§14.5.1παρελθόντων δὲ τῶν ὑπηρετῶν καὶ ἀποσπώντων αὐτόν, ὁ μὲν Θηραμένης ἔφερε γενναίως τὴν ἀτυχίαν, ἅτε καὶ φιλοσοφίας ἐπὶ πλεῖον μετεσχηκὼς παρὰ Σωκράτει, τὸ δὲ λοιπὸν πλῆθος ἠλέει δυστυχοῦντα τὸν Θηραμένη, οὐ μὴν ἐτόλμα βοηθεῖν, περιεστώτων πολλῶν μετὰ ὅπλων.
当仆役们上前并将他拉走时，塞拉门尼斯高尚地忍受了他的不幸，因为他也曾在苏格拉底门下较深地参与了哲学；而其余的民众虽然同情不幸的塞拉门尼斯，但由于周围站着许多手持武器的人，他们并不敢上前相助。
§14.5.2Σωκράτης δὲ ὁ φιλόσοφος καὶ δύο τῶν οἰκείων προσδραμόντες ἐνεχείρουν κωλύειν τοὺς ὑπηρέτας.
然而，哲学家苏格拉底和他的两位亲信跑上前去，企图制止那些仆役。
ὁ δὲ Θηραμένης ἠξίου μηδὲν τούτων πράττειν· τὴν μὲν γὰρ φιλίαν καὶ τὴν ἀνδρείαν ἔφησεν αὐτῶν ἐπαινεῖν, ἑαυτῷ δὲ μεγίστην συμφορὰν ἔσεσθαι, εἰ τοῖς οὕτως οἰκείως διακειμένοις αἴτιος ἔσται θανάτου.
但塞拉门尼斯请求他们不要这样做；因为他说，他赞赏他们的友谊和勇气，但如果他成为这些对我如此亲善的人死去的起因，那对我将是最大的不幸。
§14.5.3οἱ δὲ περὶ τὸν Σωκράτην, τῶν μὲν ἄλλων οὐδένα βοηθὸν ἔχοντες, τὴν δὲ τῶν ὑπερεχόντων ἀνάτασιν ὁρῶντες αὐξανομένην, ἡσυχίαν ἔσχον.
苏格拉底及其同伴因为没有其他帮手，又看到掌权者的威胁与日俱增，便保持了沉默。
καὶ Θηραμένην μὲν ἀπὸ τῶν βωμῶν ἀποσπάσαντες οἷς ἦν προστεταγμένον, διὰ μέσης τῆς ἀγορᾶς εἵλκυσαν ἐπὶ τὸν θάνατον·
而那些接到命令的人则将塞拉门尼斯从神坛上拉下来，穿过广场中央，拉去处死。
§14.5.4οἱ δὲ πολλοὶ τὰ τῆς φρουρᾶς ὅπλα καταπεπληγμένοι συνήλγουν τῷ δυστυχοῦντι, καὶ τήν τε ἐκείνου συμφορὰν ἅμα καὶ τὴν περὶ σφᾶς δουλείαν ἐδάκρυον· τῶν γὰρ ταπεινῶν ἕκαστοι τὴν Θηραμένους ἀρετὴν θεωροῦντες οὕτω προπηλακιζομένην, τὴν περὶ αὑτοὺς ἀσθένειαν οὐδενὶ λόγῳ παραναλωθήσεσθαι διειλήφεισαν.
另一方面，大多数人因惧怕守备队的武力，同情这位不幸的人，并为他的不幸以及他们自己即将面临的奴役而落泪；因为卑微之人中的每一个看到塞拉门尼斯的德行如此受到践踏，便认定他们自己的软弱无力将在毫无道理的情况下被白白牺牲。
§14.5.5μετὰ δὲ τὸν τούτου θάνατον οἱ τριάκοντα τοὺς πλουσίους ἐπιλεγόμενοι, τούτοις ψευδεῖς αἰτίας ἐπερρίπτουν, καὶ φονεύοντες τὰς οὐσίας διήρπαζον.
在他死后，三十人筛选出富人，向他们横加莫须有的罪名，并在杀害他们后强夺其财产。
ἀνεῖλον δὲ καὶ Νικήρατον τὸν Νικίου τοῦ στρατηγήσαντος ἐπὶ Συρακοσίους υἱόν, ἄνδρα πρὸς ἅπαντας ἐπιεικῆ καὶ φιλάνθρωπον, πλούτῳ δὲ καὶ δόξῃ σχεδὸν πρῶτον πάντων Ἀθηναίων· §14.5.6διὸ καὶ συνέβη πᾶσαν οἰκίαν συναλγῆσαι τῇ τἀνδρὸς τελευτῇ, τῆς διὰ τὴν ἐπιείκειαν μνήμης προαγούσης εἰς δάκρυα.
他们还杀害了尼客拉托斯，即曾在对叙拉古战争中担任将军的尼基阿斯之子，他是一个对所有人都温和且仁慈的人，在财富和声望上几乎是所有雅典人中的第一人；因此，家家户户都为这人的死共同哀悼，对其温和的记忆驱使人们落泪。
οὐ μὴν ἔληγόν γε τῆς παρανομίας οἱ τύραννοι, πολὺ δὲ μᾶλλον ἐπίτασιν λαμβανούσης τῆς ἀπονοίας τῶν μὲν ξένων τοὺς πλουσιωτάτους ἑξήκοντα κατέσφαξαν, ὅπως τῶν χρημάτων κυριεύσωσι, τῶν δὲ πολιτῶν καθʼ ἡμέραν ἀναιρουμένων οἱ τοῖς βίοις εὐπορούμενοι σχεδὸν ἅπαντες ἔφυγον ἐκ τῆς πόλεως.
然而，僭主们并未停止违法行径，随着他们的狂妄更加变本加厉，他们屠杀了在留外国人中最富有的六十人，以便夺取他们的钱财；随着公民每天被杀戮，家境富裕的人几乎全都逃离了城邦。
§14.5.7ἀνεῖλον δὲ καὶ Αὐτόλυκον, ἄνδρα παρρησιαστήν, καὶ καθόλου τοὺς χαριεστάτους ἐπέλεγον.
他们还杀害了直言不讳的奥托吕科斯，并普遍挑选最优秀的人杀害。
ἐπὶ τοσοῦτο δὲ κατέφθειραν τὴν πόλιν, ὥστε φυγεῖν τοὺς Ἀθηναίους πλείους τῶν ἡμίσεων.
他们将城邦破坏到如此程度，以至于超过半数的雅典人逃亡。