§47ΣΩ. —σὺ γάρ, ὅσα γε τἀνθρώπεια, ἐκτὸς εἶ τοῦ μέλλειν ἀποθνῄσκειν αὔριον, καὶ οὐκ ἂν σὲ παρακρούοι ἡ παροῦσα συμφορά·
苏格拉底：——因为在人类事物的范围内，你明天并不会死，现在的灾难也不会使你的判断产生偏差。
σκόπει δή—οὐχ ἱκανῶς δοκεῖ σοι λέγεσθαι ὅτι οὐ πάσας χρὴ τὰς δόξας τῶν ἀνθρώπων τιμᾶν ἀλλὰ τὰς μέν, τὰς δʼ οὔ, οὐδὲ πάντων ἀλλὰ τῶν μέν, τῶν δʼ οὔ;
所以请考虑一下——你难道不认为这个论点说得很充分吗：我们不应该尊重人们所有的舆论，而应该尊重一些，不尊重另一些；也不应该尊重所有人的舆论，而应该尊重一些人的，不尊重另一些人的？
τί φῄς;
你怎么看？
ταῦτα οὐχὶ καλῶς λέγεται;
这难道说得不对吗？
ΚΡ. καλῶς.
克里托：对。
ΣΩ. οὐκοῦν τὰς μὲν χρηστὰς τιμᾶν, τὰς δὲ πονηρὰς μή;
苏格拉底：那么，我们应该尊重好的舆论，而不应该尊重坏的舆论？
ΚΡ. ναί.
克里托：是的。
ΣΩ. χρησταὶ δὲ οὐχ αἱ τῶν φρονίμων, πονηραὶ δὲ αἱ τῶν ἀφρόνων;
苏格拉底：而好的舆论是那些聪明人的，坏的是那些愚蠢人的，不是吗？
ΚΡ. πῶς δʼ οὔ;
克里托：怎么会不是呢？
ΣΩ. φέρε δή, πῶς αὖ τὰ τοιαῦτα ἐλέγετο;
苏格拉底：那么，来看看，关于这类事情以前又是怎么说的？
γυμναζόμενος ἀνὴρ καὶ τοῦτο πράττων πότερον παντὸς ἀνδρὸς ἐπαίνῳ καὶ ψόγῳ καὶ δόξῃ τὸν νοῦν προσέχει, ἢ ἑνὸς μόνου ἐκείνου ὃς ἂν τυγχάνῃ ἰατρὸς ἢ παιδοτρίβης ὤν;
一个正在进行体育锻炼并以此为业的人，他是对每一个人的称赞、指责和舆论都予以关注呢，还是只对那唯一一个恰好是医生或教练的人予以关注呢？
ΚΡ. ἑνὸς μόνου.
克里托：只对那唯一的一个人。
ΣΩ. οὐκοῦν φοβεῖσθαι χρὴ τοὺς ψόγους καὶ ἀσπάζεσθαι τοὺς ἐπαίνους τοὺς τοῦ ἑνὸς ἐκείνου ἀλλὰ μὴ τοὺς τῶν πολλῶν.
苏格拉底：因此，他应该害怕那唯一一个人的指责，欢迎他的称赞，而不应该理会大众的。
ΚΡ. δῆλα δή.
克里托：显然如此。
ΣΩ. ταύτῃ ἄρα αὐτῷ πρακτέον καὶ γυμναστέον καὶ ἐδεστέον γε καὶ ποτέον, ᾗ ἂν τῷ ἑνὶ δοκῇ, τῷ ἐπιστάτῃ καὶ ἐπαΐοντι, μᾶλλον ἢ ᾗ σύμπασι τοῖς ἄλλοις.
苏格拉底：那么，他必须按照那唯一的一个人，即指导者和专家的意愿来行动、锻炼、饮食，而不是按照其他所有人的意愿。
ΚΡ. ἔστι ταῦτα.
克里托：确实如此。
ΣΩ. εἶεν.
苏格拉底：很好。
ἀπειθήσας δὲ τῷ ἑνὶ καὶ ἀτιμάσας αὐτοῦ τὴν δόξαν καὶ τοὺς ἐπαίνους, τιμήσας δὲ τοὺς τῶν πολλῶν καὶ μηδὲν ἐπαϊόντων, ἆρα οὐδὲν κακὸν πείσεται;
但如果他违背那唯一的一个人，不尊重他的意见和称赞，却去尊重那些毫无专长的大众的意见，他难道不会遭受什么伤害吗？
ΚΡ. πῶς γὰρ οὔ;
克里托：怎么会不遭受呢？
ΣΩ. τί δʼ ἔστι τὸ κακὸν τοῦτο, καὶ ποῖ τείνει, καὶ εἰς τί τῶν τοῦ ἀπειθοῦντος;
苏格拉底：那么这伤害是什么，它指向哪里，又波及到违背者身上的哪一个部分？
ΚΡ. δῆλον ὅτι εἰς τὸ σῶμα· τοῦτο γὰρ διόλλυσι.
克里托：显然是身体；因为这会毁了身体。
ΣΩ. καλῶς λέγεις.
苏格拉底：你说得对。
οὐκοῦν καὶ τἆλλα, ὦ Κρίτων, οὕτως, ἵνα μὴ πάντα διΐωμεν, καὶ δὴ καὶ περὶ τῶν δικαίων καὶ ἀδίκων καὶ αἰσχρῶν καὶ καλῶν καὶ ἀγαθῶν καὶ κακῶν, περὶ ὧν νῦν ἡ βουλὴ ἡμῖν ἐστιν, πότερον τῇ τῶν πολλῶν δόξῃ δεῖ ἡμᾶς ἕπεσθαι καὶ φοβεῖσθαι αὐτὴν ἢ τῇ τοῦ ἑνός, εἴ τίς ἐστιν ἐπαΐων, ὃν δεῖ καὶ αἰσχύνεσθαι καὶ φοβεῖσθαι μᾶλλον ἢ σύμπαντας τοὺς ἄλλους;
那么，克里托，其他事情不也是这样吗？ 为了不逐一罗列，特别是关于正义与非正义、丑恶与美好、善良与邪恶这些我们现在正在讨论的事情，我们难道应该跟从大众的舆论并害怕它，还是应该跟从那唯一一个人的舆论——如果有这么一位专家的话——我们应该比尊重和害怕其他所有人更尊重和害怕他呢？
ᾧ εἰ μὴ ἀκολουθήσομεν, διαφθεροῦμεν ἐκεῖνο καὶ λωβησόμεθα, ὃ τῷ μὲν δικαίῳ βέλτιον ἐγίγνετο τῷ δὲ ἀδίκῳ ἀπώλλυτο.
如果我们不跟从他，我们就会毁坏并伤害那个因正义而变得更好、因非正义而毁灭的部分。
ἢ οὐδέν ἐστι τοῦτο;
还是说根本没有这个部分？
ΚΡ. οἶμαι ἔγωγε, ὦ Σώκρατες.
克里托：我认为是有的，苏格拉底。
ΣΩ. φέρε δή, ἐὰν τὸ ὑπὸ τοῦ ὑγιεινοῦ μὲν βέλτιον γιγνόμενον, ὑπὸ τοῦ νοσώδους δὲ διαφθειρόμενον διολέσωμεν πειθόμενοι μὴ τῇ τῶν ἐπαϊόντων δόξῃ, ἆρα βιωτὸν ἡμῖν ἐστιν διεφθαρμένου αὐτοῦ;
苏格拉底：那么，来看看，如果我们不听从专家的舆论，毁掉了那个因健康而变得更好、因疾病而毁坏的部分，在它被毁坏之后，我们活着还有价值吗？
ἔστι δέ που τοῦτο σῶμα· ἢ οὐχί;
而这个部分大概就是身体，不是吗？
ΚΡ. ναί.
克里托：是的。
ΣΩ. ἆρʼ οὖν βιωτὸν ἡμῖν ἐστιν μετὰ μοχθηροῦ καὶ διεφθαρμένου σώματος;
苏格拉底：那么，带着一个虚弱且被毁坏的身体，我们活着还有价值吗？
ΚΡ. οὐδαμῶς.
克里托：绝没有。
ΣΩ. ἀλλὰ μετʼ ἐκείνου ἄρʼ ἡμῖν βιωτὸν διεφθαρμένου, ᾧ τὸ ἄδικον μὲν λωβᾶται, τὸ δὲ δίκαιον ὀνίνησιν;
苏格拉底：那么，当那个被非正义所伤害、被正义所裨益的部分被毁坏之后，我们活着还有价值吗？
ἢ φαυλότερον ἡγούμεθα εἶναι τοῦ σώματος ἐκεῖνο, ὅτι ποτʼ ἐστὶ τῶν ἡμετέρων, περὶ ὃ ἥ τε ἀδικία καὶ ἡ δικαιοσύνη ἐστίν;
还是说，我们认为在我们所有的部分中，那个与非正义和正义相关的部分，是比身体更没有价值的呢？