§11.66.1ἐπʼ ἄρχοντος δʼ Ἀθήνησι Λυσιστράτου Ῥωμαῖοι κατέστησαν ὑπάτους Λεύκιον Πινάριον Μαμερτῖνον καὶ Πούπλιον Φούριον Φίφρωνα.
아테네에서 리시스트라토스가 아르콘이었을 때, 로마인들은 루키우스 피나리우스 마메르티누스와 푸블리우스 푸리우스 피프론을 집정관으로 취임시켰다.
ἐπὶ δὲ τούτων Ἱέρων ὁ τῶν Συρακοσίων βασιλεὺς τοὺς Ἀναξίλα παῖδας τοῦ γενομένου τυράννου Ζάγκλης εἰς Συρακούσας μεταπεμψάμενος μεγάλαις δωρεαῖς ἀνεμίμνησκε τῆς Γέλωνος γενομένης πρὸς τὸν πατέρα αὐτῶν εὐεργεσίας, καὶ συνεβούλευεν αὐτοῖς ἤδη τὴν ἡλικίαν ἠνδρωμένοις ἀπαιτῆσαι λόγον παρὰ Μικύθου τοῦ ἐπιτροπεύοντος, καὶ τὴν δυναστείαν αὐτοὺς παραλαβεῖν.
이들의 임기 동안에 시라쿠사의 왕 히에론은 잔클레의 이전 참주였던 아낙실라스의 아들들을 시라쿠사로 불러들여, 많은 선물을 주며 그들의 아버지에게 겔론이 베풀었던 은혜를 상기시켰고, 이제 성년이 된 그들에게 후견인인 미키토스로부터 회계 보고를 요구하고 스스로 지배권을 인수하라고 권고했다.
§11.66.2τούτων δʼ ἐπανελθόντων εἰς τὸ Ῥήγιον, καὶ τὸν ἐπίτροπον λόγον ἀπαιτούντων τῶν διῳκημένων, ὁ Μίκυθος, ἀνὴρ ὢν ἀγαθός, συνήγαγε τοὺς πατρικοὺς φίλους τῶν παίδων καὶ τὸν λόγον οὕτω καθαρῶς ἀπέδωκεν, ὥστε ἅπαντας τοὺς παρόντας θαυμάζειν τήν τε δικαιοσύνην καὶ τὴν πίστιν, τοὺς δὲ παῖδας μεταμεληθέντας ἐπὶ τοῖς πραχθεῖσιν ἀξιοῦν τὸν Μίκυθον πάλιν τὴν ἀρχὴν παραλαβεῖν, καὶ πατρὸς ἐξουσίαν ἔχοντα καὶ τάξιν διοικεῖν τὰ κατὰ τὴν δυναστείαν.
그들이 레기온으로 돌아가 후견인에게 관리된 일들에 대한 회계 보고를 요구했을 때, 고결한 인물이었던 미키토스는 아이들 아버지의 친구들을 소집하고 회계를 아주 명백하게 보고했으므로, 자리에 있던 모든 이들이 그의 정의로움과 성실함에 감탄했으며, 아들들은 자신들이 행한 일을 뉘우치고 미키토스에게 다시 지배권을 맡아 아버지의 권한과 직위를 가지고 지배에 관한 일들을 관리해 달라고 요청할 정도였다.
§11.66.3οὐ μὴν ὁ Μίκυθός γε συνεχώρησεν, ἀλλὰ πάντα παραδοὺς ἀκριβῶς καὶ τὴν ἰδίαν οὐσίαν ἐνθέμενος εἰς πλοῖον ἐξέπλευσεν ἐκ τοῦ Ῥηγίου, προπεμπόμενος ὑπὸ τῆς τῶν ὄχλων εὐνοίας.
그러나 미키토스는 결코 동의하지 않았고, 모든 것을 정확하게 인계한 뒤 자신의 개인 재산을 배에 싣고 군중의 호의 어린 배웅을 받으며 레기온을 떠나 항해했다.
οὗτος μὲν οὖν εἰς τὴν Ἑλλάδα κατάρας ἐν Τεγέαις τῆς Ἀρκαδίας κατεβίωσεν ἐπαινούμενος.
그리하여 그는 그리스에 도착해 아르카디아의 테게아에서 칭송을 받으며 여생을 보냈다.
§11.66.4Ἱέρων δʼ ὁ τῶν Συρακοσίων βασιλεὺς ἐτελεύτησεν ἐν τῇ Κατάνῃ, καὶ τιμῶν ἡρωικῶν ἔτυχεν, ὡς ἂν κτίστης γεγονὼς τῆς πόλεως.
한편 시라쿠사의 왕 히에론은 카타네에서 사망했고, 그 도시의 창설자였던 까닭에 영웅의 영예를 얻었다.
οὗτος μὲν οὖν ἄρξας ἔτη ἕνδεκα κατέλιπε τὴν βασιλείαν Θρασυβούλῳ τῷ ἀδελφῷ, ὃς ἦρξε Συρακοσίων ἐνιαυτὸν ἕνα.
그리하여 11년 동안 통치한 그는 왕위를 동생인 트라시불로스에게 물려주었으며, 이 트라시불로스는 1년 동안 시라쿠사를 통치했다.