§2.17.1καὶ τὴν μὲν Ἰώνων γνώμην ἀπίεμεν, ἡμεῖς δὲ ὧδε καὶ περὶ τούτων λέγομεν, Αἴγυπτον μὲν πᾶσαν εἶναι ταύτην τὴν ὑπʼ Αἰγυπτίων οἰκεομένην κατά περ Κιλικίην τὴν ὑπὸ Κιλίκων καὶ Ἀσσυρίην τὴν ὑπὸ Ἀσσυρίων, οὔρισμα δὲ Ἀσίῃ καὶ Λιβύῃ οἴδαμεν οὐδὲν ἐὸν ὀρθῷ λόγῳ εἰ μὴ τοὺς Αἰγυπτίων οὔρους.
我们姑且把伊奥尼亚人的意见搁置一边，关于这些事，我们自己则持如下看法：整个埃及就是由埃及人居住的这片土地，正如基利家是由基利家人居住的，亚述是由亚述人居住的一样；并且我们知道，按照正确的道理，亚细亚和利比亚之间除了埃及人的边界之外，没有任何其他的边界。
§2.17.2εἰ δὲ τῷ ὑπʼ Ἑλλήνων νενομισμένῳ χρησόμεθα, νομιοῦμεν Αἴγυπτον πᾶσαν ἀρξαμένην ἀπὸ Καταδούπων τε καὶ Ἐλεφαντίνης πόλιος δίχα διαιρέεσθαι καὶ ἀμφοτερέων τῶν ἐπωνυμιέων ἔχεσθαι· τὰ μὲν γὰρ αὐτῆς εἶναι τῆς Λιβύης τὰ δὲ τῆς Ἀσίης.
但是，如果我们采用希腊人所公认的看法，我们就会认为整个埃及——自大瀑布和象岛城开始——被一分为二，并兼具这两个名称；因为它的这一部分属于利比亚，而另一部分则属于亚细亚。
§2.17.3ὁ γὰρ δὴ Νεῖλος ἀρξάμενος ἐκ τῶν Καταδούπων ῥέει μέσην Αἴγυπτον σχίζων ἐς θάλασσαν.
因为尼罗河正是自大瀑布开始，将埃及从中间剖开而流向大海。
μέχρι μέν νυν Κερκασώρου πόλιος ῥέει εἷς ἐὼν ὁ Νεῖλος, τὸ δὲ ἀπὸ ταύτης τῆς πόλιος σχίζεται τριφασίας ὁδούς.
直到凯尔卡索鲁斯城，尼罗河作为一条河流奔流，但自这座城市开始，它便分为了三条道路。
§2.17.4καὶ ἣ μὲν πρὸς ἠῶ τρέπεται, τὸ καλέεται Πηλούσιον στόμα, ἡ δὲ ἑτέρη τῶν ὁδῶν πρὸς ἑσπέρην ἔχει· τοῦτο δὲ Κανωβικὸν στόμα κέκληται.
其中一条流向东方，被称为佩鲁西乌姆河口；另一条道路则流向西方，这被称为卡诺波斯河口。
ἡ δὲ δὴ ἰθέα τῶν ὁδῶν τῷ Νείλῳ ἐστὶ ἥδε· ἄνωθεν φερόμενος ἐς τὸ ὀξὺ τοῦ Δέλτα ἀπικνέεται, τὸ δὲ ἀπὸ τούτου σχίζων μέσον τὸ Δέλτα ἐς θάλασσαν ἐξιεῖ, οὔτε ἐλαχίστην μοῖραν τοῦ ὕδατος παρεχόμενος ταύτην οὔτε ἥκιστα ὀνομαστήν· τὸ καλέεται Σεβεννυτικὸν στόμα.
而尼罗河流向最直的那条道路则是：它自上游流下，到达三角洲的顶端，自此将三角洲从中间剖开并注入大海，它所提供的水量既非最少，也非最不著名；这被称为塞本尼托斯河口。
§2.17.5ἔστι δὲ καὶ ἕτερα διφάσια στόματα ἀπὸ τοῦ Σεβεννυτικοῦ ἀποσχισθέντα, φέροντα ἐς θάλασσαν· τοῖσι οὐνόματα κέεται τάδε, τῷ μὲν Σαϊτικὸν αὐτῶν τῷ δὲ Μενδήσιον.
还有另外两个从塞本尼托斯河口分出来的双重河口，流向大海；它们的名字如下：其中一个叫塞斯河口，另一个叫门德斯河口。
§2.17.6τὸ δὲ Βολβίτινον στόμα καὶ τὸ Βουκολικὸν οὐκ ἰθαγενέα στόματα ἐστὶ ἀλλʼ ὀρυκτά.
而波尔比蒂诺河口和布科利科河口并非天然的河口，而是人工开凿出来的。