§11.66.1ἐπʼ ἄρχοντος δʼ Ἀθήνησι Λυσιστράτου Ῥωμαῖοι κατέστησαν ὑπάτους Λεύκιον Πινάριον Μαμερτῖνον καὶ Πούπλιον Φούριον Φίφρωνα.
在雅典由吕西斯特拉托斯担任执政官时，罗马人任命卢基乌斯·皮纳里乌斯·马梅尔蒂努斯和普布利乌斯·富里乌斯·菲弗隆为执政官。
ἐπὶ δὲ τούτων Ἱέρων ὁ τῶν Συρακοσίων βασιλεὺς τοὺς Ἀναξίλα παῖδας τοῦ γενομένου τυράννου Ζάγκλης εἰς Συρακούσας μεταπεμψάμενος μεγάλαις δωρεαῖς ἀνεμίμνησκε τῆς Γέλωνος γενομένης πρὸς τὸν πατέρα αὐτῶν εὐεργεσίας, καὶ συνεβούλευεν αὐτοῖς ἤδη τὴν ἡλικίαν ἠνδρωμένοις ἀπαιτῆσαι λόγον παρὰ Μικύθου τοῦ ἐπιτροπεύοντος, καὶ τὴν δυναστείαν αὐτοὺς παραλαβεῖν.
在他们的任期内，叙拉古国王希伦将曾任赞克勒僭主阿纳克西拉斯的儿子们召至叙拉古，赠予重礼，使他们想起盖隆曾对他们父亲所施的恩德，并建议已经成年的他们，向担任监护人的米基索斯要求账目审计，并由他们自己接管统治权。
§11.66.2τούτων δʼ ἐπανελθόντων εἰς τὸ Ῥήγιον, καὶ τὸν ἐπίτροπον λόγον ἀπαιτούντων τῶν διῳκημένων, ὁ Μίκυθος, ἀνὴρ ὢν ἀγαθός, συνήγαγε τοὺς πατρικοὺς φίλους τῶν παίδων καὶ τὸν λόγον οὕτω καθαρῶς ἀπέδωκεν, ὥστε ἅπαντας τοὺς παρόντας θαυμάζειν τήν τε δικαιοσύνην καὶ τὴν πίστιν, τοὺς δὲ παῖδας μεταμεληθέντας ἐπὶ τοῖς πραχθεῖσιν ἀξιοῦν τὸν Μίκυθον πάλιν τὴν ἀρχὴν παραλαβεῖν, καὶ πατρὸς ἐξουσίαν ἔχοντα καὶ τάξιν διοικεῖν τὰ κατὰ τὴν δυναστείαν.
当他们回到雷吉翁并要求监护人交出管理账目时，为人高尚的米基索斯召集了孩子们父亲的朋友们，并如此清晰地交待了账目，以至于在场的所有人都对他的公正和忠诚赞叹不已，而孩子们也为自己的所作所为感到后悔，请求米基索斯重新接管政权，并以父亲的权威和地位来管理统治事务。
§11.66.3οὐ μὴν ὁ Μίκυθός γε συνεχώρησεν, ἀλλὰ πάντα παραδοὺς ἀκριβῶς καὶ τὴν ἰδίαν οὐσίαν ἐνθέμενος εἰς πλοῖον ἐξέπλευσεν ἐκ τοῦ Ῥηγίου, προπεμπόμενος ὑπὸ τῆς τῶν ὄχλων εὐνοίας.
然而，米基索斯绝不同意，而是精确地交接了所有一切，并将自己的私人财产装上船，在民众的好意护送下从雷吉翁扬帆启航。
οὗτος μὲν οὖν εἰς τὴν Ἑλλάδα κατάρας ἐν Τεγέαις τῆς Ἀρκαδίας κατεβίωσεν ἐπαινούμενος.
于是他抵达希腊，在阿卡迪亚的特格亚度过了余生，备受赞誉。
§11.66.4Ἱέρων δʼ ὁ τῶν Συρακοσίων βασιλεὺς ἐτελεύτησεν ἐν τῇ Κατάνῃ, καὶ τιμῶν ἡρωικῶν ἔτυχεν, ὡς ἂν κτίστης γεγονὼς τῆς πόλεως.
另一方面，叙拉古国王希伦在卡塔奈去世，并因其作为该城的创建者而获得了英雄般的荣誉。
οὗτος μὲν οὖν ἄρξας ἔτη ἕνδεκα κατέλιπε τὴν βασιλείαν Θρασυβούλῳ τῷ ἀδελφῷ, ὃς ἦρξε Συρακοσίων ἐνιαυτὸν ἕνα.
因此，他在统治了十一年后，将王位传给了他的兄弟色拉西布洛斯，后者统治了叙拉古一年。