§1.76.1τούτῳ δὲ τῷ τρόπῳ τὰς κρίσεις πάσας συντελεῖν τοὺς Αἰγυπτίους, νομίζοντας ἐκ μὲν τοῦ λέγειν τοὺς συνηγόρους πολλὰ τοῖς δικαίοις ἐπισκοτήσειν· καὶ γὰρ τὰς τέχνας τῶν ῥητόρων καὶ τὴν τῆς ὑποκρίσεως γοητείαν καὶ τὰ τῶν κινδυνευόντων δάκρυα πολλοὺς προτρέπεσθαι παρορᾶν τὸ τῶν νόμων ἀπότομον καὶ τὴν τῆς ἀληθείας ἀκρίβειαν·
埃及人以此种方式进行所有的审判，因为他们认为，辩护人的口头陈述会在很大程度上掩盖正义；实际上，雄辩家的技巧、表演的诱惑以及身处险境者的眼泪，会促使许多人忽视法律的严苛和真理的精确。
§1.76.2θεωρεῖσθαι γοῦν τοὺς ἐπαινουμένους ἐν τῷ κρίνειν πολλάκις ἢ διʼ ἀπάτην ἢ διὰ ψυχαγωγίαν ἢ διὰ τὸ πρὸς τὸν ἔλεον πάθος συνεκφερομένους τῇ δυνάμει τῶν συνηγορούντων· ἐκ δὲ τοῦ γράφειν τὰ δίκαια τοὺς ἀντιδίκους ᾤοντο τὰς κρίσεις ἀκριβεῖς ἔσεσθαι, γυμνῶν τῶν πραγμάτων θεωρουμένων.
事实上，人们常常看到那些在审判中备受赞誉的人，由于欺骗、蛊惑或对同情的冲动，而被辩护者的力量所裹挟；然而，他们认为，通过诉讼当事人将合理的诉求写成书面材料，案件本身得以赤裸弱地呈现，审判将会是精确的。
§1.76.3οὕτω γὰρ μάλιστα μήτε τοὺς εὐφυεῖς τῶν βραδυτέρων πλεονεκτήσειν μήτε τοὺς ἐνηθληκότας τῶν ἀπείρων μήτε τοὺς ψεύστας καὶ τολμηροὺς τῶν φιλαλήθων καὶ κατεσταλμένων τοῖς ἤθεσι, πάντας δʼ ἐπʼ ἴσης τεύξεσθαι τῶν δικαίων, ἱκανὸν χρόνον ἐκ τῶν νόμων λαμβανόντων τῶν μὲν ἀντιδίκων ἐξετάσαι τὰ παρʼ ἀλλήλων, τῶν δὲ δικαστῶν συγκρῖναι τὰ παρʼ ἀμφοτέρων.
因为只有这样，才智出众者才不会占理解迟钝者的便宜，经验丰富者也不会占无经验者的便宜，说谎和胆大妄为者更不会占热爱真理且性格温和者的便宜，所有人将平等地获得正义，因为法律给予了充足的时间，一方面让诉讼当事人审查彼此的诉状，另一方面让法官对比双方的论点。