§14.91.1οἱ δὲ τὴν Ἰταλίαν κατοικοῦντες Ἕλληνες ἑώρων μὲν μέχρι τῆς ἑαυτῶν χώρας προβαίνουσαν τὴν Διονυσίου πλεονεξίαν, συμμαχίαν δὲ πρὸς ἀλλήλους ἐποιήσαντο καὶ συνέδριον ἐγκατεσκεύαζον.
이탈리아에 거주하는 그리스인들은 디오뉘시오스의 탐욕이 자신들의 영토까지 뻗어오는 것을 보았고, 서로 동맹을 맺고 공동 의회를 구성했다.
ἤλπιζον γὰρ τὸν Διονύσιον ῥᾳδίως ἀμυνεῖσθαι καὶ τοῖς παροικοῦσι Λευκανῶν ἀντιτάξεσθαι·
왜냐하면 그들은 디오뉘시오스를 쉽게 물리치고, 인접한 루카니아인들에게도 맞설 수 있기를 바랐기 때문이다.
καὶ γὰρ οὗτοι τότε διεπολέμουν πρὸς αὐτούς.
실제로 이들 또한 당시 그들과 전쟁을 벌이고 있었다.
§14.91.2οἱ δὲ τὸ Λέχαιον τῆς Κορινθίας κατέχοντες φυγάδες νυκτὸς ὑπό τινων εἰσαχθέντες ἐνεχείρησαν μὲν καταλαμβάνειν τὰ τείχη, τῶν δὲ μετʼ Ἰφικράτους ἐκβοηθησάντων τριακοσίους ἐξ αὑτῶν ἀποβαλόντες ἔφυγον ἐπὶ τὸν ναύσταθμον.
한편, 코린토스 영토의 레카이온을 점거하고 있던 망명자들은 밤중에 일부 사람들에 의해 인도되어 성벽을 장악하려 시도했으나, 이피크라테스가 이끄는 군대가 구하러 오자 자신들 중 300명을 잃고 군항으로 도망쳤다.
μετὰ δέ τινας ἡμέρας τῶν Λακεδαιμονίων μέρος τῆς στρατιᾶς διῄει διὰ τῆς Κορινθίας χώρας, οἷς Ἰφικράτης καί τινες τῶν ἐν Κορίνθῳ συμμάχων ἐπιπεσόντες τοὺς πλείστους ἀνεῖλον.
며칠 후 라케다이몬인 군대의 일부가 코린토스 영토를 통과하고 있었는데, 이피크라테스와 코린토스의 동맹국 중 일부가 그들을 습격하여 대부분을 사살했다.
§14.91.3Ἰφικράτης δὲ μετὰ τῶν πελταστῶν ἐπὶ Φλιασίαν στρατεύσας, καὶ μάχην τοῖς ἐκ τῆς πόλεως συνάψας, τούτων μὲν πλείους τριακοσίων ἀπέκτεινε·
이피크라테스는 펠타스트들을 이끌고 플리아시아로 원정하여 성에서 나온 자들과 전투를 벌여 그들 중 300명 이상을 죽였다.
μετὰ δὲ ταῦτα ἐπὶ Σικυῶνα αὐτοῦ πορευθέντος, οἱ Σικυώνιοι παραταξάμενοι πρὸ τῶν τειχῶν ἀπέβαλον περὶ πεντακοσίους καὶ συνέφυγον εἰς τὴν πόλιν.
그 후 그가 시키온으로 진격하자, 시키온인들은 성벽 앞에 전열을 가다듬고 맞섰으나 약 500명을 잃고 성안으로 모두 도망쳤다.