§16.8.1περὶ δὲ τοὺς αὐτοὺς καιροὺς Φίλιππος ὁ τῶν Μακεδόνων βασιλεὺς μεγάλῃ παρατάξει νενικηκὼς τοὺς Ἰλλυριοὺς καὶ πάντας τοὺς μέχρι τῆς Λυχνίτιδος καλουμένης λίμνης κατοικοῦντας ὑπηκόους πεποιημένος ἀνέκαμψεν εἰς τὴν Μακεδονίαν, συντεθειμένος ἔνδοξον εἰρήνην πρὸς τοὺς Ἰλλυριούς, περιβόητός τε ὑπάρχων παρὰ τοῖς Μακεδόσιν ἐπὶ τοῖς διʼ ἀνδρείαν κατωρθωμένοις.
大约在同一时期，马其顿国王腓力在大规模会战中击败了伊利里亚人，并使远至被称为利克尼提斯的湖泊的所有居民臣服，随后返回马其顿，与伊利里亚人缔结了光荣的和平协议，并因其凭借勇气所取得的成功而在马其顿人中名声大噪。
§16.8.2μετὰ δὲ ταῦτα τῶν τὴν Ἀμφίπολιν οἰκούντων ἀλλοτρίως πρὸς αὐτὸν διατεθέντων καὶ πολλὰς ἀφορμὰς δόντων εἰς πόλεμον ἐστράτευσεν ἐπʼ αὐτοὺς ἀξιολόγῳ δυνάμει.
此后，由于阿姆菲波利斯的居民对他怀有敌意，并为战争提供了许多借口，他率领相当规模的军队向他们发动了远征。
προσαγαγὼν δὲ τοῖς τείχεσι μηχανὰς καὶ προσβολὰς ἐνεργοὺς καὶ συνεχεῖς ποιησάμενος κατέβαλε μὲν τοῖς κριοῖς μέρος τι τοῦ τείχους, παρεισελθὼν δʼ εἰς τὴν πόλιν διὰ τοῦ πτώματος καὶ τῶν ἀντιστάντων πολλοὺς καταβαλὼν ἐκυρίευσε τῆς πόλεως καὶ τοὺς μὲν ἀλλοτρίως πρὸς αὐτὸν διακειμένους ἐφυγάδευσε, τοῖς δʼ ἄλλοις φιλανθρώπως προσηνέχθη.
他将攻城器械运至城墙前，进行了积极且持续的进攻，用破城槌击毁了城墙的一部分；他通过坍塌口进入城内，击杀大批抵抗者，控制了该城，并将对他心怀敌意的人驱逐出境，但对其他人则宽厚相待。
§16.8.3ἡ δὲ πόλις αὕτη κειμένη κατὰ τῆς Θρᾴκης καὶ τῶν σύνεγγυς τόπων εὐφυῶς πολλὰ συνεβάλετο τῷ Φιλίππῳ πρὸς αὔξησιν.
这座城市因地理位置优越，面对色雷斯及邻近地区，对腓力势力的扩张起到了极大的推动作用。
εὐθὺ γὰρ τὴν μὲν Πύδναν ἐχειρώσατο, πρὸς δὲ Ὀλυνθίους συμμαχίαν ἔθετο καὶ Ποτίδαιαν ὡμολόγησε περιποιήσειν αὐτοῖς, ὑπὲρ ἧς Ὀλύνθιοι πολλὴν σπουδὴν ἔσχον κυριεῦσαι τῆς πόλεως.
因为他随即制服了皮德纳，与奥林索斯人结成了同盟，并允诺为他们夺取波提狄亚，而奥林索斯人曾极度渴望控制这座城市。
§16.8.4τῶν δʼ Ὀλυνθίων βαρεῖαν πόλιν οἰκούντων καὶ διὰ τὸ πλῆθος τῶν ἐν ταύτῃ ἐνοικούντων πολλὴν ἐχόντων ῥοπὴν εἰς τὸν πόλεμον περιμάχητος ἦν ἡ πόλις τοῖς ἡγεμονίας μείζονος ὀρεγομένοις.
由于奥林索斯人居住在一座强有力的城市中，且因城内居民众多而在战争中拥有极大的影响力，因此该城市成为了那些企图获得更大霸权之人争夺的对象。
διόπερ οἵ τε Ἀθηναῖοι καὶ ὁ Φίλιππος διεφιλοτιμοῦντο πρὸς ἀλλήλους περὶ τῆς τῶν Ὀλυνθίων συμμαχίας.
为此，雅典人与腓力在争取奥林索斯人的同盟方面展开了激烈的竞争。
§16.8.5οὐ μὴν ἀλλʼ ὁ Φίλιππος Ποτίδαιαν ἐκπολιορκήσας τὴν μὲν τῶν Ἀθηναίων φρουρὰν ἐξήγαγεν ἐκ τῆς πόλεως καὶ φιλανθρώπως αὐτῇ προσενεγκάμενος ἐξαπέστειλεν εἰς τὰς Ἀθήνας· σφόδρα γὰρ εὐλαβεῖτο τὸν δῆμον τῶν Ἀθηναίων διὰ τὸ βάρος καὶ τὸ ἀξίωμα τῆς πόλεως.
尽管如此，腓力在围攻并夺取波提狄亚后，将雅典的守备队带出城外，并宽厚地对待他们，将他们送回雅典；因为他因雅典城的份量和声望而对雅典人民非常敬畏。
τὴν δὲ πόλιν ἐξανδραποδισάμενος παρέδωκε τοῖς Ὀλυνθίοις, δωρησάμενος ἅμα καὶ τὰς κατὰ τὴν χώραν κτήσεις.
他将该城居民贬为奴隶，移交给奥林索斯人，同时将该地区内的领地产业赠送给他们。
§16.8.6μετὰ δὲ ταῦτα παρελθὼν ἐπὶ πόλιν Κρηνίδας ταύτην μὲν ἐπαυξήσας οἰκητόρων πλήθει μετωνόμασε Φιλίππους, ἀφʼ ἑαυτοῦ προσαγορεύσας, τὰ δὲ κατὰ τὴν χώραν χρύσεια μέταλλα παντελῶς ὄντα λιτὰ καὶ ἄδοξα ταῖς κατασκευαῖς ἐπὶ τοσοῦτον ηὔξησεν ὥστε δύνασθαι φέρειν αὐτῷ πρόσοδον πλεῖον ἢ ταλάντων χιλίων.
此后，他前往克雷尼德斯城，通过增加居民数量扩大了该城，并以自己的名字将其改名为腓立比；他极大改善了该地区内原本设备简陋、默默无闻的金矿，使其能够为他带来一千多塔兰同的收入。
§16.8.7ἐκ δὲ τούτων ταχὺ σωρεύσας πλοῦτον αἰεὶ μᾶλλον διὰ τὴν εὐπορίαν τῶν χρημάτων εἰς ὑπεροχὴν μεγάλην ἤγαγε τὴν Μακεδονικὴν βασιλείαν·
腓力从这些资源中迅速积累了财富，并由于资金的充裕而使马其顿王国的地位日益提升至极高的优势。
νόμισμα γὰρ χρυσοῦν κόψας τὸ προσαγορευθὲν ἀπʼ ἐκείνου Φιλίππειον μισθοφόρων τε δύναμιν ἀξιόλογον συνεστήσατο καὶ τῶν Ἑλλήνων πολλοὺς διὰ τούτου προετρέψατο προδότας γενέσθαι τῶν πατρίδων.
因为他铸造了以自己名字命名的金币“腓力金币”，不仅组建了一支引人注目的雇佣军，还以此诱使许多希腊人背叛了自己的祖国。
ἀλλὰ περὶ μὲν τούτων αἱ κατὰ μέρος πράξεις ἕκαστα δηλώσουσιν, ἡμεῖς δʼ ἐπὶ τὰς συνεχεῖς πράξεις μεταβιβάσομεν τὸν λόγον.
然而，关于这些事情，具体的行动将会逐一阐明，而我们将把论述转移到接下来的连续事件上。