§13.84.1οὐ μόνον δὲ περὶ τὸν Τελλίαν συνέβαινεν εἶναι τοῦ πλούτου μεγαλοπρέπειαν, ἀλλὰ καὶ περὶ πολλοὺς ἄλλους Ἀκραγαντίνους.
然而，财富的奢华不仅存在于泰利亚斯身上，也存在于许多其他阿克拉加斯人身上。
Ἀντισθένης γοῦν ὁ ἐπικαλούμενος Ῥόδος γάμους ἐπιτελῶν τῆς θυγατρὸς εἱστίασε τοὺς πολίτας ἐπὶ τῶν στενωπῶν ὧν ᾤκουν ἕκαστοι, καὶ ζεύγη τῇ νύμφῃ συνηκολούθησε πλείω τῶν ὀκτακοσίων· πρὸς δὲ τούτοις οὐ μόνον οἱ κατʼ αὐτὴν τὴν πόλιν ἱππεῖς, ἀλλὰ καὶ τῶν ἀστυγειτόνων πολλοὶ κληθέντες ἐπὶ τὸν γάμον συμπροέπεμψαν τὴν νύμφην.
例如，被称为“罗多斯”的安提斯泰尼在为女儿操办婚礼时，在市民各自居住的街道上款待了他们，陪伴新娘的车仗多达八百余辆；此外，不仅城里的骑兵，还有许多被邀请参加婚礼的邻近居民也一同送行新娘。
§13.84.2περιττότατον δέ φασι γενέσθαι τὸ περὶ τὴν τοῦ φωτὸς κατασκευήν·
据说关于照明的准备是最为奇特的。
τούς τε γὰρ βωμοὺς τοὺς ἐν πᾶσι τοῖς ἱεροῖς καὶ τοὺς ἐν τοῖς στενωποῖς καθʼ ὅλην τὴν πόλιν ἐπλήρωσε ξύλων, καὶ τοῖς ἐπὶ τῶν ἐργαστηρίων ἔδωκε σχίδακας καὶ κληματίδας, παραγγείλας, ὅταν ἀπὸ τῆς ἀκροπόλεως ἀναφθῇ πῦρ, ἅπαντας ἐπιτελεῖν τὸ παραπλήσιον·
因为他把全城所有神殿里的祭坛以及街道上的祭坛都堆满了木柴，并向作坊里的人分发了碎木和柴枝，吩咐他们一旦阿克罗波利斯点燃火光，所有人都要照样做。
§13.84.3ὧν ποιησάντων τὸ προσταχθέν, καθʼ ὃν καιρὸν ἤγετο ἡ νύμφη, προηγουμένων πολλῶν τῶν τὰς δᾷδας φερόντων, ἡ μὲν πόλις ἔγεμε φωτός, τὸ δὲ συνακολουθοῦν πλῆθος οὐκ ἐχώρουν αἱ δημόσιαι κατὰ τὸ ἑξῆς ὁδοί, πάντων συμφιλοτιμουμένων τῇ τἀνδρὸς μεγαλοπρεπείᾳ.
当他们执行了命令，在新娘被迎娶之时，在许多手持火炬的人在前引导下，全城充满了光亮，而后随的群众之多，以至于公共街道也无法依次容纳，因为人人都竞相为这男子的奢华增光添彩。
κατʼ ἐκεῖνον γὰρ τὸν χρόνον Ἀκραγαντῖνοι μὲν ἦσαν πλείους τῶν δισμυρίων, σὺν δὲ τοῖς κατοικοῦσι ξένοις οὐκ ἐλάττους τῶν εἴκοσι μυριάδων.
因为在那个时候，阿克拉加斯市民超过二万人，算上居住在那里的外邦人则不少于二十万人。
§13.84.4φασὶ δὲ τὸν Ἀντισθένην, ἐπειδὴ τὸν υἱὸν ἑώρα πολεμοῦντά τινα τῶν ἀγρογειτόνων πένητα καὶ βιαζόμενον ἑαυτῷ τὸ ἀγρίδιον πωλῆσαι, μέχρι μέν τινος ἐπιπλήττειν, τῆς δʼ ἐπιθυμίας ἐπίτασιν λαμβανούσης, φῆσαι δεῖν μὴ σπεύδειν πῶς ἄπορον ποιήσῃ τὸν γείτονα, ἀλλὰ τοὐναντίον ὅπως πλούσιος ὑπάρχῃ·
据说，当安提斯泰尼看到儿子与一个贫穷的邻居争吵，并强迫其将一小块田地卖给自己时，起初还责备他，但随着儿子的欲望愈发强烈，他便对儿子说，不应该急于让邻居变得贫困，反而应该让他变得富有。
οὕτως γὰρ αὐτὸν ἐπιθυμήσειν μὲν ἀγροῦ μείζονος, οὐ δυνάμενον δὲ παρὰ τοῦ γείτονος προσαγοράσαι τὸν ὑπάρχοντα πωλήσειν.
因为这样一来，邻居就会渴望拥有更大的田地，而他又无法从邻居那里买到更多，于是就会卖掉现有的这块田地。
§13.84.5διὰ δὲ τὸ μέγεθος τῆς κατὰ τὴν πόλιν εὐπορίας τοσαύτην συνέβαινε τρυφὴν εἶναι παρὰ τοῖς Ἀκραγαντίνοις, ὥστε μετʼ ὀλίγον τῆς πολιορκίας γινομένης ποιῆσαι ψήφισμα περὶ τῶν ἐν τοῖς φυλακείοις διανυκτερευόντων, ὅπως μή τις ἔχῃ πλεῖον τύλης καὶ περιστρώματος καὶ κωδίου καὶ δυεῖν προσκεφαλαίων.
由于城中财富极其丰厚，阿克拉加斯人之间竟产生了如此奢侈的风气，以至于不久后发生围城战时，他们针对在哨所过夜的人通过了一项法令，规定任何人不得携带超过一张床垫、一张毯子、一张羊皮和两个枕头。
§13.84.6τοιαύτης δὲ τῆς σκληροτάτης στρωμνῆς ὑπαρχούσης, ἔξεστι λογίζεσθαι τὴν κατὰ τὸν λοιπὸν βίον τρυφήν.
既然如此之物对他们而言已是最为简陋的寝具，那么他们日常其他生活中的奢华便可想而知了。
περὶ μὲν οὖν τούτων οὔτε παραδραμεῖν ἠθελήσαμεν οὔτʼ ἐπὶ πλεῖον μακρολογεῖν, ἵνα μὴ τῶν ἀναγκαιοτέρων ἀποπίπτωμεν.
因此，关于这些事情，我们既不想忽略过去，也不想过于赘述，以免偏离了更为重要的主题。