§6.67.1κατὰ μὲν δὴ Δημαρήτου τὴν κατάπαυσιν τῆς βασιληίης οὕτω ἐγένετο, ἔφυγε δὲ Δημάρητος ἐκ Σπάρτης ἐς Μήδους ἐκ τοιοῦδε ὀνείδεος.
데마라토스의 왕위 폐위에 관해서는 이처럼 일어났다. 그러나 데마라토스는 다음과 같은 모욕 때문에 스파르타를 도망쳐 메디아인들에게로 갔다.
μετὰ τῆς βασιληίης τὴν κατάπαυσιν ὁ Δημάρητος ἦρχε αἱρεθεὶς ἀρχήν.
왕위 폐위 이후에 데마라토스는 선출직 관직에 임명되어 집무하고 있었다.
§6.67.2ἦσαν μὲν δὴ γυμνοπαιδίαι, θεωμένου δὲ τοῦ Δημαρήτου ὁ Λευτυχίδης γεγονὼς ἤδη βασιλεὺς αὐτὸς ἀντʼ ἐκείνου, πέμψας τὸν θεράποντα ἐπὶ γέλωτί τε καὶ λάσθῃ εἰρώτα τὸν Δημάρητον ὁκοῖόν τι εἴη τὸ ἄρχειν μετὰ τὸ βασιλεύειν.
마침 김노파이디아 축제가 열리고 있었는데, 데마라토스가 이를 구경하고 있을 때, 그를 대신하여 이미 스스로 왕이 된 레우티키데스가 하인을 보내 비웃고 놀리며, 데마라토스에게 왕 노릇을 하다가 관직을 맡는 것은 어떤 기분이냐고 물었다.
§6.67.3ὁ δὲ ἀλγήσας τῷ ἐπειρωτήματι εἶπε φὰς αὐτὸς μὲν ἀμφοτέρων ἤδη πεπειρῆσθαι, κεῖνον δὲ οὔ, τὴν μέντοι ἐπειρώτησιν ταύτην ἄρξειν Λακεδαιμονίοισι ἢ μυρίης κακότητος ἢ μυρίης εὐδαιμονίης.
그는 그 질문에 상처를 입고, 자신은 이미 둘 다 경험해 보았지만 저자는 그렇지 않다고 말하며, 그러나 이 질문이야말로 라케다이몬인들에게 무수한 재앙이나 혹은 무수한 행복의 시작이 될 것이라고 했다.
ταῦτα δὲ εἴπας καὶ κατακαλυψάμενος ἤιε ἐκ τοῦ θεήτρου ἐς τὰ ἑωυτοῦ οἰκία, αὐτίκα δὲ παρασκευασάμενος ἔθυε τῷ Διὶ βοῦν, θύσας δὲ τὴν μητέρα ἐκάλεσε.
이렇게 말하고 머리를 가린 채 극장을 나와 자신의 집으로 향했다. 그리고 즉시 준비하여 제우스에게 황소를 제물로 바쳤고, 제사를 마친 뒤 자신의 어머니를 불렀다.