§17.63.1Ἀντίπατρος δὲ πυθόμενος τὴν τῶν Ἑλλήνων συνδρομὴν τὸν μὲν ἐν τῇ Θρᾴκῃ πόλεμον ὥς ποτʼ ἦν δυνατὸν κατέλυσεν, εἰς δὲ τὴν Πελοπόννησον ἧκε μετὰ πάσης τῆς δυνάμεως.
安提帕特得知希腊人集结的消息后，尽其可能结束了色雷斯的战争，并率领全军来到伯罗奔尼撒。
προσλαβόμενος δὲ καὶ παρὰ τῶν συμμαχούντων Ἑλλήνων στρατιώτας ἤθροισε τοὺς ἅπαντας οὐκ ἐλάττους τῶν τετρακισμυρίων.
他还从结盟的希腊人那里补充了士兵，总共聚集了不下于四万人的军队。
§17.63.2γενομένης δὲ παρατάξεως μεγάλης ὁ μὲν Ἄγις μαχόμενος ἔπεσεν, οἱ δὲ Λακεδαιμόνιοι πολὺν μὲν ἐκθύμως χρόνον ἀγωνιζόμενοι διεκαρτέρουν, τῶν δὲ συμμάχων βιασθέντων καὶ αὐτοὶ τὴν ἀναχώρησιν εἰς τὴν Σπάρτην ἐποιήσαντο.
当一场大会战发生时，阿基斯在战斗中阵亡，而拉刻代蒙人则英勇战斗，坚持了很长时间，但在盟军被击退后，他们自己也撤退回了斯巴达。
§17.63.3ἀνῃρέθησαν δʼ ἐν τῇ μάχῃ τῶν μὲν Λακεδαιμονίων καὶ τῶν συμμάχων πλείους τῶν πεντακισχιλίων καὶ τριακοσίων, τῶν δὲ μετʼ Ἀντιπάτρου τρισχίλιοι καὶ πεντακόσιοι.
在这场战役中，拉刻代蒙人及其盟友阵亡了五千三百多人，而安提帕特一方则阵亡了三千五百人。
§17.63.4ἴδιον δέ τι συνέβη καὶ περὶ τὴν τοῦ Ἄγιδος τελευτὴν γενέσθαι·
关于阿基斯的死，也发生了一件奇特的事。
ἀγωνισάμενος γὰρ λαμπρῶς καὶ πολλοῖς τραύμασιν ἐναντίοις περιπεσὼν ὑπὸ τῶν στρατιωτῶν εἰς τὴν Σπάρτην ἀπεκομίζετο·
他英勇作战，身体正面多处负伤，正被士兵们抬往斯巴达。
περικατάληπτος δὲ γενόμενος καὶ τὰ καθʼ ἑαυτὸν ἀπογνοὺς τοῖς μὲν ἄλλοις στρατιώταις προσέταξεν ἀπιέναι τὴν ταχίστην καὶ διασώζειν αὑτοὺς εἰς τὴν τῆς πατρίδος χρείαν, αὐτὸς δὲ καθοπλισθεὶς καὶ εἰς γόνυ διαναστὰς ἠμύνατο τοὺς πολεμίους καί τινας καταβαλὼν καὶ συνακοντισθεὶς κατέστρεψε τὸν βίον, ἄρξας ἔτη ἐννέα.
然而，当他即将被包围且对自己的生还感到绝望时，他命令其他士兵尽快撤离，保全生命以备祖国未来的需要。 而他自己则披挂整齐，挣扎着跪立起来抵御敌人，在击倒数人并被多支标枪刺中后，结束了一生，在位共九年。
§17.63.5ἡμεῖς δὲ διεληλυθότες τὰ πραχθέντα κατὰ τὴν Εὐρώπην ἐν μέρει τὰ κατὰ τὴν Ἀσίαν συντελεσθέντα διέξιμεν.
我们已经叙述完了在欧洲发生的事情，接下来将依次叙述在亚洲完成的事业。