§12.41.1αἰτίαι μὲν οὖν τοῦ Πελοποννησιακοῦ πολέμου τοιαῦταί τινες ὑπῆρξαν, ὡς Ἔφορος ἀνέγραψε.
如埃福罗斯所记，伯罗奔尼撒战争的起因大致如此。
τῶν δʼ ἡγουμένων πόλεων τοῦτον τὸν τρόπον εἰς πόλεμον ἐμπεσουσῶν, Λακεδαιμόνιοι μὲν μετὰ τῶν Πελοποννησίων συνεδρεύσαντες ἐψηφίσαντο πολεμεῖν τοῖς Ἀθηναίοις, καὶ πρὸς τὸν Περσῶν βασιλέα πρεσβεύσαντες παρεκάλουν συμμαχεῖν αὐτοῖς, καὶ τοὺς κατὰ τὴν Σικελίαν καὶ Ἰταλίαν συμμάχους διαπρεσβευσάμενοι διακοσίαις τριήρεσιν ἔπεισαν βοηθεῖν, §12.41.2αὐτοὶ δὲ μετὰ τῶν Πελοποννησίων τὰς πεζὰς δυνάμεις διατάξαντες καὶ τἄλλα τὰ πρὸς τὸν πόλεμον ἡτοιμασμένοι πρῶτοι τοῦ πολέμου κατήρξαντο.
当这些起领导作用的城邦以此种方式陷入战争时，斯巴达人与伯罗奔尼撒人举行会议，决定向雅典人开战；他们向波斯国王派遣使者，请求与其结盟，并向西西里和意大利的盟友派遣使者，说服他们派遣两百艘三段击船提供协助，而他们自己则与伯罗奔尼撒人一起部署了陆路兵力，并在做好其他战争准备后，最先开始了战争。
κατὰ γὰρ τὴν Βοιωτίαν ἡ τῶν Πλαταιέων πόλις αὐτόνομος ἦν καὶ συμμαχίαν εἶχε πρὸς Ἀθηναίους.
因为在波奥蒂亚，普拉塔亚人的城邦是自治的，并且与雅典人结有同盟。
§12.41.3ἐν ταύτῃ τῶν πολιτῶν τινες καταλῦσαι τὴν αὐτονομίαν βουλόμενοι διελέχθησαν τοῖς Βοιωτοῖς, ἐπαγγελλόμενοι τὴν πόλιν ὑπὸ τὴν τῶν Θηβαίων τάξειν συντέλειαν καὶ παραδώσειν αὐτοῖς τὰς Πλαταιάς, ἐὰν αὐτοὶ στρατιώτας πέμψωσι τοὺς βοηθοῦντας.
在这座城市中，一些市民企图破坏其自治，便与波奥蒂亚人接触，许诺只要波奥蒂亚人派遣兵力相助，就会将城市置于底比斯人的贡纳联盟之下，并将普拉塔亚移交给他们。
§12.41.4διὸ καὶ τῶν Βοιωτῶν ἀποστειλάντων στρατιώτας ἐπιλέκτους τριακοσίους νυκτός, οἱ προδόται τούτους παρεισαγαγόντες ἐντὸς τῶν τειχῶν κυρίους τῆς πόλεως ἐποίησαν.
因此，当波奥蒂亚人在夜间派遣了三百名精锐士兵时，叛徒们将他们引入城墙内，使他们成为了城市的控制者。
§12.41.5οἱ δὲ Πλαταιεῖς βουλόμενοι τὴν πρὸς Ἀθηναίους συμμαχίαν διαφυλάττειν, τὸ μὲν πρῶτον ὑπολαβόντες πανδημεὶ τοὺς Θηβαίους παρεῖναι, διεπρεσβεύσαντο πρὸς τοὺς κατειληφότας τὴν πόλιν καὶ παρεκάλουν συνθέσθαι σπονδάς· ὡς δʼ ἡ νὺξ παρῆλθε, κατανοήσαντες ὀλίγους ὄντας, συνεστράφησαν καὶ περὶ τῆς ἐλευθερίας ἐκθύμως ἠγωνίζοντο.
普拉塔亚人希望维持与雅典人的同盟，起初以为底比斯人是全军出动，便向占领城市的那些人派遣使者，请求达成停战协议；但当夜幕过去，他们意识到对方人数稀少，便集结起来，为自由而奋勇战斗。
§12.41.6γενομένης δὲ τῆς μάχης ἐν ταῖς ὁδοῖς, τὸ μὲν πρῶτον οἱ Θηβαῖοι διὰ τὰς ἀρετὰς προεῖχον καὶ πολλοὺς τῶν ἀνθισταμένων ἀνῄρουν· τῶν δʼ οἰκετῶν καὶ τῶν παίδων ἀπὸ τῶν οἰκιῶν βαλλόντων τὰς κεραμῖδας καὶ κατατιτρωσκόντων τοὺς Θηβαίους ἐτράπησαν· καὶ τινὲς μὲν αὐτῶν ἐκπεσόντες ἐκ τῆς πόλεως διεσώθησαν, τινὲς δὲ εἰς οἰκίαν τινὰ καταφυγόντες ἠναγκάσθησαν παραδοῦναι σφᾶς αὐτούς.
当战斗在街道上展开时，起初底比斯人凭借其英勇占据上风，杀死了许多抵抗者；但当奴隶和孩子们从屋顶上扔下瓦片，砸伤了底比斯人时，他们便开始溃退；他们中的一些人逃出城外得以幸免，另一些人逃入某间房屋，被迫投降。
§12.41.7οἱ δὲ Θηβαῖοι παρὰ τῶν ἐκ τῆς μάχης διασωθέντων πυθόμενοι τὰ συμβεβηκότα, παραχρῆμα πανδημεὶ κατὰ σπουδὴν ὥρμησαν.
底比斯人从那些在战斗中幸免于难的人那里得知了所发生的事，立即全军动员，急匆匆地出发了。
διὰ δὲ τὸ παράδοξον ἀνετοίμων ὄντων τῶν κατὰ τὴν χώραν, πολλοὶ μὲν ἀνῃρέθησαν, οὐκ ὀλίγοι δὲ ζῶντες συνελήφθησαν, ἅπασα δʼ ἡ χώρα ταραχῆς καὶ διαρπαγῆς ἔγεμεν.
由于事情出乎意料，乡间的人们毫无防备，许多人被杀，不少人被活捉，整个乡间充斥着混乱和掠夺。