§12.41.1αἰτίαι μὲν οὖν τοῦ Πελοποννησιακοῦ πολέμου τοιαῦταί τινες ὑπῆρξαν, ὡς Ἔφορος ἀνέγραψε.
에포로스가 기록한 바에 따르면, 펠로폰네소스 전쟁의 원인들은 대략 이와 같았다.
τῶν δʼ ἡγουμένων πόλεων τοῦτον τὸν τρόπον εἰς πόλεμον ἐμπεσουσῶν, Λακεδαιμόνιοι μὲν μετὰ τῶν Πελοποννησίων συνεδρεύσαντες ἐψηφίσαντο πολεμεῖν τοῖς Ἀθηναίοις, καὶ πρὸς τὸν Περσῶν βασιλέα πρεσβεύσαντες παρεκάλουν συμμαχεῖν αὐτοῖς, καὶ τοὺς κατὰ τὴν Σικελίαν καὶ Ἰταλίαν συμμάχους διαπρεσβευσάμενοι διακοσίαις τριήρεσιν ἔπεισαν βοηθεῖν,
주도적인 도시들이 이와 같은 방식으로 전쟁에 돌입하자, 라케다이몬인들은 펠로폰네소스인들과 회의를 열어 아테네인들과 전쟁을 벌이기로 결의하였고, 페르시아 왕에게 사절을 보내 자신들과 동맹을 맺을 것을 요청했으며, 시칠리아와 이탈리아의 동맹국들에도 사절을 보내 삼단노선 이백 척을 이끌고 지원해 주도록 설득했다.
§12.41.2αὐτοὶ δὲ μετὰ τῶν Πελοποννησίων τὰς πεζὰς δυνάμεις διατάξαντες καὶ τἄλλα τὰ πρὸς τὸν πόλεμον ἡτοιμασμένοι πρῶτοι τοῦ πολέμου κατήρξαντο.
한편 그들 자신은 펠로폰네소스인들과 함께 육상 병력을 배치하고 전쟁을 위한 다른 모든 준비를 마친 뒤, 전쟁의 첫발을 내디뎠다.
κατὰ γὰρ τὴν Βοιωτίαν ἡ τῶν Πλαταιέων πόλις αὐτόνομος ἦν καὶ συμμαχίαν εἶχε πρὸς Ἀθηναίους.
보이오티아 지방에서 플라타이아이인들의 도시는 자치적이었으며 아테네인들과 동맹을 맺고 있었기 때문이다.
§12.41.3ἐν ταύτῃ τῶν πολιτῶν τινες καταλῦσαι τὴν αὐτονομίαν βουλόμενοι διελέχθησαν τοῖς Βοιωτοῖς, ἐπαγγελλόμενοι τὴν πόλιν ὑπὸ τὴν τῶν Θηβαίων τάξειν συντέλειαν καὶ παραδώσειν αὐτοῖς τὰς Πλαταιάς, ἐὰν αὐτοὶ στρατιώτας πέμψωσι τοὺς βοηθοῦντας.
이 도시에서 시민들 중 일부가 자치를 무너뜨리고자 보이오티아인들과 교섭하였고, 만일 그들이 직접 지원할 군대를 보내 준다면 자신들의 도시를 테베인들의 공납 연합 하에 귀속시키고 플라타이아이를 그들에게 인도해 주겠다고 약속했다.
§12.41.4διὸ καὶ τῶν Βοιωτῶν ἀποστειλάντων στρατιώτας ἐπιλέκτους τριακοσίους νυκτός, οἱ προδόται τούτους παρεισαγαγόντες ἐντὸς τῶν τειχῶν κυρίους τῆς πόλεως ἐποίησαν.
그리하여 보이오티아인들이 밤중에 정예 병사 삼백 명을 파견하자, 배신자들은 이들을 성벽 안으로 인도하여 도시의 지배자로 만들었다.
§12.41.5οἱ δὲ Πλαταιεῖς βουλόμενοι τὴν πρὸς Ἀθηναίους συμμαχίαν διαφυλάττειν, τὸ μὲν πρῶτον ὑπολαβόντες πανδημεὶ τοὺς Θηβαίους παρεῖναι, διεπρεσβεύσαντο πρὸς τοὺς κατειληφότας τὴν πόλιν καὶ παρεκάλουν συνθέσθαι σπονδάς·
플라타이아이인들은 아테네인들과의 동맹을 유지하고자 하였기에, 처음에는 테베인들이 총출동했다고 생각하여 도시를 점령한 자들에게 사절을 보내 휴전 조약을 맺자고 요청했다.
ὡς δʼ ἡ νὺξ παρῆλθε, κατανοήσαντες ὀλίγους ὄντας, συνεστράφησαν καὶ περὶ τῆς ἐλευθερίας ἐκθύμως ἠγωνίζοντο.
그러나 밤이 지나고 그들이 소수임을 깨닫자, 그들은 한데 뭉쳐 자유를 위해 격렬하게 싸웠다.
§12.41.6γενομένης δὲ τῆς μάχης ἐν ταῖς ὁδοῖς, τὸ μὲν πρῶτον οἱ Θηβαῖοι διὰ τὰς ἀρετὰς προεῖχον καὶ πολλοὺς τῶν ἀνθισταμένων ἀνῄρουν·
거리에서 전투가 벌어지자, 처음에는 테베인들이 그들의 용맹함 덕분에 우세를 점하고 저항하는 자들을 많이 죽였다.
τῶν δʼ οἰκετῶν καὶ τῶν παίδων ἀπὸ τῶν οἰκιῶν βαλλόντων τὰς κεραμῖδας καὶ κατατιτρωσκόντων τοὺς Θηβαίους ἐτράπησαν·
그러나 노예들과 아이들이 집 위에서 기와를 던져 테베인들에게 부상을 입히자 그들은 퇴각했다.
καὶ τινὲς μὲν αὐτῶν ἐκπεσόντες ἐκ τῆς πόλεως διεσώθησαν, τινὲς δὲ εἰς οἰκίαν τινὰ καταφυγόντες ἠναγκάσθησαν παραδοῦναι σφᾶς αὐτούς.
그리하여 그들 중 일부는 도시 밖으로 빠져나가 목숨을 건졌고, 다른 일부는 어떤 집으로 피신했으나 스스로 항복할 수밖에 없었다.
§12.41.7οἱ δὲ Θηβαῖοι παρὰ τῶν ἐκ τῆς μάχης διασωθέντων πυθόμενοι τὰ συμβεβηκότα, παραχρῆμα πανδημεὶ κατὰ σπουδὴν ὥρμησαν.
테베인들은 전투에서 살아남아 도망쳐 온 자들을 통해 일어난 일을 전해 듣고, 즉시 군대를 총동원하여 급히 출발했다.
διὰ δὲ τὸ παράδοξον ἀνετοίμων ὄντων τῶν κατὰ τὴν χώραν, πολλοὶ μὲν ἀνῃρέθησαν, οὐκ ὀλίγοι δὲ ζῶντες συνελήφθησαν, ἅπασα δʼ ἡ χώρα ταραχῆς καὶ διαρπαγῆς ἔγεμεν.
그러나 예기치 못한 일이었기에 시골 지역의 사람들이 준비되지 않은 상태에서 많은 이들이 목숨을 잃었고, 적지 않은 이들이 생포되었으며, 시골 지역 전체가 혼란과 약탈로 가득 찼다.