§2.133.1μετὰ δὲ τῆς θυγατρὸς τὸ πάθος δεύτερα τούτῳ τῷ βασιλέι τάδε γενέσθαι· ἐλθεῖν οἱ μαντήιον ἐκ Βουτοῦς πόλιος ὡς μέλλοι ἓξ ἔτεα μοῦνον βιοὺς τῷ ἑβδόμῳ τελευτήσειν.
在女儿遭遇不幸之后，这位国王接着发生了以下第二件事：从布托城传来神谕给他说，他只剩六年的寿命，并将在第七年死去。
§2.133.2τὸν δὲ δεινὸν ποιησάμενον πέμψαι ἐς τὸ μαντήιον τῷ θεῷ ὀνείδισμα, ἀντιμεμφόμενον ὅτι ὁ μὲν αὐτοῦ πατὴρ καὶ πάτρως, ἀποκληίσαντες τὰ ἱρὰ καὶ θεῶν οὐ μεμνημένοι ἀλλὰ καὶ τοὺς ἀνθρώπους φθείροντες, ἐβίωσαν χρόνον ἐπὶ πολλόν, αὐτὸς δʼ εὐσεβὴς ἐὼν μέλλοι ταχέως οὕτω τελευτήσειν.
他认为这是极不公正的，便向该神谕所送去对神明指责的话，反过来抱怨道：他的父亲和叔父关闭了神殿，不敬神明，甚至残害人类，却活了很长的时间；而他自己如此虔敬，却要这么快就死去。
§2.133.3ἐκ δὲ τοῦ χρηστηρίου αὐτῷ δεύτερα ἐλθεῖν λέγοντα τούτων εἵνεκα καὶ συνταχύνειν αὐτὸν τὸν βίον· οὐ γὰρ ποιῆσαί μιν τὸ χρεὸν ἦν ποιέειν· δεῖν γὰρ Αἴγυπτον κακοῦσθαι ἐπʼ ἔτεα πεντήκοντά τε καὶ ἑκατόν, καὶ τοὺς μὲν δύο τοὺς πρὸ ἐκείνου γενομένους βασιλέας μαθεῖν τοῦτο, κεῖνον δὲ οὔ.
然而，神谕所再次传来给他的答复，宣称：正是因为这些缘故，他的生命才被缩短了；因为他没有做他本该做的事，既然埃及注定要遭受一百五十年的苦难，而在他之前的两位国王明白这一点，他却不明白。
§2.133.4ταῦτα ἀκούσαντα τὸν Μυκερῖνον, ὡς κατακεκριμένων ἤδη οἱ τούτων, λύχνα ποιησάμενον πολλά, ὅκως γίνοιτο νύξ, ἀνάψαντα αὐτὰ πίνειν τε καὶ εὐπαθέειν, οὔτε ἡμέρης οὔτε νυκτὸς ἀνιέντα, ἔς τε τὰ ἕλεα καὶ τὰ ἄλσεα πλανώμενον καὶ ἵνα πυνθάνοιτο εἶναι ἐνηβητήρια ἐπιτηδεότατα.
麦克里努斯听到这些，心想这些命运既然已经对他决定了，便命人制造了许多灯盏，每当夜幕降临，他就点亮它们，饮酒享乐，无论白天黑夜都不停歇，游荡于沼泽和林木之间，以及任何他听说最适于消遣游玩的地方。
§2.133.5ταῦτα δὲ ἐμηχανᾶτο θέλων τὸ μαντήιον ψευδόμενον ἀποδέξαι, ἵνα οἱ δυώδεκα ἔτεα ἀντὶ ἓξ ἐτέων γένηται, αἱ νύκτες ἡμέραι ποιεύμεναι.
他用这种方法，是想证明神谕在撒谎，好通过将夜晚变为白昼，使他能把六年的光阴变成十二年来度过。