§4.23.1μετὰ δὲ ταῦτα βουλόμενος ἐγκυκλωθῆναι πᾶσαν Σικελίαν, ἐποιεῖτο τὴν πορείαν ἀπὸ τῆς Πελωριάδος ἐπὶ τὸν Ἔρυκα.
此后，他想要环绕整个西西里岛，于是便开始了从佩洛里亚斯到埃律克斯的旅程。
διεξιόντος δʼ αὐτοῦ τὴν παράλιον τῆς νήσου, μυθολογοῦσι τὰς Νύμφας ἀνεῖναι θερμὰ λουτρὰ πρὸς τὴν ἀνάπαυσιν τῆς κατὰ τὴν ὁδοιπορίαν αὐτῷ γενομένης κακοπαθείας.
当他经过该岛的沿海地带时，神话传说宁芙仙女们涌出了温泉，以缓解他在旅途中所产生的劳顿。
τούτων δʼ ὄντων διττῶν, τὰ μὲν Ἱμεραῖα, τὰ δʼ Ἐγεσταῖα προσαγορεύεται, τὴν ὀνομασίαν ἔχοντα ταύτην ἀπὸ τῶν τόπων.
这些温泉共有两处，一处被称为希梅拉温泉，另一处被称为埃格斯塔温泉，其名称皆来源于当地的地名。
§4.23.2τοῦ δʼ Ἡρακλέους πλησιάσαντος τοῖς κατὰ τὸν Ἔρυκα τόποις, προεκαλέσατο αὐτὸν Ἔρυξ εἰς πάλην, υἱὸς ὢν Ἀφροδίτης καὶ Βούτα τοῦ τότε βασιλεύοντος τῶν τόπων.
当赫拉克勒斯接近埃律克斯附近的地区时，当时统治该地的阿佛洛狄忒与布塔斯之子埃律克斯挑战他进行格斗。
γενομένης δὲ τῆς φιλοτιμίας μετὰ προστίμου, καὶ τοῦ μὲν Ἔρυκος διδόντος τὴν χώραν, τοῦ δʼ Ἡρακλέους τὰς βοῦς, τὸ μὲν πρῶτον ἀγανακτεῖν τὸν Ἔρυκα, διότι πολὺ λείπονται τῆς ἀξίας αἱ βόες, συγκρινομένης τῆς χώρας πρὸς αὐτάς· πρὸς ταῦτα δὲ τοῦ Ἡρακλέους ἀποφαινομένου διότι, ταύτας ἂν ἀποβάλῃ, στερήσεται τῆς ἀθανασίας, εὐδοκήσας ὁ Ἔρυξ τῇ συνθήκῃ καὶ παλαίσας ἐλείφθη καὶ τὴν χώραν ἀπέβαλεν.
于是一场带有赌注的竞争展开了，埃律克斯以土地为赌注，而赫拉克勒斯以牛群为赌注。 起初，埃律克斯感到愤慨，因为如果将土地与牛群相比，这些牛的价值相差甚远；对此，当赫拉克勒斯表明，如果自己失去了这些牛，他将被剥夺神格时，埃律克斯对这一约定感到满意，但在格斗中落败并失去了土地。
§4.23.3ὁ δʼ Ἡρακλῆς τὴν μὲν χώραν παρέθετο τοῖς ἐγχωρίοις, συγχωρήσας αὐτοῖς λαμβάνειν τοὺς καρπούς, μέχρι ἄν τις τῶν ἐκγόνων αὐτοῦ παραγενόμενος ἀπαιτήσῃ· ὅπερ καὶ συνέβη γενέσθαι.
赫拉克勒斯将这片土地交托给当地居民，允许他们收获果实，直到他的某个后裔前来索回；而这正是实际发生的事。
πολλαῖς γὰρ ὕστερον γενεαῖς Δωριεὺς ὁ Λακεδαιμόνιος καταντήσας εἰς τὴν Σικελίαν καὶ τὴν χώραν ἀπολαβὼν ἔκτισε πόλιν Ἡράκλειαν.
因为在许多代之后，拉刻代蒙人多里厄斯抵达西西里并夺回了这片土地，建立起一座名为赫拉克莱亚的城市。
ταχὺ δʼ αὐτῆς αὐξομένης, οἱ Καρχηδόνιοι φθονήσαντες ἅμα καὶ φοβηθέντες μήποτε πλέον ἰσχύσασα τῆς Καρχηδόνος ἀφέληται τῶν Φοινίκων τὴν ἡγεμονίαν, στρατεύσαντες ἐπʼ αὐτὴν μεγάλαις δυνάμεσι καὶ κατὰ κράτος ἑλόντες κατέσκαψαν.
由于该城迅速壮大，迦太基人既心生嫉妒，又担心它一旦变得比迦太基更加强大，就会夺走腓尼基人的霸权，于是率领大军攻打它，用武力攻陷并将其彻底摧毁。
ἀλλὰ περὶ μὲν τούτων τὰ κατὰ μέρος ἐν τοῖς οἰκείοις χρόνοις ἀναγράψομεν.
不过关于这些事情，我们将在适当的历史时期进行详细记述。
§4.23.4τότε δʼ ὁ Ἡρακλῆς ἐγκυκλούμενος τὴν Σικελίαν, καταντήσας εἰς τὴν νῦν οὖσαν τῶν Συρακοσίων πόλιν καὶ πυθόμενος τὰ μυθολογούμενα κατὰ τὴν τῆς Κόρης ἁρπαγήν, ἔθυσέ τε ταῖς θεαῖς μεγαλοπρεπῶς καὶ εἰς τὴν Κυάνην τὸν καλλιστεύοντα τῶν ταύρων καθαγίσας κατέδειξε θύειν τοὺς ἐγχωρίους κατʼ ἐνιαυτὸν τῇ Κόρῃ καὶ πρὸς τῇ Κυάνῃ λαμπρῶς ἄγειν πανήγυρίν τε καὶ θυσίαν.
当时，赫拉克勒斯在环游西西里岛期间，抵达了如今叙拉古人的城市，在听闻了关于科瑞被劫持的神话后，向两位女神献上了极为隆重的祭祀，并在库阿涅泉将最美的一头公牛作为祭品宰杀，以此指示当地居民每年向科瑞献祭，并在库阿涅泉旁举行盛大的盛会与祭祀。
§4.23.5αὐτὸς δὲ μετὰ τῶν βοῶν διὰ τῆς μεσογείου διεξιών, καὶ τῶν ἐγχωρίων Σικανῶν μεγάλαις δυνάμεσιν ἀντιταξαμένων, ἐνίκησεν ἐπιφανεῖ παρατάξει καὶ πολλοὺς ἀπέκτεινεν, ἐν οἷς μυθολογοῦσί τινες καὶ στρατηγοὺς ἐπιφανεῖς γεγενῆσθαι τοὺς μέχρι τοῦ νῦν ἡρωικῆς τιμῆς τυγχάνοντας, Λεύκασπιν καὶ Πεδιακράτην καὶ Βουφόναν καὶ Γλυχάταν, ἔτι δὲ Βυταίαν καὶ Κρυτίδαν.
他自己则带着牛群穿过内陆地区。 在当地的西坎人纠集大军顽抗时，他通过一场著名的会战击败了他们并斩杀多人。 有人传说，在这些人中也有一些著名的将领，他们直到今天仍享有英雄般的崇敬，包括雷乌卡斯皮斯、佩迪亚克拉特斯、布波纳斯、格吕卡塔斯，以及比泰阿斯和克里蒂达斯。