§17.18.1ὁ δʼ Ἀλέξανδρος ἀποδεξάμενος τὴν τοῦ μάντεως πρόρρησιν τῇ μὲν Ἀθηνᾷ λαμπρὰν ἐπετέλεσε θυσίαν καὶ τὸ μὲν ἴδιον ὅπλον ἀνέθηκε τῇ θεῷ, τῶν δʼ ἐν τῷ νεῷ κειμένων ὅπλων τὸ κράτιστον ἀναλαβὼν καὶ τούτῳ καθοπλισθεὶς ἐχρήσατο κατὰ τὴν πρώτην μάχην, ἣν διὰ τῆς ἰδίας ἀνδραγαθίας κρίνας περιβόητον ἔσχε τὴν νίκην.
亚历山大接受了祭司的预言，向雅典娜举行了盛大的祭祀，并将自己的兵器献给了女神。 他拿起神殿中存放的最优良的一件兵器，用它装备好自己，并在第一次战斗中使用了它；在这次战斗中，他凭借自己的英勇决出了胜负，赢得了名震一时的胜利。
ἀλλὰ ταῦτα μὲν ὕστερον ἡμέραις ὀλίγαις ἐπράχθη.
不过，这些事是在几天后才发生的。
§17.18.2οἱ δὲ τῶν Περσῶν σατράπαι καὶ στρατηγοὶ τοῦ μὲν κωλῦσαι τῶν Μακεδόνων τὴν διάβασιν ὑστέρησαν, ἀθροισθέντες δʼ ἐβουλεύοντο πῶς χρὴ διαπολεμεῖν τοῖς περὶ Ἀλέξανδρον.
波斯的总督和将领们未能阻止马其顿人的渡海，但他们集结起来，商讨如何与亚历山大一行人彻底交战。
Μέμνων μὲν οὖν ὁ Ῥόδιος, διαβεβοημένος ἐπὶ συνέσει στρατηγικῇ, συνεβούλευε κατὰ στόμα μὲν μὴ διακινδυνεύειν, τὴν δὲ χώραν φθείρειν καὶ τῇ σπάνει τῶν ἀναγκαίων εἴργειν τοὺς Μακεδόνας τῆς εἰς τοὔμπροσθεν πορείας, διαβιβάζειν δὲ καὶ δυνάμεις εἰς τὴν Μακεδονίαν ναυτικάς τε καὶ πεζικὰς καὶ τὸν ὅλον πόλεμον εἰς τὴν Εὐρώπην μεταγαγεῖν.
此时，因其军事才智而名声显赫的罗得岛人门农建议，不要正面冒险交战，而应破坏国土，利用物资的匮乏阻碍马其顿人继续前进，并且还要将海陆军队运送到马其顿，将整场战争转移到欧洲。
§17.18.3ὁ δʼ ἀνὴρ οὗτος ἄριστα μὲν συνεβούλευεν, ὡς ἐκ τῶν ἀποτελεσμάτων ἐγενήθη φανερόν, οὐ μὴν ἔπεισε τοὺς ἄλλους ἡγεμόνας, ὡς ἀνάξια συμβουλεύων τῆς Περσῶν μεγαλοψυχίας.
这个人的建议极其英明，正如后来的结果所表明的那样，但他未能说服其他的领袖，因为他们认为他的建议不配波斯人的高尚气魄。
§17.18.4διόπερ ἐπικρατούσης τῆς τοῦ διαγωνίζεσθαι γνώμης οὗτοι μὲν τὰς πανταχόθεν δυνάμεις μεταπεμψάμενοι καὶ πολλαπλάσιοι γενόμενοι τῶν Μακεδόνων προῆγον ἐπὶ Φρυγίας τῆς ἐφʼ Ἑλλησπόντου.
因此，由于主张彻底决战的意见占了上风，他们召集了各地的军队，使其人数达到马其顿人的数倍，向临近赫勒斯滂的弗里吉亚进军。
κατεστρατοπέδευσαν δὲ παρὰ τὸν Γρανικὸν ποταμόν, προβαλλόμενοι τὸ ῥεῖθρον τοῦ προειρημένου ποταμοῦ.
他们将前述河流的水流作为屏障置于前方，在格拉尼科斯河畔安营扎寨。