§2.91.1ἑλληνικοῖσι δὲ νομαίοισι φεύγουσι χρᾶσθαι, τὸ δὲ σύμπαν εἰπεῖν, μηδʼ ἄλλων μηδαμὰ μηδαμῶν ἀνθρώπων νομαίοισι.
그들은 그리스의 관습을 따르는 것을 피하며, 한마디로 말해서 다른 어떤 민족의 관습도 결코 따르지 않는다.
οἱ μέν νυν ἄλλοι Αἰγύπτιοι οὕτω τοῦτο φυλάσσουσι, ἔστι δὲ Χέμμις πόλις μεγάλη νομοῦ τοῦ Θηβαϊκοῦ ἐγγὺς Νέης πόλιος·
이제 다른 이집트인들은 이러한 방식으로 이 관습을 지키고 있지만, 테바이 현의 네아폴리스 근처에는 켐미스라는 큰 도시가 있다.
§2.91.2ἐν ταύτῃ τῇ πόλι ἐστὶ Περσέος τοῦ Δανάης ἱρὸν τετράγωνον, πέριξ δὲ αὐτοῦ φοίνικες πεφύκασι.
이 도시에는 다나에의 아들 페르세우스의 사각형 신전이 있으며, 그 주변에는 대추야자 나무들이 자라고 있다.
τὰ δὲ πρόπυλα τοῦ ἱροῦ λίθινα ἐστὶ κάρτα μεγάλα· ἐπὶ δὲ αὐτοῖσι ἀνδριάντες δύο ἑστᾶσι λίθινοι μεγάλοι.
신전의 정문은 돌로 지어져 매우 거대하며, 그 위에는 두 개의 큰 석상이 서 있다.
ἐν δὲ τῷ περιβεβλημένῳ τούτῳ νηός τε ἔνι καὶ ἄγαλμα ἐν αὐτῷ ἐνέστηκε τοῦ Περσέος.
이 둘러싸인 경내 안에는 내전이 있고, 그 안에는 페르세우스의 신상이 놓여 있다.
§2.91.3οὗτοι οἱ Χεμμῖται λέγουσι τὸν Περσέα πολλάκις μὲν ἀνὰ τὴν γῆν φαίνεσθαί σφι πολλάκις δὲ ἔσω τοῦ ἱροῦ, σανδάλιόν τε αὐτοῦ πεφορημένον εὑρίσκεσθαι ἐὸν τὸ μέγαθος δίπηχυ, τὸ ἐπεὰν φανῇ, εὐθηνέειν ἅπασαν Αἴγυπτον.
이 켐미스 주민들이 말하기를, 페르세우스는 그들의 땅에 자주 모습을 나타내고 신전 내부에도 자주 나타나며, 그가 신었던 샌들이 발견되는데 그 크기가 2페키스에 달하며, 그것이 나타날 때마다 이집트 전역이 번창한다고 한다.
§2.91.4ταῦτα μὲν λέγουσι, ποιεῦσι δὲ τάδε Ἑλληνικὰ τῷ Περσέι·
그들은 이와 같이 말하지만, 페르세우스를 위해 다음과 같은 그리스식 행사를 행한다.
ἀγῶνα γυμνικὸν τιθεῖσι διὰ πάσης ἀγωνίης ἔχοντα, παρέχοντες ἄεθλα κτήνεα καὶ χλαίνας καὶ δέρματα.
즉, 모든 경기 종목을 포함하는 체육 대회를 개최하고, 가축과 외투, 가죽을 상품으로 제공한다.
§2.91.5εἰρομένου δέ μευ ὅ τι σφι μούνοισι ἔωθε ὁ Περσεὺς ἐπιφαίνεσθαι καὶ ὅ τι κεχωρίδαται Αἰγυπτίων τῶν ἄλλων ἀγῶνα γυμνικὸν τιθέντες, ἔφασαν τὸν Περσέα ἐκ τῆς ἑωυτῶν πόλιος γεγονέναι·
내가 왜 그들에게만 페르세우스가 나타나는 관습이 있으며, 왜 다른 이집트인들과 달리 체육 대회를 개최하는지 묻자, 그들은 페르세우스가 자신들의 도시 출신이기 때문이라고 답했다.
τὸν γὰρ Δαναὸν καὶ τὸν Λυγκέα ἐόντας Χεμμίτας ἐκπλῶσαι ἐς τὴν Ἑλλάδα, ἀπὸ δὲ τούτων γενεηλογέοντες κατέβαινον ἐς τὸν Περσέα.
왜냐하면 다나오스와 린케우스는 켐미스 주민이었으나 그리스로 배를 타고 건너갔으며, 이들로부터 계보를 추적하여 페르세우스에 이르렀기 때문이라는 것이다.
§2.91.6ἀπικόμενον δὲ αὐτὸν ἐς Αἴγυπτον κατʼ αἰτίην τὴν καὶ Ἕλληνες λέγουσι, οἴσοντα ἐκ Λιβύης τὴν Γοργοῦς κεφαλήν, ἔφασαν ἐλθεῖν καὶ παρὰ σφέας καὶ ἀναγνῶναι τοὺς συγγενέας πάντας·
또한 그리스인들도 말하는 것과 같은 이유로, 리비아에서 고르고의 머리를 가져오기 위해 그가 이집트에 왔을 때, 그들의 땅에도 찾아와 친척들을 모두 알아보았다고 그들은 말했다.
ἐκμεμαθηκότα δέ μιν ἀπικέσθαι ἐς Αἴγυπτον τὸ τῆς Χέμμιος οὔνομα, πεπυσμένον παρὰ τῆς μητρός.
그리고 그가 이집트에 도착했을 때 이미 어머니에게 들어 켐미스의 이름을 잘 알고 있었다고 한다.
ἀγῶνα δέ οἱ γυμνικὸν αὐτοῦ κελεύσαντος ἐπιτελέειν.
그리고 페르세우스 본인이 명령했기 때문에 그를 위해 체육 대회를 치르는 것이라고 했다.