§2.13.1ἔλεγον δὲ καὶ τόδε μοι μέγα τεκμήριον περὶ τῆς χώρης ταύτης οἱ ἱρέες, ὡς ἐπὶ Μοίριος βασιλέος, ὅκως ἔλθοι ὁ ποταμὸς ἐπὶ ὀκτὼ πήχεας τὸ ἐλάχιστον, ἄρδεσκε Αἴγυπτον τὴν ἔνερθε Μέμφιος·
祭司们还告诉了我关于这片土地的如下一个重大证据：在莫伊里斯王统治时期，每当河水上涨至少八肘尺时，它就会灌溉孟斐斯以下的埃及。
καὶ Μοίρι οὔκω ἦν ἔτεα εἰνακόσια τετελευτηκότι ὅτε τῶν ἱρέων ταῦτα ἐγὼ ἤκουον.
当我从祭司那里听到这些话时，莫伊里斯去世还不到九百年。
νῦν δὲ εἰ μὴ ἐπʼ ἑκκαίδεκα ἢ πεντεκαίδεκα πήχεας ἀναβῇ τὸ ἐλάχιστον ὁ ποταμός, οὐκ ὑπερβαίνει ἐς τὴν χώρην.
但现在，如果河水不上涨至少十五或十六肘尺，它就不会泛滥到土地上。
§2.13.2δοκέουσί τέ μοι Αἰγυπτίων οἱ ἔνερθε λίμνης τῆς Μοίριος οἰκέοντες τά τε ἄλλα χωρία καὶ τὸ καλεόμενον Δέλτα, ἢν οὕτω ἡ χώρη αὕτη κατὰ λόγον ἐπιδιδῷ ἐς ὕψος καὶ τὸ ὅμοιον ἀποδιδῷ ἐς αὔξησιν, μὴ κατακλύζοντος αὐτὴν τοῦ Νείλου πείσεσθαι τὸν πάντα χρόνον τὸν ἐπίλοιπον Αἰγύπτιοι τὸ κοτὲ αὐτοὶ Ἕλληνας ἔφασαν πείσεσθαι.
在我看来，居住在莫伊里斯湖以下地区（包括其他地方以及所谓的三角洲）的埃及人，如果这片土地按照同样的比例继续增高并同样地增长，那么由于尼罗河不再泛滥淹没它，他们在今后的所有时间里，将会遭受他们自己曾经说过希腊人将会遭受的同样命运。
§2.13.3πυθόμενοι γὰρ ὡς ὕεται πᾶσα ἡ χώρη τῶν Ἑλλήνων ἀλλʼ οὐ ποταμοῖσι ἄρδεται κατά περ ἡ σφετέρη, ἔφασαν Ἕλληνας ψευσθέντας κοτὲ ἐλπίδος μεγάλης κακῶς πεινήσειν.
因为他们得知希腊人的所有土地都降雨，而不是像他们自己的土地那样由河流灌溉，于是便说，希腊人有一天会落空他们伟大的希望，遭受悲惨的饥饿。
τὸ δὲ ἔπος τοῦτο ἐθέλει λέγειν ὡς, εἰ μὴ ἐθελήσει σφι ὕειν ὁ θεὸς ἀλλὰ αὐχμῷ διαχρᾶσθαι, λιμῷ οἱ Ἕλληνες αἱρεθήσονται· οὐ γὰρ δή σφι ἐστὶ ὕδατος οὐδεμία ἄλλη ἀποστροφὴ ὅτι μὴ ἐκ τοῦ Διὸς μοῦνον.
这句话的意思是，如果神不愿向他们降雨，而是让他们遭受旱灾，希腊人就会被饥荒夺去生命；因为除了来自宙斯的降雨之外，他们确实没有任何其他的取水途径。