§14.76.1οὕτως μὲν οὖν τοῖς Καρχηδονίοις ἡ τύχη ταχεῖαν τὴν μεταβολὴν ἐποίησε, καὶ πᾶσιν ἀνθρώποις ἔδειξεν, ὡς οἱ μεῖζον τοῦ καθήκοντος ἐπαιρόμενοι ταχέως ἐξελέγχουσι τὴν ἰδίαν ἀσθένειαν.
这样，命运给迦太基人带来了迅速的逆转，并向全人类表明，那些超越本分而自命不凡的人，会多么迅速地暴露自身的软弱。
§14.76.2ἐκεῖνοι γὰρ τῶν κατὰ Σικελίαν πόλεων σχεδὸν ἁπασῶν πλὴν Συρακουσῶν κρατοῦντες, καὶ ταύτην ἁλώσεσθαι προσδοκῶντες, ἐξαίφνης ὑπὲρ τῆς ἰδίας πατρίδος ἀγωνιᾶν ἠναγκάσθησαν, καὶ τοὺς τάφους τῶν Συρακοσίων ἀνατρέψαντες πεντεκαίδεκα μυριάδας ἐπεῖδον ἀτάφους διὰ τὸν λοιμὸν σεσωρευμένους, πυρπολήσαντες δὲ τὴν χώραν τῶν Συρακοσίων ἐκ μεταβολῆς εὐθὺς εἶδον τὸν ἴδιον στόλον ἐμπυρισθέντα, εἰς δὲ τὸν λιμένα πάσῃ τῇ δυνάμει καταπλέοντες ὑπερηφάνως, καὶ τοῖς Συρακοσίοις ἐπιδεικνύμενοι τὰς ἑαυτῶν εὐτυχίας, ἠγνόουν ἑαυτοὺς μέλλοντας νυκτὸς ἀποδράσεσθαι καὶ τοὺς συμμάχους ἐκδότους καταλιπεῖν τοῖς πολεμίοις.
因为，尽管他们统治了除叙拉古之外的几乎所有西西里城市，并预料叙拉古也会被攻陷，却突然被迫为自己祖国的存亡而挣扎；他们破坏了叙拉古人的坟墓，却目睹了十五万人因瘟疫而堆积如山、无人埋葬；他们烧毁了叙拉古人的土地，却随之一转，立刻看到自己的舰队被付之一炬；他们曾率领全军傲慢地驶入港口，向叙拉古人炫耀自己的幸运，却完全不知道自己即将在夜间逃跑，并将盟友抛弃给敌人。
§14.76.3αὐτὸς δὲ ὁ στρατηγὸς ὁ ποιησάμενος σκηνὴν μὲν τὸ τοῦ Διὸς ἱερόν, πρόσοδον δὲ τὸν ἐκ τῶν ἱερῶν συληθέντα πλοῦτον, αἰσχρῶς μετʼ ὀλίγων εἰς Καρχηδόνα διέφυγεν, ὅπως μὴ τὸν ὀφειλόμενον τῇ φύσει θάνατον ἀποδοὺς ἀθῷος γένηται τῶν ἀσεβημάτων, ἀλλʼ ἐν τῇ πατρίδι περιβόητον ἔχῃ τὸν βίον ὑπὸ πάντων ὀνειδιζόμενος.
而那位将宙斯神殿当作自己的帐篷、将从各神殿掠夺来的财富当作自己收入的将军本人，仅带着少数人可耻地逃回了迦太基，这是为了不让他通过偿还对自然所欠的死亡而免于对不敬神之罪的惩罚，而是让他在祖国过着臭名昭著的生活，受到所有人的指责。
§14.76.4εἰς τοσοῦτο δʼ ἦλθεν ἀτυχίας, ὥστε μετὰ τῆς εὐτελεστάτης ἐσθῆτος περιῄει τοὺς κατὰ τὴν πόλιν ναοὺς κατηγορῶν τῆς ἰδίας ἀσεβείας καὶ περὶ τῶν εἰς θεοὺς ἁμαρτημάτων ὁμολογουμένην διδοὺς τιμωρίαν τῷ δαιμονίῳ.
他陷入了如此不幸的境地，以至于穿着最粗劣的衣服巡游城中的各处神殿，控诉自己的不敬，并为对神明所犯下的罪行向神灵付出公认的惩罚。
τὸ δὲ τέλος ἑαυτοῦ καταγνοὺς θάνατον ἀπεκαρτέρησε, πολλὴν τοῖς πολίταις ἀπολιπὼν δεισιδαιμονίαν· εὐθὺ γὰρ καὶ τἄλλα τὰ πρὸς τὸν πόλεμον αὐτοῖς ἡ τύχη συνήθροισεν.
最后，他对自己判处死刑，绝食而死，给公民们留下了对神明极大的敬畏；因为命运立刻也为他们堆积了其他有关战争的灾难。