§11.60.1ἐπʼ ἄρχοντος δʼ Ἀθήνησι Δημοτίωνος Ῥωμαῖοι μὲν ὑπάτους κατέστησαν Πούπλιον Οὐαλέριον Ποπλικόλαν καὶ Γάιον Ναύτιον Ῥοῦφον.
在雅典执政官德莫提翁任内，罗马人任命普布利乌斯·瓦莱里乌斯·波普利科拉和盖乌斯·纳乌提乌斯·鲁富斯为执政官。
ἐπὶ δὲ τούτων Ἀθηναῖοι στρατηγὸν ἑλόμενοι Κίμωνα τὸν Μιλτιάδου καὶ δύναμιν ἀξιόλογον παραδόντες, ἐξέπεμψαν ἐπὶ τὴν παράλιον τῆς Ἀσίας βοηθήσοντα μὲν ταῖς συμμαχούσαις πόλεσιν, ἐλευθερώσοντα δὲ τὰς Περσικαῖς ἔτι φρουραῖς κατεχομένας.
在他们任期内，雅典人选举米尔提亚德之子基蒙为将军，并交付给他一支相当规模的军队，派遣他前往亚洲沿海，以援助同盟城邦，并解放那些仍被波斯卫戍部队占领的城邦。
§11.60.2οὗτος δὲ παραλαβὼν τὸν στόλον ἐν Βυζαντίῳ, καὶ καταπλεύσας ἐπὶ πόλιν τὴν ὀνομαζομένην Ἠιόνα, ταύτην μὲν Περσῶν κατεχόντων ἐχειρώσατο, Σκῦρον δὲ Πελασγῶν ἐνοικούντων καὶ Δολόπων ἐξεπολιόρκησε, καὶ κτίστην Ἀθηναῖον καταστήσας κατεκληρούχησε τὴν χώραν.
他在拜占庭接管了舰队，航行到名为埃伊翁的城市，在波斯人占领该城时将其征服；他又围攻并占领了由佩拉斯吉人和多洛佩斯人居住的斯基罗斯，并任命了一位雅典人创建者，将该地土地进行分配。
§11.60.3μετὰ δὲ ταῦτα μειζόνων πράξεων ἄρξασθαι διανοούμενος, κατέπλευσεν εἰς τὸν Πειραιᾶ, καὶ προσλαβόμενος πλείους τριήρεις καὶ τὴν ἄλλην χορηγίαν ἀξιόλογον παρασκευασάμενος, τότε μὲν ἐξέπλευσεν ἔχων τριήρεις διακοσίας, ὕστερον δὲ μεταπεμψάμενος παρὰ τῶν Ἰώνων καὶ τῶν ἄλλων ἁπάντων τὰς ἁπάσας εἶχε τριακοσίας.
此后，他意图开始更伟大的事业，于是航行回裴赖乌斯，增募了更多三段击船，并筹备了其他可观的装备，当时他率领两百艘三段击船出航，但后来他从伊奥尼亚人及所有其他盟友处召集船只，总共拥有了三百艘。
§11.60.4πλεύσας οὖν μετὰ παντὸς τοῦ στόλου πρὸς τὴν Καρίαν, τῶν παραθαλαττίων πόλεων ὅσαι μὲν ἦσαν ἐκ τῆς Ἑλλάδος ἀπῳκισμέναι, ταύτας παραχρῆμα συνέπεισεν ἀποστῆναι τῶν Περσῶν, ὅσαι δʼ ὑπῆρχον δίγλωττοι καὶ φρουρὰς ἔχουσαι Περσικάς, βίαν προσάγων ἐπολιόρκει.
于是他率领全体舰队航行至卡里亚，在沿海城邦中，凡是从希腊殖民而建的，他立刻说服它们背叛波斯人；而凡是使用双语并有波斯卫戍部队驻扎的，他便施加武力予以围攻。
προσαγαγόμενος δὲ τὰς κατὰ τὴν Καρίαν πόλεις, ὁμοίως καὶ τὰς ἐν τῇ Λυκίᾳ πείσας προσελάβετο.
在争取了卡里亚境内的城邦后，他也同样通过说服争取了吕基亚境内的城邦。
§11.60.5παρὰ δὲ τῶν ἀεὶ προστιθεμένων συμμάχων προσλαβόμενος ναῦς ἐπὶ πλέον ηὔξησε τὸν στόλον.
通过从不断加入的盟友那里增募船只，他进一步壮大了舰队。
οἱ δὲ Πέρσαι τὸ μὲν πεζὸν στράτευμα διʼ ἑαυτῶν κατεσκεύασαν, τὸ δὲ ναυτικὸν ἤθροισαν ἔκ τε Φοινίκης καὶ Κύπρου καὶ Κιλικίας· ἐστρατήγει δὲ τῶν Περσικῶν δυνάμεων Τιθραύστης, υἱὸς ὢν Ξέρξου νόθος.
而波斯人方面，他们自己整备了陆军，但海军队则是从腓尼基、塞浦路斯和基利基亚聚集而来；波斯军队的统帅是提斯拉乌斯特斯，他是薛西斯的私生子。
§11.60.6Κίμων δὲ πυνθανόμενος τὸν στόλον τῶν Περσῶν διατρίβειν περὶ τὴν Κύπρον, καὶ πλεύσας ἐπὶ τοὺς βαρβάρους, ἐναυμάχησε διακοσίαις καὶ πεντήκοντα ναυσὶ πρὸς τριακοσίας καὶ τετταράκοντα.
基蒙得知波斯舰队在塞浦路斯附近逗留，便向蛮族航行，以二百五十艘船对抗三百四十艘船进行海战。
γενομένου δʼ ἀγῶνος ἰσχυροῦ καὶ τῶν στόλων ἀμφοτέρων λαμπρῶς ἀγωνιζομένων, τὸ τελευταῖον ἐνίκων οἱ Ἀθηναῖοι, καὶ πολλὰς μὲν τῶν ἐναντίων ναῦς διέφθειραν, πλείους δὲ τῶν ἑκατὸν σὺν αὐτοῖς τοῖς ἀνδράσιν εἷλον.
尽管发生了激烈的战斗，双方舰队都表现得十分英勇，但最终雅典人获得了胜利，他们摧毁了对手的许多船只，并连同船员一起俘虏了一百多艘。
§11.60.7τῶν δὲ λοιπῶν νεῶν καταφυγουσῶν εἰς τὴν Κύπρον,οἱ μὲν ἐν αὐταῖς ἄνδρες εἰς τὴν γῆν ἀπεχώρησαν, αἱ δὲ νῆες κεναὶ τῶν βοηθούντων οὖσαι τοῖς πολεμίοις ἐγενήθησαν ὑποχείριοι.
其余船只逃往塞浦路斯，船上的人退往陆地，而船只因失去防守者，落入了敌人的手中。