§14.9.1τούτων δὲ πραχθέντων οἱ μὲν Συρακόσιοι τὴν ἐξουσίαν δόντες τῷ τυράννῳ μετὰ πέντε νεῶν ἀποπλεῖν, ῥᾳθυμότεροι καθειστήκεσαν, καὶ τοὺς μὲν ἱππεῖς ἀπέλυσαν οὐδὲν χρησίμους ὄντας πρὸς τὴν πολιορκίαν, τῶν δὲ πεζῶν οἱ πλεῖστοι κατὰ τὴν χώραν ἐξῄεσαν ὡς ἤδη καταλελυμένης τῆς τυραννίδος.
这些事情做完之后，叙拉古人因为准许了僭主携带五艘船只驶离，便完全麻痹大意起来，他们解散了对围城战毫无用处的骑兵，而大部分步兵则前往领地各处，仿佛僭主统治已经土崩瓦解。
§14.9.2οἱ δὲ Καμπανοὶ ταῖς ἐπαγγελίαις μετεωρισθέντες τὸ μὲν πρῶτον ἐπʼ Ἀγύριον παρεγενήθησαν· ἐκεῖ δὲ τὴν ἀποσκευὴν Ἄγυρι παραθέμενοι τῷ δυναστεύοντι τῆς πόλεως ἐξώρμησαν ἐπὶ Συρακούσας εὔζωνοι, τὸν ἀριθμὸν ὄντες ἱππεῖς χίλιοι διακόσιοι.
另一方面，坎帕尼亚人受到诺言的鼓舞，起初来到了阿吉里乌姆；他们在那里将行装寄存在该城的统治者阿吉里斯处，便轻装向叙拉古进发，人数为一千二百名骑兵。
§14.9.3ταχὺ δὲ διανύσαντες τὴν ὁδὸν ἀπροσδοκήτως ἐπεφάνησαν τοῖς Συρακοσίοις, καὶ πολλοὺς αὐτῶν ἀνελόντες εἰσεβιάσαντο πρὸς τὸν Διονύσιον.
他们迅速赶完了路程，出乎意料地出现在叙拉古人面前，并在杀死了许多叙拉古人之后，强行突围到狄奥尼修斯身边。
κατέπλευσαν δὲ καὶ τριακόσιοι μισθοφόροι τῷ τυράννῳ κατὰ τὸν αὐτὸν καιρόν, ὥστε αὐτὸν ἀνακῦψαι ταῖς ἐλπίσιν.
与此同时，还有三百名雇佣兵乘船来到僭主这里，使他重新燃起了希望。
§14.9.4οἱ δὲ Συρακόσιοι πάλιν τῆς δυναστείας ἰσχυροποιουμένης ἐστασίασαν πρὸς ἀλλήλους, τῶν μὲν ἀποφαινομένων μένειν καὶ πολιορκεῖν, τῶν δὲ λύειν τὸ στρατόπεδον καὶ τὴν πόλιν ἐκλιπεῖν.
而叙拉古人眼见僭主的政权再次巩固，内部又发生了内讧，一些人主张留下来继续包围，另一些人则主张撤除营地、放弃该城。
§14.9.5ἃ δὴ συνιδὼν ὁ Διονύσιος ἐξήγαγεν ἐπʼ αὐτοὺς τὴν δύναμιν, καὶ τεταραγμένοις ἐπιπεσὼν ῥᾳδίως ἐτρέψατο περὶ τὴν Νέαν πόλιν καλουμένην.
狄奥尼修斯察觉到这一点，便率军出击迎战他们，并趁着他们混乱之际发起进攻，在被称为“新城”的地方轻易击溃了他们。
ἀνῃρέθησαν μὲν οὖν οὐ πολλοί· παριππεύων γὰρ ὁ Διονύσιος ἐκώλυσε φονεύειν τοὺς φεύγοντας·
被杀的人并不多；因为狄奥尼修斯骑马并进，阻止了对逃跑者的杀戮。
οἱ δὲ Συρακόσιοι παραχρῆμα μὲν κατὰ τὴν χώραν ἐσκεδάσθησαν, μετʼ ὀλίγον δὲ πρὸς τοὺς ἱππεῖς εἰς Αἴτνην ἠθροίσθησαν ὑπὲρ τοὺς ἑπτακισχιλίους.
叙拉古人虽然立时四散在领地各处，但不久之后便在埃特纳与骑兵会合，人数超过了七千人。
§14.9.6Διονύσιος δὲ τοὺς πεσόντας τῶν Συρακοσίων θάψας ἀπέστειλε πρέσβεις εἰς Αἴτνην, ἀξιῶν τοὺς φυγάδας διαλύεσθαι καὶ τὴν πατρίδα κατοικεῖν, διδοὺς πίστιν μὴ μνησικακήσειν αὐτοῖς.
狄奥尼修斯在埋葬了战死的叙拉古人之后，向埃特纳派遣了使节，要求流亡者们达成和解并重返祖国居住，并向他们保证绝不记仇。
§14.9.7τινὲς μὲν οὖν τέκνα καὶ γυναῖκας ἀπολελοιπότες ἠναγκάσθησαν πεισθῆναι τοῖς παρακαλουμένοις· οἱ δὲ λοιποί, προφερομένων τῶν πρεσβευτῶν τὴν τοῦ Διονυσίου περὶ τὴν ταφὴν τῶν πεσόντων εὐεργεσίαν, ἔφασαν αὐτὸν ἄξιον εἶναι τυχεῖν τῆς ὁμοίας χάριτος, καὶ τοῖς θεοῖς ηὔχοντο τὴν ταχίστην αὐτὸν ἐπιδεῖν ταύτης τυγχάνοντα.
于是，一些留下了妻子儿女的人被迫听从了劝告；但其余的人，当使节们提到狄奥尼修斯在埋葬战死者方面的善举时，却说他配得上获得同样的“恩惠”，并向神明祈祷，希望尽早看到他获得这一待遇。
§14.9.8οὗτοι μὲν οὖν οὐδενὶ τρόπῳ βουληθέντες πιστεῦσαι τῷ τυράννῳ κατέμειναν ἐν Αἴτνῃ, καιρὸν ἐπιτηροῦντες κατʼ αὐτοῦ· Διονύσιος δὲ τοῖς μὲν κατελθοῦσι φυγάσι φιλανθρώπως ἐχρήσατο, βουλόμενος καὶ τοὺς ἄλλους προτρέψασθαι κατελθεῖν εἰς τὴν πατρίδα, τοὺς δὲ Καμπανοὺς ταῖς καθηκούσαις δωρεαῖς τιμήσας ἐξαπέστειλεν ἐκ τῆς πόλεως, ὑφορώμενος αὐτῶν τὴν ἀβεβαιότητα.
因此，这些人绝不愿信任僭主，留在了埃特纳，伺机对付他；而狄奥尼修斯则友善地对待那些返回的流亡者，意图以此促使其他人也返回祖国，并用适当的礼物酬谢了坎帕尼亚人，然后将他们打发离开该城，因为他警惕他们反复无常的性格。
§14.9.9οἳ πορευθέντες εἰς Ἔντελλαν, καὶ πείσαντες τοὺς ἐν τῇ πόλει λαβεῖν ἑαυτοὺς συνοίκους, νυκτὸς ἐπιθέμενοι τοὺς μὲν ἡβῶντας ἀπέσφαξαν, τὰς δὲ γυναῖκας τῶν παρασπονδηθέντων γήμαντες κατέσχον τὴν πόλιν.
这些人前往恩特拉，说服城内的居民接纳他们共同居住，却在夜间发起袭击，屠杀了城内的青年男子，娶了被背叛者的妻子，占领了该城。