§2.160.1ἐπὶ τοῦτον δὴ τὸν Ψάμμιν βασιλεύοντα Αἰγύπτου ἀπίκοντο Ἠλείων ἄγγελοι, αὐχέοντες δικαιότατα καὶ κάλλιστα τιθέναι τὸν ἐν Ὀλυμπίῃ ἀγῶνα πάντων ἀνθρώπων, καὶ δοκέοντες παρὰ ταῦτα οὐδʼ ἂν τοὺς σοφωτάτους ἀνθρώπων Αἰγυπτίους οὐδὲν ἐπεξευρεῖν·
在普萨米斯统治埃及期间，厄利斯人的使者来到了这里，他们自夸自己举办的奥林匹亚竞技会是全人类中最公正、最完美的，并且认为，即使是人类中最聪明的埃及人，也无法在此之外再想出任何更好的办法。
§2.160.2ὡς δὲ ἀπικόμενοι ἐς τὴν Αἴγυπτον οἱ Ἠλεῖοι ἔλεγον τῶν εἵνεκα ἀπίκοντο, ἐνθαῦτα ὁ βασιλεὺς οὗτος συγκαλέεται Αἰγυπτίων τοὺς λεγομένους εἶναι σοφωτάτους.
当厄利斯人到达埃及并说明他们的来意后，这位国王便召集了那些被称为最聪明的埃及人。
συνελθόντες δὲ οἱ Αἰγύπτιοι ἐπυνθάνοντο τῶν Ἠλείων λεγόντων ἅπαντα τὰ κατήκει σφέας ποιέειν περὶ τὸν ἀγῶνα·
埃及人聚集在一起后，便向厄利斯人询问，厄利斯人则陈述了他们关于竞技会所应做的一切规定。
ἀπηγησάμενοι δὲ τὰ πάντα ἔφασαν ἥκειν ἐπιμαθησόμενοι εἴ τι ἔχοιεν Αἰγύπτιοι τούτων δικαιότερον ἐπεξευρεῖν.
陈述完所有事情后，使者们表示，他们来此是为了请教，看看埃及人能否想出比这些更公正的办法。
§2.160.3οἳ δὲ βουλευσάμενοι ἐπειρώτων τοὺς Ἠλείους εἴ σφι οἱ πολιῆται ἐναγωνίζονται.
埃及人商议之后，询问厄利斯人，他们自己的公民是否也参加竞技。
οἳ δὲ ἔφασαν καὶ σφέων καὶ τῶν ἄλλων Ἑλλήνων ὁμοίως τῷ βουλομένῳ ἐξεῖναι ἀγωνίζεσθαι.
厄利斯人回答说，无论是他们自己的人还是其他希腊人，只要愿意，同样都可以自由参加。
§2.160.4οἱ δὲ Αἰγύπτιοι ἔφασαν σφέας οὕτω τιθέντας παντὸς τοῦ δικαίου ἡμαρτηκέναι.
埃及人便说，如果他们这样举办竞技会，那就完全违背了公正。
οὐδεμίαν γὰρ εἶναι μηχανὴν ὅκως οὐ τῷ ἀστῷ ἀγωνιζομένῳ προσθήσονται, ἀδικέοντες τὸν ξεῖνον.
因为绝对没有办法在自己国家的公民参赛时不偏向他，从而对异邦人不公。
ἀλλʼ εἰ δὴ βούλονται δικαίως τιθέναι καὶ τούτου εἵνεκα ἀπικοίατο ἐς Αἴγυπτον, ξείνοισι ἀγωνιστῇσι ἐκέλευον τὸν ἀγῶνα τιθέναι, Ἠλείων δὲ μηδενὶ εἶναι ἀγωνίζεσθαι.
但是，如果他们确实想要公正地举办竞技会，并为此来到了埃及，他们就建议应该只让异邦竞技者参加，而任何厄利斯人都不得参赛。
ταῦτα μὲν Αἰγύπτιοι Ἠλείοισι ὑπεθήκαντο.
这就是埃及人给厄利斯人提出的建议。