§6.67.1κατὰ μὲν δὴ Δημαρήτου τὴν κατάπαυσιν τῆς βασιληίης οὕτω ἐγένετο, ἔφυγε δὲ Δημάρητος ἐκ Σπάρτης ἐς Μήδους ἐκ τοιοῦδε ὀνείδεος.
关于德马拉托斯王位的废黜，事情就是这样发生的。 然而，德马拉托斯因如下的屈辱而逃离斯巴达，投奔米底人。
μετὰ τῆς βασιληίης τὴν κατάπαυσιν ὁ Δημάρητος ἦρχε αἱρεθεὶς ἀρχήν.
在王位被废黜后，德马拉托斯被选任官职，担任着职务。
§6.67.2ἦσαν μὲν δὴ γυμνοπαιδίαι, θεωμένου δὲ τοῦ Δημαρήτου ὁ Λευτυχίδης γεγονὼς ἤδη βασιλεὺς αὐτὸς ἀντʼ ἐκείνου, πέμψας τὸν θεράποντα ἐπὶ γέλωτί τε καὶ λάσθῃ εἰρώτα τὸν Δημάρητον ὁκοῖόν τι εἴη τὸ ἄρχειν μετὰ τὸ βασιλεύειν.
当时正值裸体祭，当德马拉托斯在观看节日竞技时，已经取代他自己成为国王的留提希德斯派他的仆人去嘲笑和侮辱他，问德马拉托斯，在当过国王之后再担任官职是什么感觉。
§6.67.3ὁ δὲ ἀλγήσας τῷ ἐπειρωτήματι εἶπε φὰς αὐτὸς μὲν ἀμφοτέρων ἤδη πεπειρῆσθαι, κεῖνον δὲ οὔ, τὴν μέντοι ἐπειρώτησιν ταύτην ἄρξειν Λακεδαιμονίοισι ἢ μυρίης κακότητος ἢ μυρίης εὐδαιμονίης.
他因这一质问而感到痛苦，说他自己已经体验过这两者，而那个人却没有；然而，这一提问将成为拉刻代蒙人无数灾难或无数福祉的开端。
ταῦτα δὲ εἴπας καὶ κατακαλυψάμενος ἤιε ἐκ τοῦ θεήτρου ἐς τὰ ἑωυτοῦ οἰκία, αὐτίκα δὲ παρασκευασάμενος ἔθυε τῷ Διὶ βοῦν, θύσας δὲ τὴν μητέρα ἐκάλεσε.
说完这些话并蒙上头，他就离开剧场回到了自己的家，随即做好准备，向宙斯献祭了一头公牛，祭祀完毕后，他召唤了他的母亲。