§17.37.1τῶν δὲ βασιλέων Δαρεῖος μὲν κατὰ κράτος ἡττημένος εἰς φυγὴν ὥρμησεν καὶ μεταλαμβάνων ἄλλον ἐξ ἄλλου τῶν ἀρίστων ἵππων κατὰ κράτος ἤλαυνε, διαφυγεῖν σπεύδων τὰς Ἀλεξάνδρου χεῖρας καὶ τῶν ἄνω σατραπειῶν ἅψασθαι προαιρούμενος· §17.37.2Ἀλέξανδρος δὲ μετὰ τῆς ἑταιρικῆς ἵππου καὶ τῶν ἄλλων ἀρίστων ἱππέων ἐποιεῖτο τὸν διωγμόν, σπεύδων ἐγκρατὴς γενέσθαι τοῦ Δαρείου.
在两位国王中，达里乌斯惨败后落荒而逃，他不断更换一匹又一匹最良的骏马，全速奔驰，急于逃脱亚历山大的魔掌，并意图到达上方的各行省；另一方面，亚历山大率领近卫骑兵和其他最精锐的骑兵展开追击，急于生擒达里乌斯。
διανύσας δὲ σταδίους διακοσίους ἀνέκαμψεν εἰς τὴν παρεμβολὴν περὶ μέσας νύκτας, τοῖς δὲ λουτροῖς θεραπεύσας τὸν ἐκ τῆς κακοπαθείας κόπον ἐτρέπετο πρὸς ἄνεσιν καὶ δειπνοποιίαν.
但在行进了两百斯塔德之后，他在午夜左右折返回营，用沐浴消除了因劳累而产生的疲倦，随后便去休息和进餐。
§17.37.3πρὸς δὲ τὴν γυναῖκα καὶ τὴν μητέρα τοῦ Δαρείου προσελθών τις ἀπήγγειλεν ὅτι πάρεστιν Ἀλέξανδρος ἀπὸ τοῦ διωγμοῦ, τὸν Δαρεῖον ἐσκυλευκώς.
这时，有人来到达里乌斯的妻子和母亲面前，报告说亚历山大已从追击中归来，并剥去了达里乌斯的盔甲。
ἔνθα δὴ κραυγῆς μεγάλης καὶ κλαυθμοῦ περὶ τὰς γυναῖκας γενομένου καὶ τοῦ πλήθους τῶν αἰχμαλώτων διὰ τὴν ἀπαγγελίαν συμπενθοῦντος καὶ πολὺν ὀδυρμὸν προϊεμένου, πυθόμενος ὁ βασιλεὺς τὸ περὶ τὰς γυναῖκας πάθος ἐξέπεμψεν ἕνα τῶν φίλων Λεοννάτον καταπαύσοντα τὴν ταραχὴν καὶ παραμυθησόμενον τὰς περὶ τὴν Σισύγγαμβριν καὶ δηλώσοντα διότι Δαρεῖος μὲν ζῇ, ὁ δʼ Ἀλέξανδρος ἐπιμέλειαν αὐτῶν ποιήσεται τὴν προσήκουσαν καὶ διότι πρῲ βούλεται προσαγορεῦσαί τε αὐτὰς καὶ διὰ τῶν ἔργων ἀποδείξασθαι τὴν ἰδίαν φιλανθρωπίαν.
于是，妇女们爆发出了巨大的哭喊和哀号，被俘的众人也因这一消息一同悲哀，发出强烈的恸哭。 国王得知妇女们的悲痛后，派出了他的一位朋友莱昂纳托斯，去平息混乱，安抚斯绪甘布里斯及其身边的女眷，并向她们说明：达里乌斯还活着，而亚历山大会给她们以应有的照顾，而且他希望在清晨亲自问候她们，并用实际行动展现自己的仁慈。
§17.37.4αἱ μὲν οὖν αἰχμαλωτίδες προσπεσούσης αὐταῖς παραδόξου καὶ παντελῶς ἀπηλπισμένης εὐτυχίας τόν τε Ἀλέξανδρον ὡς θεὸν προσεδέξαντο καὶ τῶν ὀδυρμῶν ἀπηλλάγησαν.
于是，被俘的妇女们因为这意想不到、且完全不抱希望的幸运降临，便将亚历山大视若神明般迎候，并从哀恸中解脱出来。
§17.37.5ὁ δὲ βασιλεὺς ἅμʼ ἡμέρᾳ λαβὼν ἕνα τῶν φίλων τὸν μάλιστα τιμώμενον Ἡφαιστίωνα παρῆλθε πρὸς τὰς γυναῖκας.
拂晓时分，国王带着他最尊重的友人之一赫菲斯提翁，来到了妇女们那里。
ἐχόντων δʼ ἀμφοτέρων ἐσθῆτας μὲν ὁμοίας, τῷ μεγέθει δὲ καὶ κάλλει προέχοντος τοῦ Ἡφαιστίωνος ἡ Σισύγγαμβρις τοῦτον ὑπολαβοῦσα εἶναι τὸν βασιλέα προσεκύνησεν· διανευόντων δʼ αὐτῇ τῶν παρεστώτων καὶ τῇ χειρὶ δεικνύντων τὸν Ἀλέξανδρον ἡ μὲν Σισύγγαμβρις αἰδεσθεῖσα τὴν ἄγνοιαν πάλιν ἐξ ἀρχῆς προσεκύνει τὸν Ἀλέξανδρον,
由于两人穿着相似的服饰，而在体格和容貌上赫菲斯提翁更胜一筹，斯绪甘布里斯便误以为他是国王，朝他跪拜；但当身旁侍立的人向她示意并用手指着亚历山大时，斯绪甘布里斯为自己的误认感到羞愧，于是重新向亚历山大顶礼膜拜。
§17.37.6ὁ δὲ βασιλεὺς ὑπολαβὼν εἶπεν μηδὲν φροντίσῃς, ὦ μῆτερ· καὶ γὰρ καὶ οὗτος Ἀλέξανδρός ἐστιν.
国王则接着说道：“母亲，不必介意，因为这个人也是亚历山大。
οὐ μὴν ἀλλὰ τὴν πρεσβῦτιν μητέρα προσαγορεύσας διὰ τῆς φιλανθρωποτάτης προσηγορίας προεσήμαινε τοῖς προητυχηκόσι τὴν μέλλουσαν ἔσεσθαι φιλανθρωπίαν.
”不仅如此，他用这最温存的称呼来称呼这位年迈的母亲，向这些先前遭遇不幸的人预示了即将到来的仁慈。
διαβεβαιωσάμενος δʼ αὐτὴν ὑπάρξειν δευτέραν μητέρα τοῖς ἔργοις εὐθὺς ἐκύρωσε τὴν διὰ τῶν λόγων ἐπαγγελίαν.
在向她保证她将成为自己的第二位母亲之后，他立即用实际行动履行了口头上的诺言。