§14.91.1οἱ δὲ τὴν Ἰταλίαν κατοικοῦντες Ἕλληνες ἑώρων μὲν μέχρι τῆς ἑαυτῶν χώρας προβαίνουσαν τὴν Διονυσίου πλεονεξίαν, συμμαχίαν δὲ πρὸς ἀλλήλους ἐποιήσαντο καὶ συνέδριον ἐγκατεσκεύαζον.
居住在意大利的希腊人看到狄奥尼修斯的贪欲已经逼近他们自己的领土，于是他们彼此结成同盟，并设立了一个共同议会。
ἤλπιζον γὰρ τὸν Διονύσιον ῥᾳδίως ἀμυνεῖσθαι καὶ τοῖς παροικοῦσι Λευκανῶν ἀντιτάξεσθαι· καὶ γὰρ οὗτοι τότε διεπολέμουν πρὸς αὐτούς.
因为他们希望能够轻易击退狄奥尼修斯，并对抗邻近的卢卡尼亚人；因为后者当时也正在与他们交战。
§14.91.2οἱ δὲ τὸ Λέχαιον τῆς Κορινθίας κατέχοντες φυγάδες νυκτὸς ὑπό τινων εἰσαχθέντες ἐνεχείρησαν μὲν καταλαμβάνειν τὰ τείχη, τῶν δὲ μετʼ Ἰφικράτους ἐκβοηθησάντων τριακοσίους ἐξ αὑτῶν ἀποβαλόντες ἔφυγον ἐπὶ τὸν ναύσταθμον.
另一方面，占领科林斯领地内莱哈翁的流亡者，在夜间由某些人引入，企图夺取城墙，但当伊菲克拉特斯率军前来救援时，他们损失了己方的三百人，并逃往军港。
μετὰ δέ τινας ἡμέρας τῶν Λακεδαιμονίων μέρος τῆς στρατιᾶς διῄει διὰ τῆς Κορινθίας χώρας, οἷς Ἰφικράτης καί τινες τῶν ἐν Κορίνθῳ συμμάχων ἐπιπεσόντες τοὺς πλείστους ἀνεῖλον.
几天后，拉刻代蒙人的一支军队穿过科林斯领地，伊菲克拉特斯和科林斯的一些盟友向他们发起伏击，消灭了其中的大部分人。
§14.91.3Ἰφικράτης δὲ μετὰ τῶν πελταστῶν ἐπὶ Φλιασίαν στρατεύσας, καὶ μάχην τοῖς ἐκ τῆς πόλεως συνάψας, τούτων μὲν πλείους τριακοσίων ἀπέκτεινε· μετὰ δὲ ταῦτα ἐπὶ Σικυῶνα αὐτοῦ πορευθέντος, οἱ Σικυώνιοι παραταξάμενοι πρὸ τῶν τειχῶν ἀπέβαλον περὶ πεντακοσίους καὶ συνέφυγον εἰς τὴν πόλιν.
伊菲克拉特斯率领轻盾兵进军弗利亚西亚，与城里出来的居民交战，杀死了其中三百多人；此后，当他向西锡安进军时，西锡安人在城墙前列阵迎战，损失了约五百人，并一同逃回城内。