§4τοὺς δέ γε τῇ Τύχῃ συνεπομένους ἅπαντας μὲν ἀργοὺς θεάσῃ καὶ τεχνῶν ἀμαθεῖς, ὀχουμένους δ’ ἐπ’ ἐλπίδων ἀεὶ καὶ θεούσῃ τῇ δαίμονι συνθέοντας, ἐνίους μὲν ἐγγὺς ἐνίους δὲ πορρωτέρω, τινὰς δὲ καὶ τῆς χειρὸς αὐτῆς ἐξημμένους.
另一方面，那些追随命运的人，你将看到他们全都是懒散且不懂技术的人，他们总是乘着希望的翅膀，与那奔跑着的女神一同奔跑，有的近，有的远，有的甚至紧紧拉着她自己的手。
ἐν τούτοις ἅπασι καὶ τὸν Κροῖσον ἐκεῖνον τὸν Λυδὸν ὄψει καὶ τὸν Πολυκράτην τὸν Σάμιον, καὶ ἴσως θαυμάσεις τῷ μὲν τὸν Πακτωλὸν ἰδὼν ῥέοντα χρυσόν, τῷ δὲ καὶ τοὺς θαλαττίους ὑπηρετοῦντας ἰχθῦς.
在所有这些人中，你还将看到那位著名的吕底亚人克罗伊斯和萨摩斯人波利克拉特斯，也许你会感到惊异，因为你看到帕克托洛斯河为前者流淌着黄金，而海洋中的鱼类甚至也为后者效劳。
μετὰ τούτων δὲ καὶ Κῦρον θεάσῃ καὶ Πρίαμον καὶ Διονύσιον.
在这些人中，你还将看到居鲁士、普里阿摩斯和狄奥尼修斯。
ἀλλὰ τούτων αὐτῶν ὀλίγον ὕστερον ὄψει Πολυκράτην μὲν ἀνεσταυρωμένον, ὑπὸ Κύρῳ δὲ Κροῖσον, αὐτὸν δὲ τὸν Κῦρον ὑπ’ ἄλλοις.
但就在稍后，你将看到这些人本身的结局——波利克拉特斯被钉在十字架上，克罗伊斯屈服于居鲁士，而居鲁士自身则屈服于他人。
ὄψει δὲ καὶ Πρίαμον καθῃρημένον καὶ Διονύσιον ἐν Κορίνθῳ.
你还将看到普里阿摩斯被废黜，狄奥尼修斯在科林斯。
εἰ δὲ καὶ τοὺς ἄλλους ἐπισκέψαιο τοὺς ἀπωτέρω μὲν αὐτὴν θέουσαν διώκοντας, οὐ μὴν τυχόντας γε, μισήσεις ὅλον τὸν χορόν·
如果你去观察其他那些从更远的地方追赶奔跑着的她却未能追上的人，你将会憎恨这整个群体。
εἰσὶ 〈μὲν〉 γὰρ ἐνταῦθα καὶ δημαγωγοὶ πολλοὶ καὶ ἑταῖραι καὶ πόρνοι καὶ προδόται φίλων, εἰσὶ δὲ καὶ φονεῖς καὶ τυμβωρύχοι καὶ ἅρπαγες πολλοί, 〈οἳ〉 δὲ μηδὲ τῶν θεῶν αὐτῶν πεφεισμένοι, ἀλλὰ καὶ τούτων 〈τὰ〉 ἱερὰ συλήσαντες.
因为在这里有许多民粹煽动家、高级妓女、男妓和出卖朋友的人，还有杀人犯、盗墓贼和许多强盗，甚至有不放过神明自身、掠夺神明神殿的人。
§5ὁ δ’ ἕτερος τῶν χορῶν πάντες μὲν κόσμιοι καὶ τεχνῶν ἐργάται, οὐ θέουσι δὲ οὐδὲ βοῶσιν οὐδ’ ἀλλήλοις μάχονται· ἀλλ’ ἐν μέσοις μὲν αὐτοῖς ὁ θεός, ἀμφ’ αὐτὸν δ’ ἅπαντες ἐν τάξει κεκόσμηνται, χώραν ἕκαστος ἣν ἐκεῖνος ἔδωκεν οὐκ ἀπολείποντες·
而另一支群体则全都循规蹈矩，是技术的实践者，他们既不奔跑，也不喧哗，更不相互争斗；而是神明在他们中间，所有人都在他周围依序排列，各人绝不离开神明所指定的座位。
οἱ μὲν ἔγγιστα τῷ θεῷ καὶ περὶ αὐτὸν ἐν κύκλῳ κεκοσμημένοι γεωμέτραι καὶ ἀριθμητικοὶ καὶ φιλόσοφοι καὶ ἰατροὶ καὶ ἀστρονόμοι καὶ γραμματικοί, τούτων δ’ ἐφεξῆς [ὁ δεύτερος χορὸς] ζωγράφοι πλάσται γραμματισταί, τέκτονές τε καὶ ἀρχιτέκτονες καὶ λιθογλύφοι, καὶ μετ’ αὐτοὺς δ’ ἡ τρίτη τάξις, αἱ λοιπαὶ τέχναι πᾶσαι.
最接近神明、在他周围围成一圈配置的是几何学家、算术家、哲学家、医生、天文学家和文法学家；紧随其后的是画家、雕塑家、启蒙教师、木匠、建筑家和石雕师；在他们之后的是第三个阶层——所有其余的技术。
κατὰ μέρη μὲν οὕτω κεκόσμηνται· πάντες δὲ πρὸς τὸν θεὸν ἀποβλέπουσι κοινῷ τῷ παρ’ αὐτοῦ προστάγματι πειθόμενοι.
各部门就是这样依序配置的；所有人都仰望着神明，服从于他共同的命令。
θεάσῃ δὲ κἀνταῦθα πολλοὺς μετ’ αὐτοῦ τοῦ θεοῦ, τετάρτην δή τινα τάξιν ἀπὸ τῶν ἄλλων ἔκκριτον, οὐχ οἷοί τινες ἦσαν οἱ μετὰ τῆς Τύχης·
你还将在这里看到许多人与神明自身在一起，这是与其他人分开的、选拔出来的第四个阶层，他们绝非像那些追随命运的人。
οὐ γὰρ ἀξιώμασι πολιτικοῖς οὐδὲ γένους ὑπεροχαῖς οὐδὲ πλούτῳ τοὺς ἀρίστους ὁ θεὸς οὗτος εἴθισται κρίνειν, ἀλλὰ τοὺς καλῶς μὲν βιοῦντας, ἐν δὲ ταῖς ἑαυτῶν τέχναις πρωτεύοντας, ἑπομένους δὲ τοῖς προστάγμασιν αὐτοῦ καὶ νομίμως τὰς τέχνας ἐργαζομένους τιμᾷ τε καὶ πρὸ τῶν ἄλλων ἄγει, περὶ αὑτὸν ἔχων ἀεί.
因为这位神明不习惯根据政治地位、出身高贵或财富来判定优秀者，而是将那些生活端正、在自己的技术中出类拔萃、听从他的命令并依法从事技术的人，给予尊重并引至众人之前，使他们常伴自己左右。
τοῦτον οἶμαι τὸν χορὸν νοήσας ὁποῖός ἐστιν οὐ μόνον ζηλώσεις ἀλλὰ καὶ προσκυνήσεις.
我认为，一旦你领悟了这支群体是怎样的，你不仅会效法他们，甚至会崇敬他们。
Σωκράτης ἔστιν ἐν αὐτῷ καὶ Ὅμηρος καὶ Ἱπποκράτης καὶ Πλάτων καὶ οἱ τούτων ἐρασταί, οὓς ἴσα καὶ τοῖς θεοῖς σέβομεν, οἷον ὕπαρχοί τινες καὶ ὑπηρέται τοῦ θεοῦ.
苏格拉底就在其中，还有荷马、希波克拉底、柏拉图以及他们的追随者，我们像敬神一样敬重他们，他们就像是神明的副手和仆役。
〈καὶ〉 τῶν δ’ ἄλλων ἁπάντων οὐκ ἔστιν ὅστις ἠμελήθη ποτὲ πρὸς αὐτοῦ·
而且在其余所有人中，没有一个人曾被他忽视。
οὐ μόνον γὰρ [τῶν] παρόντων πεφρόντικεν ἀλλὰ καὶ πλέουσι σύμπλους ἐστὶ καὶ ναυαγούντων οὐκ ἀπολείπεται.
因为他不仅关照在场的人，而且也与航海者同舟共济，绝不离弃遭遇海难的人。
Ἀρίστιππος γοῦν ἐπειδή ποτε πλέων τοῦ σκάφους ἀπολομένου ἐπὶ τὰς Συρακοσίων ᾐόνας ἐξεβράσθη, πρῶτον μὲν ἐθάρρησε θεασάμενος ἐπὶ τῆς ψάμμου διάγραμμα γεωμετρικόν· ἐλογίσατο γὰρ εἰς Ἕλληνάς τε καὶ σοφοὺς ἄνδρας, οὐκ εἰς βαρβάρους ἥκειν.
至少阿里斯提普斯在一次航海中，当船只毁坏、他被冲到叙拉古的海岸上时，首先因为在沙滩上看到了几何图形而有了勇气；因为他推想自己来到的是希腊人和智者中间，而不是蛮族。
ἔπειτα παραγενόμενος εἰς τὸ Συρακοσίων γυμνάσιον καὶ ταυτὶ τὰ ἔπη φθεγξάμενος ‘τίς τὸν πλανήτην Οἰδίπουν καθ’ ἡμέραν τὴν νῦν σπανιστοῖς δέξεται δωρήμασι’ προσιόντας τέ τινας ἔσχεν αὑτῷ καὶ γνωρίζοντας ὅστις εἴη καὶ πάντων ὧν ἐδεῖτο μεταδιδόντας εὐθέως.
随后，他来到叙拉古的体育场，吟诵了这些诗句：“谁会在今天，以微薄的施舍接待流浪的俄狄浦斯？ ”于是有一些人走向他，认出他是谁，并立刻分享了他所需的一切。
ὡς δ’ εἰς Κυρήνην αὐτοῦ τὴν πατρίδα μέλλοντές τινες πλεῖν ἐπυνθάνοντο, μή τι τοῖς οἰκείοις ἐπιστέλλει, κελεύειν αὐτοὺς ἔφη ταῦτα κτᾶσθαι τὰ κτήματα ἃ καὶ ναυαγήσαντι συνεκκολυμβήσει.
当有人准备航行去他的祖国昔兰尼并询问是否要给家人带信时，他说，叮嘱他们去获取那些即使遭遇海难也能一同游水逃生的财产。