰρ ὕδωρ καθαρώτατον φαίνεται τῇ χρόᾳ κυανοῦν διὰ τὴν ὑπερβολὴν τοῦ βάθους.
此湖位于米塞农和迪凯阿尔基亚之间，靠近温泉，周长约五斯塔迪翁，深度令人难以置信；因为它拥有极清澈的水，由于极深的缘故，其颜色显得呈深蓝色。
§4.22.2μυθολογοῦσι δὲ τὸ μὲν παλαιὸν γεγενῆσθαι νεκυομαντεῖον πρὸς αὐτῇ, ὃ τοῖς ὕστερον χρόνοις καταλελύσθαι φασίν.
神话传说，古代在此湖旁曾有一座死者占卜所，据说在后来的时代被废除了。
ἀναπεπταμένης δὲ τῆς λίμνης εἰς τὴν θάλατταν, τὸν Ἡρακλέα λέγεται τὸν μὲν ἔκρουν ἐγχῶσαι, τὴν δʼ ὁδὸν τὴν νῦν οὖσαν παρὰ θάλατταν κατασκευάσαι, τὴν ἀπʼ ἐκείνου καλουμένην Ἡρακλείαν.
由于该湖向大海敞开，据说赫拉克勒斯堵塞了其流出口，并修建了如今沿海的道路，此路因他而被称为‘赫拉克莱亚’。
§4.22.3ταῦτα μὲν οὖν ἔπραξε περὶ ἐκείνους τοὺς τόπους.
无论如何，他在那些地方做了这些事。
ἐντεῦθεν δʼ ἀναζεύξας κατήντησε τῆς Ποσειδωνιατῶν χώρας πρός τινα πέτραν, πρὸς ᾗ μυθολογοῦσιν ἴδιόν τι γενέσθαι καὶ παράδοξον.
从那里启程，他抵达波塞多尼亚人领地的一处岩石旁，据说在岩石附近发生了一件奇特而不可思议的事情。
τῶν γὰρ ἐγχωρίων τινὰ κυνηγὸν ἐν τοῖς κατὰ τὴν θήραν ἀνδραγαθήμασι διωνομασμένον ἐν μὲν τοῖς ἔμπροσθεν χρόνοις εἰωθέναι τῶν ληφθέντων θηρίων τὰς κεφαλὰς καὶ τοὺς πόδας ἀνατιθέναι τῇ Ἀρτέμιδι καὶ προσηλοῦν τοῖς δένδρεσι, τότε δʼ οὖν ὑπερφυῆ κάπρον χειρωσάμενον καὶ τῆς θεοῦ καταφρονήσαντα εἰπεῖν ὅτι τὴν κεφαλὴν τοῦ θηρίου ἑαυτῷ ἀνατίθησι, καὶ τοῖς λόγοις ἀκολούθως ἔκ τινος δένδρου κρεμάσαι ταύτην, αὐτὸν δέ, καυματώδους περιστάσεως οὔσης, κατὰ μεσημβρίαν εἰς ὕπνον τραπῆναι· καθʼ ὃν δὴ χρόνον τοῦ δεσμοῦ λυθέντος αὐτομάτως πεσεῖν τὴν κεφαλὴν ἐπὶ τὸν κοιμώμενον καὶ διαφθεῖραι.
因为当地居民中的一名猎人，因其在狩猎中的英勇事迹而闻名，在以前的时期习惯于将捕获的野兽的头和蹄献给阿耳忒弥斯并钉在树上，但在当时，他降伏了一只极其巨大的野猪，却轻视这位女神，说要把这野兽的头献给自己，并如其所言将头悬挂在某棵树上，而他自己由于天气炎热，在正午时分入睡；就在那时，绑着的绳子自动松开，兽头落在了这个熟睡的人身上，致其死亡。
§4.22.4ἀλλὰ γὰρ οὐκ ἄν τις θαυμάσειε τὸ γεγονός, ὅτι τῆς θεᾶς ταύτης πολλαὶ περιστάσεις μνημονεύονται περιέχουσαι τὴν κατὰ τῶν ἀσεβῶν τιμωρίαν.
然而，任何人都不应对发生的事感到惊讶，因为关于这位女神，人们记得有许多包含对不敬者惩罚的事件。
τῷ δʼ Ἡρακλεῖ διὰ τὴν εὐσέβειαν τοὐναντίον συνέβη γενέσθαι.
但对赫拉克勒斯而言，由于他的虔敬，反而发生了相反的事情。
§4.22.5καταντήσαντος γὰρ αὐτοῦ πρὸς τὰ μεθόρια τῆς Ῥηγίνης καὶ Λοκρίδος, καὶ διὰ τὸν ἐκ τῆς ὁδοιπορίας κόπον ἀναπαυομένου, φασὶν ὑπὸ τῶν τεττίγων αὐτὸν ἐνοχλούμενον εὔξασθαι τοῖς θεοῖς ἀφανεῖς γενέσθαι τοὺς ἐνοχλοῦντας αὐτόν· καὶ διὰ τοῦτο, τῶν θεῶν βεβαιωσάντων τὴν εὐχήν, μὴ μόνον κατὰ τὸ παρὸν ἀφανεῖς γενέσθαι τούτους, ἀλλὰ καὶ κατὰ τὸν ὕστερον χρόνον ἅπαντα μηδένα τέττιγα φαίνεσθαι κατὰ τὴν χώραν.
因为当他抵达雷吉翁和洛克里的交界处，并因旅途劳顿而休息时，据说他因受到蝉的打扰，向众神祈祷让这些打扰他的生物消失；因此，由于众神应允了他的祈祷，不仅在当时这些蝉消失了，而且在随后的所有时间里，该地区也再没有蝉出现。
§4.22.6ὁ δʼ Ἡρακλῆς καταντήσας ἐπὶ τὸν πορθμὸν κατὰ τὸ στενώτατον τῆς θαλάττης τὰς μὲν βοῦς ἐπεραίωσεν εἰς τὴν Σικελίαν, αὐτὸς δὲ ταύρου κέρως λαβόμενος διενήξατο τὸν πόρον, ὄντος τοῦ διαστήματος σταδίων τριῶν καὶ δέκα, ὡς Τίμαιός φησι.
赫拉克勒斯抵达海面最窄处的浅滩海峡，将牛群渡到西西里，他自己则抓住一只公牛的角，游过了水道，据蒂迈欧所说，这段距离为十三斯塔迪翁。