§2.91.1ἑλληνικοῖσι δὲ νομαίοισι φεύγουσι χρᾶσθαι, τὸ δὲ σύμπαν εἰπεῖν, μηδʼ ἄλλων μηδαμὰ μηδαμῶν ἀνθρώπων νομαίοισι.
他们避免采用希腊的习俗，总而言之，也决不采用任何其他民族的习俗。
οἱ μέν νυν ἄλλοι Αἰγύπτιοι οὕτω τοῦτο φυλάσσουσι, ἔστι δὲ Χέμμις πόλις μεγάλη νομοῦ τοῦ Θηβαϊκοῦ ἐγγὺς Νέης πόλιος·
现在，虽然其他埃及人以这种方式遵守这一规矩，但在底比斯辖区靠近新城的地方，有一座名叫赫姆米斯的大城市。
§2.91.2ἐν ταύτῃ τῇ πόλι ἐστὶ Περσέος τοῦ Δανάης ἱρὸν τετράγωνον, πέριξ δὲ αὐτοῦ φοίνικες πεφύκασι.
在这座城市里，有一座供奉达那埃之子珀尔修斯的方形神庙，神庙周围生长着椰枣树。
τὰ δὲ πρόπυλα τοῦ ἱροῦ λίθινα ἐστὶ κάρτα μεγάλα· ἐπὶ δὲ αὐτοῖσι ἀνδριάντες δύο ἑστᾶσι λίθινοι μεγάλοι.
神庙的前门是用石头建成的，非常宏伟；门上立着两尊巨大的石雕神像。
ἐν δὲ τῷ περιβεβλημένῳ τούτῳ νηός τε ἔνι καὶ ἄγαλμα ἐν αὐτῷ ἐνέστηκε τοῦ Περσέος.
在这座围墙环绕的圣地内有一座殿堂，其中立着一尊珀尔修斯的雕像。
§2.91.3οὗτοι οἱ Χεμμῖται λέγουσι τὸν Περσέα πολλάκις μὲν ἀνὰ τὴν γῆν φαίνεσθαί σφι πολλάκις δὲ ἔσω τοῦ ἱροῦ, σανδάλιόν τε αὐτοῦ πεφορημένον εὑρίσκεσθαι ἐὸν τὸ μέγαθος δίπηχυ, τὸ ἐπεὰν φανῇ, εὐθηνέειν ἅπασαν Αἴγυπτον.
这些赫姆米斯人说，珀尔修斯经常在他们的土地上向他们显现，也经常在神庙内部显现，并且人们会发现他穿过的一只凉鞋，其尺寸达两肘长，每当这只凉鞋出现时，整个埃及就会繁荣昌盛。
§2.91.4ταῦτα μὲν λέγουσι, ποιεῦσι δὲ τάδε Ἑλληνικὰ τῷ Περσέι· ἀγῶνα γυμνικὸν τιθεῖσι διὰ πάσης ἀγωνίης ἔχοντα, παρέχοντες ἄεθλα κτήνεα καὶ χλαίνας καὶ δέρματα.
他们虽然这样说，却为珀尔修斯举行以下希腊式的仪式：他们举办包含各种竞技项目的体育运动会，提供牲畜、斗篷和皮革作为奖品。
§2.91.5εἰρομένου δέ μευ ὅ τι σφι μούνοισι ἔωθε ὁ Περσεὺς ἐπιφαίνεσθαι καὶ ὅ τι κεχωρίδαται Αἰγυπτίων τῶν ἄλλων ἀγῶνα γυμνικὸν τιθέντες, ἔφασαν τὸν Περσέα ἐκ τῆς ἑωυτῶν πόλιος γεγονέναι· τὸν γὰρ Δαναὸν καὶ τὸν Λυγκέα ἐόντας Χεμμίτας ἐκπλῶσαι ἐς τὴν Ἑλλάδα, ἀπὸ δὲ τούτων γενεηλογέοντες κατέβαινον ἐς τὸν Περσέα.
当我询问他们为什么只有珀尔修斯习惯向他们显现，以及为什么他们与其余埃及人不同要举办体育运动会时，他们说珀尔修斯是出身于他们的城市；因为达那俄斯和林叩斯本是赫姆米斯人，他们乘船前往希腊，而从这些人开始追溯世系，一直降到珀尔修斯。
§2.91.6ἀπικόμενον δὲ αὐτὸν ἐς Αἴγυπτον κατʼ αἰτίην τὴν καὶ Ἕλληνες λέγουσι, οἴσοντα ἐκ Λιβύης τὴν Γοργοῦς κεφαλήν, ἔφασαν ἐλθεῖν καὶ παρὰ σφέας καὶ ἀναγνῶναι τοὺς συγγενέας πάντας· ἐκμεμαθηκότα δέ μιν ἀπικέσθαι ἐς Αἴγυπτον τὸ τῆς Χέμμιος οὔνομα, πεπυσμένον παρὰ τῆς μητρός.
他们还说，当珀尔修斯为了希腊人也同样提到的那个原因——从利比亚带回戈耳工的头颅——而来到埃及时，他也来到了他们这里，并认出了他所有的亲属；而且当他到达埃及时，已经从母亲那里听说了赫姆米斯的名字并牢记在心。
ἀγῶνα δέ οἱ γυμνικὸν αὐτοῦ κελεύσαντος ἐπιτελέειν.
他们还说，正是因为珀尔修斯亲自下令，他们才为他举行体育运动会。