§14.5.1παρελθόντων δὲ τῶν ὑπηρετῶν καὶ ἀποσπώντων αὐτόν, ὁ μὲν Θηραμένης ἔφερε γενναίως τὴν ἀτυχίαν, ἅτε καὶ φιλοσοφίας ἐπὶ πλεῖον μετεσχηκὼς παρὰ Σωκράτει, τὸ δὲ λοιπὸν πλῆθος ἠλέει δυστυχοῦντα τὸν Θηραμένη, οὐ μὴν ἐτόλμα βοηθεῖν, περιεστώτων πολλῶν μετὰ ὅπλων.
部下たちが進み出て彼を引き離そうとしたとき、テラメネスは、ソクラテスの下で哲学をより深く学んでいたこともあって、自らの不幸を気高く耐え忍んだが、残りの大衆は不運なテラメネスに同情したものの、多くの者が武器を持って周囲を取り囲んでいたため、あえて助けようとはしなかった。
§14.5.2Σωκράτης δὲ ὁ φιλόσοφος καὶ δύο τῶν οἰκείων προσδραμόντες ἐνεχείρουν κωλύειν τοὺς ὑπηρέτας.
しかし、哲学者のソクラテスと彼の親しい者二人が駆け寄って、部下たちを制止しようと試みた。
ὁ δὲ Θηραμένης ἠξίου μηδὲν τούτων πράττειν·
しかしテラメネスは、彼らにそのようなことは何も行わないように求めた。
τὴν μὲν γὰρ φιλίαν καὶ τὴν ἀνδρείαν ἔφησεν αὐτῶν ἐπαινεῖν, ἑαυτῷ δὲ μεγίστην συμφορὰν ἔσεσθαι, εἰ τοῖς οὕτως οἰκείως διακειμένοις αἴτιος ἔσται θανάτου.
というのも、彼は彼らの友情と勇気を称賛すると言い、自分に対してこれほど親密に接してくれる人々に対して、自分がその死の原因となるならば、それは自分にとって最大の不幸となるだろうと言ったからである。
§14.5.3οἱ δὲ περὶ τὸν Σωκράτην, τῶν μὲν ἄλλων οὐδένα βοηθὸν ἔχοντες, τὴν δὲ τῶν ὑπερεχόντων ἀνάτασιν ὁρῶντες αὐξανομένην, ἡσυχίαν ἔσχον.
ソクラテスとその仲間たちは、他には誰も助け手を持たず、また権力者たちの脅威が増大するのを見て、引き下がった。
καὶ Θηραμένην μὲν ἀπὸ τῶν βωμῶν ἀποσπάσαντες οἷς ἦν προστεταγμένον, διὰ μέσης τῆς ἀγορᾶς εἵλκυσαν ἐπὶ τὸν θάνατον·
そして、命令を下されていた者たちが、祭壇からテラメネスを引き剥がし、広場の真ん中を通って死刑へと引きずっていった。
§14.5.4οἱ δὲ πολλοὶ τὰ τῆς φρουρᾶς ὅπλα καταπεπληγμένοι συνήλγουν τῷ δυστυχοῦντι, καὶ τήν τε ἐκείνου συμφορὰν ἅμα καὶ τὴν περὶ σφᾶς δουλείαν ἐδάκρυον·
他方、多くの人々は守備隊の武力に恐怖を感じながらも、不運な彼に同情し、彼の不幸と、同時に自分たちに及ぶ隷属を涙して嘆いた。
τῶν γὰρ ταπεινῶν ἕκαστοι τὴν Θηραμένους ἀρετὴν θεωροῦντες οὕτω προπηλακιζομένην, τὴν περὶ αὑτοὺς ἀσθένειαν οὐδενὶ λόγῳ παραναλωθήσεσθαι διειλήφεισαν.
というのも、地位の低い人々のそれぞれが、テラメネスの美徳がこのように踏みにじられるのを見て、自分たちの無力さなど、何の大した理由もなく無駄に犠牲にされてしまうだろうと考えたからである。
§14.5.5μετὰ δὲ τὸν τούτου θάνατον οἱ τριάκοντα τοὺς πλουσίους ἐπιλεγόμενοι, τούτοις ψευδεῖς αἰτίας ἐπερρίπτουν, καὶ φονεύοντες τὰς οὐσίας διήρπαζον.
彼の死の後、三十人は富裕な人々を選び出し、彼らに虚偽の罪状を浴びせ、殺害してはその財産を強奪した。
ἀνεῖλον δὲ καὶ Νικήρατον τὸν Νικίου τοῦ στρατηγήσαντος ἐπὶ Συρακοσίους υἱόν, ἄνδρα πρὸς ἅπαντας ἐπιεικῆ καὶ φιλάνθρωπον, πλούτῳ δὲ καὶ δόξῃ σχεδὸν πρῶτον πάντων Ἀθηναίων·
彼らはまた、シラクサ遠征で将軍を務めたニキアスの息子ニケラトスをも殺害した。 彼はすべての人に対して温厚で親切な人物であり、富と名声においてすべてのアテナイ人のうちでほぼ第一人者であった。
§14.5.6διὸ καὶ συνέβη πᾶσαν οἰκίαν συναλγῆσαι τῇ τἀνδρὸς τελευτῇ, τῆς διὰ τὴν ἐπιείκειαν μνήμης προαγούσης εἰς δάκρυα.
そのため、すべての家がこの男の死をともに悲しむことになり、彼の温厚さに対する記憶が人々を涙へと駆り立てた。
οὐ μὴν ἔληγόν γε τῆς παρανομίας οἱ τύραννοι, πολὺ δὲ μᾶλλον ἐπίτασιν λαμβανούσης τῆς ἀπονοίας τῶν μὲν ξένων τοὺς πλουσιωτάτους ἑξήκοντα κατέσφαξαν, ὅπως τῶν χρημάτων κυριεύσωσι, τῶν δὲ πολιτῶν καθʼ ἡμέραν ἀναιρουμένων οἱ τοῖς βίοις εὐπορούμενοι σχεδὸν ἅπαντες ἔφυγον ἐκ τῆς πόλεως.
しかしながら、僭主たちは違法行為を止めず、彼らの狂気（無謀さ）がますます激しさを増すなかで、金品を手に入れるために、在留外国人のうち最も富裕な六十人を虐殺した。 そして市民たちが日々殺害されていくなかで、資力のある人々はほぼ全員が市から亡命した。
§14.5.7ἀνεῖλον δὲ καὶ Αὐτόλυκον, ἄνδρα παρρησιαστήν, καὶ καθόλου τοὺς χαριεστάτους ἐπέλεγον.
彼らはまた、直言の士であったアウトリュコスをも殺害し、全体として最も優れた人々を選び出して（殺害して）いった。
ἐπὶ τοσοῦτο δὲ κατέφθειραν τὴν πόλιν, ὥστε φυγεῖν τοὺς Ἀθηναίους πλείους τῶν ἡμίσεων.
そして彼らは市をあまりにも荒廃させたので、アテナイ人の半分以上が亡命するに至った。