§11.32.1τοῦτον δὲ τὸν τρόπον ἐν τῇ φυγῇ τῶν βαρβάρων σχισθέντων, ὁμοίως καὶ τὸ τῶν Ἑλλήνων πλῆθος διεμερίσθη·
这样，在蛮族溃逃中分裂的同时，希腊人的大军也同样被分割了。
Ἀθηναῖοι μὲν γὰρ καὶ Πλαταιεῖς καὶ Θεσπιεῖς τοὺς ἐπὶ Θηβῶν ὁρμήσαντας ἐδίωξαν, Κορίνθιοι δὲ καὶ Σικυώνιοι καὶ Φλιάσιοι καί τινες ἕτεροι τοῖς μετὰ Ἀρταβάζου φεύγουσιν ἐπηκολούθησαν, Λακεδαιμόνιοι δὲ μετὰ τῶν λοιπῶν τοὺς εἰς τὸ ξύλινον τεῖχος καταφυγόντας διώξαντες ἐπόρθησαν προθύμως.
雅典人、普拉提亚人和帖斯庇埃人追击了那些向底比斯冲去的人，而科林斯人、西锡安人、弗利亚斯人以及其他一些人，则紧随那些与阿尔塔巴佐斯一同逃跑的人，拉刻代蒙人则与其余的人一起，追击了那些逃入木墙避难的人，并热切地攻打他们。
§11.32.2οἱ δὲ Θηβαῖοι δεξάμενοι τοὺς φεύγοντας καὶ προσαναλαβόντες ἐπέθεντο τοῖς διώκουσιν Ἀθηναίοις·
底比斯人接纳了逃跑的人并重新整编他们，袭击了追击的雅典人。
γενομένης δὲ πρὸ τῶν τειχῶν καρτερᾶς μάχης, καὶ τῶν Θηβαίων λαμπρῶς ἀγωνισαμένων, ἔπεσον μὲν οὐκ ὀλίγοι παρʼ ἀμφοτέροις, τὸ δὲ τελευταῖον βιασθέντες ὑπὸ τῶν Ἀθηναίων, συνέφυγον πάλιν εἰς τὰς Θήβας.
在城墙前发生了一场激烈的战斗，由于底比斯人英勇作战，双方都有不少人阵亡，但最终底比斯人被雅典人击退，再次逃回底比斯。
§11.32.3μετὰ δὲ ταῦτα οἱ μὲν Ἀθηναῖοι πρὸς τοὺς Λακεδαιμονίους ἀποχωρήσαντες, μετὰ τούτων ἐτειχομάχουν πρὸς τοὺς καταφυγόντας εἰς τὴν παρεμβολὴν τῶν Περσῶν·
此后，雅典人退回到拉刻代蒙人那里，同他们一起对逃入波斯人营地的敌人展开了攻墙战。
μεγάλου δὲ ἀγῶνος ἐξ ἀμφοτέρων γενομένου, καὶ τῶν μὲν βαρβάρων ἐκ τόπων ὠχυρωμένων καλῶς ἀγωνισαμένων, τῶν δʼ Ἑλλήνων βίαν προσαγόντων τοῖς ξυλίνοις τείχεσι, πολλοὶ μὲν παραβόλως ἀγωνιζόμενοι κατετιτρώσκοντο, οὐκ ὀλίγοι δὲ καὶ τῷ πλήθει τῶν βελῶν διαφθειρόμενοι τὸν θάνατον εὐψύχως ὑπέμενον.
双方展开了激烈的交锋，蛮族在坚固的阵地上顽强抵抗，而希腊人则猛攻木墙，许多人冒险战斗而负伤，也有不少人因密集的投射物而丧生，但他们都勇敢地面对了死亡。
§11.32.4οὐ μήν γε τὴν ὁρμὴν καὶ βίαν τῶν Ἑλλήνων ἔστεγεν οὔτε τὸ κατεσκευασμένον τεῖχος οὔτε τὸ πλῆθος τῶν βαρβάρων, ἀλλʼ ἅπαν τὸ ἀντιτεταγμένον ὑπείκειν ἠναγκάζετο·
然而，无论是筑起的墙壁还是众多的蛮族，都无法阻挡希腊人的冲锋和威力，所有与之对抗的力量都被迫屈服。
ἡμιλλῶντο γὰρ πρὸς ἀλλήλους οἱ τῆς Ἑλλάδος ἡγούμενοι Λακεδαιμόνιοι καὶ Ἀθηναῖοι, μεμετεωρισμένοι μὲν ταῖς προγεγενημέναις νίκαις, πεποιθότες δὲ ταῖς ἑαυτῶν ἀρεταῖς.
因为作为希腊领袖的拉刻代蒙人和雅典人相互竞争，他们因先前的胜利而士气高昂，并对自己的勇武充满信心。
§11.32.5τέλος δὲ κατὰ κράτος ἁλόντες οἱ βάρβαροι, δεόμενοι ζωγρεῖν οὐδενὸς ἐτύγχανον ἐλέου.
最终，蛮族被强攻攻破，尽管他们哀求活命，却未得到任何怜悯。
ὁ γὰρ στρατηγὸς τῶν Ἑλλήνων Παυσανίας ὁρῶν τοῖς πλήθεσιν ὑπερέχοντας τοὺς βαρβάρους, εὐλαβεῖτο μή τι παράλογον γένηται, πολλαπλασίων ὄντων τῶν βαρβάρων·
因为希腊人的将军保萨尼阿斯见蛮族在人数上占优势，便心存警惕，唯恐发生意外，因为蛮族的人数是他们的数倍。
διὸ καὶ παραγγείλαντος αὐτοῦ μηδένα ζωγρεῖν, ταχὺ πλῆθος ἄπιστον νεκρῶν ἐγένετο.
因此，在他下令不留活口之后，很快便出现了令人难以置信的众多尸体。
τέλος δὲ οἱ Ἕλληνες ὑπὲρ τὰς δέκα μυριάδας τῶν βαρβάρων κατακόψαντες μόγις ἐπαύσαντο τοῦ κτείνειν τοὺς πολεμίους.
最终，希腊人在斩杀了十万多蛮族之后，才勉强停止了对敌人的杀戮。