§127ΣΩ. τί δέ;
苏格拉底：那又怎样？
γυνὴ ἀνδρὶ περὶ ὁπλιτικῆς δύναιτʼ ἂν ὁμονοεῖν μὴ μαθοῦσα;
妻子在没有学过的情况下，能与丈夫在重装步兵技术方面达成一致吗？
ΑΛ. οὐ δῆτα.
阿尔基比亚德：绝非如此。
ΣΩ. ἀνδρεῖον γὰρ τοῦτό γε ἴσως αὖ φαίης ἂν εἶναι.
苏格拉底：因为你或许也会说，这同样是男人的学问。
ΑΛ. ἔγωγε.
阿尔基比亚德：是的。
ΣΩ. ἔστιν ἄρα τὰ μὲν γυναικεῖα, τὰ δὲ ἀνδρεῖα μαθήματα κατὰ τὸν σὸν λόγον.
苏格拉底：那么，根据你的道理，有些是女人的学问，而有些是男人的学问。
ΑΛ. πῶς δʼ οὔ;
阿尔基比亚德：怎么会不是呢？
ΣΩ. οὐκ ἄρα ἔν γε τούτοις ἐστὶν ὁμόνοια γυναιξὶ πρὸς ἄνδρας.
苏格拉底：因此，至少在这些事情上，妻子与丈夫之间并没有一致。
ΑΛ. οὔ.
阿尔基比亚德：没有。
ΣΩ. οὐδʼ ἄρα φιλία, εἴπερ ἡ φιλία ὁμόνοια ἦν.
苏格拉底：因此也没有友爱，如果友爱确实就是一致的话。
ΑΛ. οὐ φαίνεται.
阿尔基比亚德：似乎是这样。
ΣΩ. ἧι ἄρα αἱ γυναῖκες τὰ αὑτῶν πράττουσιν, οὐ φιλοῦνται ὑπὸ τῶν ἀνδρῶν.
苏格拉底：那么，在妻子们做自己工作的时候，她们并不被丈夫们关爱。
ΑΛ. οὐκ ἔοικεν.
阿尔基比亚德：看来不像是被关爱。
ΣΩ. οὐδʼ ἄρα οἱ ἄνδρες ὑπὸ τῶν γυναικῶν ᾗ τὰ αὑτῶν.
苏格拉底：那么，丈夫们做自己工作的时候，也同样不被妻子们关爱。
ΑΛ. οὔ.
阿尔基比亚德：没有。
ΣΩ. οὐδʼ εὖ ἄρα ταύτῃ οἰκοῦνται αἱ πόλεις, ὅταν τὰ αὑτῶν ἕκαστοι πράττωσιν;
苏格拉底：那么，当每个人都做自己的工作时，城邦难道不是在这种情况下就无法得到好的管理了吗？
ΑΛ. οἶμαι ἔγωγε, ὦ Σώκρατες.
阿尔基比亚德：我认为会得到好的管理，苏格拉底。
ΣΩ. πῶς λέγεις, φιλίας μὴ παρούσης, ἧς ἔφαμεν ἐγγιγνομένης εὖ οἰκεῖσθαι τὰς πόλεις, ἄλλως δʼ οὔ;
苏格拉底：你这是什么意思？ 在没有友爱存在的情况下？ 我们刚才还说，当友爱产生时，城邦得到好的管理，否则就不会。
ΑΛ. ἀλλά μοι δοκεῖ καὶ κατὰ τοῦτʼ αὐτοῖς φιλία ἐγγίγνεσθαι, ὅτι τὰ αὑτῶν ἑκάτεροι πράττουσιν.
阿尔基比亚德：但在我看来，在他们之间也会因为这点产生友爱，即双方都做自己的工作。
ΣΩ. οὐκ ἄρτι γε·
苏格拉底：刚才可不是这样。
νῦν δὲ πῶς αὖ λέγεις;
那么现在你又是怎么说的？
ὁμονοίας μὴ ἐγγιγνομένης φιλία ἐγγίγνεται;
在不产生一致的情况下，友爱能产生吗？
ἢ οἷόν θʼ ὁμόνοιαν ἐγγίγνεσθαι ὧν οἱ μὲν ἴσασι περὶ τούτων, οἱ δʼ οὔ;
或者在一些事情上，有些人知道，而另一些人不知道，这之间可能产生一致吗？
ΑΛ. ἀδύνατον.
阿尔基比亚德：不可能。
ΣΩ. δίκαια δὲ πράττουσιν ἢ ἄδικα, ὅταν τὰ αὑτῶν ἕκαστοι πράττωσιν;
苏格拉底：那么，当每个人做自己工作的时候，他们做的是正义的事还是不正义的事？
ΑΛ. δίκαια· πῶς γὰρ οὔ;
阿尔基比亚德：正义的事；怎么会不是呢？
ΣΩ. τὰ δίκαια οὖν πραττόντων ἐν τῇ πόλει τῶν πολιτῶν φιλία οὐκ ἐγγίγνεται πρὸς ἀλλήλους;
苏格拉底：那么，当公民们在城邦里做正义的事时，他们彼此之间难道不会产生友爱吗？
ΑΛ. ἀνάγκη αὖ μοι δοκεῖ εἶναι, ὦ Σώκρατες.
阿尔基比亚德：这对我来说似乎又是必然的了，苏格拉底。
ΣΩ. τίνα οὖν ποτε λέγεις τὴν φιλίαν ἢ ὁμόνοιαν περὶ ἧς δεῖ ἡμᾶς σοφούς τε εἶναι καὶ εὐβούλους, ἵνα ἀγαθοὶ ἄνδρες ὦμεν;
苏格拉底：那么，你所说的那种为了让我们成为优秀的人，我们必须在其中拥有智慧和良谋的友爱或一致，究竟是什么呢？
οὐ γὰρ δύναμαι μαθεῖν οὔθʼ ἥτις οὔτʼ ἐν οἷστισιν· τοτὲ μὲν γὰρ ἐν τοῖς αὐτοῖς φαίνεται ἐνοῦσα, τοτὲ δʼ οὔ, ὡς ἐκ τοῦ σοῦ λόγου.
因为我无法理解它是什么，也无法理解存在于哪些人之间；因为根据你的道理，它有时似乎存在于同样的事情之中，有时又似乎不存在。
ΑΛ. ἀλλὰ μὰ τοὺς θεούς, ὦ Σώκρατες, οὐδʼ αὐτὸς οἶδʼ ὅτι λέγω, κινδυνεύω δὲ καὶ πάλαι λεληθέναι ἐμαυτὸν αἴσχιστα ἔχων.
阿尔基比亚德：但凭着诸神起誓，苏格拉底，我自己都不知道自己在说什么了，我可能在很久以前就处于最可耻的状态，而自己却不知道。
ΣΩ. ἀλλὰ χρὴ θαρρεῖν.
苏格拉底：但你必须振作起来。
εἰ μὲν γὰρ αὐτὸ ᾔσθου πεπονθὼς πεντηκονταετής, χαλεπὸν ἂν ἦν σοι ἐπιμεληθῆναι σαυτοῦ· νῦν δʼ ἣν ἔχεις ἡλικίαν, αὕτη ἐστὶν ἐν ᾗ δεῖ αὐτὸ αἰσθέσθαι.
因为如果你是在五十岁时发现自己处于这种状态，对你来说要关照自己就很困难了；但现在的你正处于必须发现这一点的年龄。
ΑΛ. τί οὖν τὸν αἰσθανόμενον χρὴ ποιεῖν, ὦ Σώκρατες;
阿尔基比亚德：那么，发现这一点的人应该做什么呢，苏格拉底？
ΣΩ. ἀποκρίνεσθαι τὰ ἐρωτώμενα, ὦ Ἀλκιβιάδη·
苏格拉底：回答所问的问题，阿尔基比亚德。
καὶ ἐὰν τοῦτο ποιῇς, ἂν θεὸς θέλῃ, εἴ τι δεῖ καὶ τῇ ἐμῇ μαντείᾳ πιστεύειν, σύ τε κἀγὼ βέλτιον σχήσομεν.
如果你这样做，神若愿意——如果我的预言可以稍微信任的话——你和我都会处于更好的状态。
ΑΛ. ἔσται ταῦτα ἕνεκά γε τοῦ ἐμὲ ἀποκρίνεσθαι.
阿尔基比亚德：只要是关于我的回答，就一定会这样做的。