§11καὶ ταῦτʼ εἰκότως καὶ ποιοῦμεν καὶ πάσχομεν·
我们这样行动、遭受这样的境遇，也是理所当然的。
οὐδὲν γὰρ οἷόν τε γίγνεσθαι κατὰ τρόπον τοῖς μὴ καλῶς περὶ ὅλης τῆς διοικήσεως βεβουλευμένοις, ἀλλʼ ἐὰν καὶ κατορθώσωσι περί τινας τῶν πράξεων ἢ διὰ τύχην ἢ διʼ ἀνδρὸς ἀρετήν, μικρὸν διαλιπόντες πάλιν εἰς τὰς αὐτὰς ἀπορίας κατέστησαν.
因为对于那些未能就整个国政方针做出妥善决断的人来说，任何事情都不可能顺利进行；即便他们由于运气或个人的才能在某些行动中取得了成功，但没过多久，又会重新陷入同样的困境之中。
καὶ ταῦτα γνοίη τις ἂν ἐκ τῶν περὶ ἡμᾶς γεγενημένων·
任何人都可以从发生在我们身上的事情中明白这一点。
§12ἁπάσης γὰρ τῆς Ἑλλάδος ὑπὸ τὴν πόλιν ἡμῶν ὑποπεσούσης καὶ μετὰ τὴν Κόνωνος ναυμαχίαν καὶ μετὰ τὴν Τιμοθέου στρατηγίαν, οὐδένα χρόνον τὰς εὐτυχίας κατασχεῖν ἠδυνήθημεν, ἀλλὰ ταχέως διεσκαριφησάμεθα καὶ διελύσαμεν αὐτάς.
因为在科农的海战之后，以及在蒂莫西乌斯的将军任期之后，整个希腊都归于我们城邦的统治之下，但我们却未能将这一好运维持片刻，而是迅速地将其挥霍并瓦解了。
πολιτείαν γὰρ τὴν ὀρθῶς ἂν τοῖς πράγμασι χρησαμένην οὔτʼ ἔχομεν οὔτε καλῶς ζητοῦμεν.
因为我们既不拥有、也未曾妥善地去寻求一个能正确处理这些事务的政体。
§13καίτοι τὰς εὐπραγίας ἅπαντες ἴσμεν καὶ παραγιγνομένας καὶ παραμενούσας οὐ τοῖς τὰ τείχη κάλλιστα καὶ μέγιστα περιβεβλημένοις, οὐδὲ τοῖς μετὰ πλείστων ἀνθρώπων εἰς τὸν αὐτὸν τόπον συνηθροισμένοις, ἀλλὰ τοῖς ἄριστα καὶ σωφρονέστατα τὴν αὑτῶν πόλιν διοικοῦσιν.
然而，我们大家都知道，繁荣的到来与保持，并不是因为那些为自己修筑了最美、最大城墙的人，也不是因为那些将最多人口聚集在同一地方的人，而是因为那些以最好、最克制的方式治理自己城邦的人。
§14ἔστι γὰρ ψυχὴ πόλεως οὐδὲν ἔτερον ἢ πολιτεία, τοσαύτην ἔχουσα δύναμιν ὅσην περ ἐν σώματι φρόνησις.
因为城邦的灵魂不是别的东西，正是政体，它所拥有的力量正如身体中的理性一般。
αὕτη γάρ ἐστιν ἡ βουλευομένη περὶ ἁπάντων, καὶ τὰ μὲν ἀγαθὰ διαφυλάττουσα, τὰς δὲ συμφορὰς διαφεύγουσα.
因为正是它在对一切事务进行谋划，既保存着善好，又规避着灾祸。
ταύτῃ καὶ τοὺς νόμους καὶ τοὺς ῥήτορας καὶ τοὺς ἰδιώτας ἀναγκαῖόν ἐστιν ὁμοιοῦσθαι, καὶ πράττειν οὕτως ἑκάστους οἵαν περ ἂν ταύτην ἔχωσιν.
法律、演说家以及普通公民都必然与这一政体相适应，且每个人都会根据自己所拥有的政体性质来行事。
§15ἧς ἡμεῖς διεφθαρμένης οὐδὲν φροντίζομεν, οὐδὲ σκοποῦμεν ὅπως ἐπανορθώσομεν αὐτήν· ἀλλʼ ἐπὶ μὲν τῶν ἐργαστηρίων καθίζοντες κατηγοροῦμεν τῶν καθεστώτων, καὶ λέγομεν ὡς οὐδέποτʼ ἐν δημοκρατίᾳ κάκιον ἐπολιτεύθημεν, ἐν δὲ τοῖς πράγμασι καὶ ταῖς διανοίαις αἷς ἔχομεν μᾶλλον αὐτὴν ἀγαπῶμεν τῆς ὑπὸ τῶν προγόνων καταλειφθείσης.
尽管这一政体已经败坏，我们却毫不关心，也不去思考该如何加以匡正；相反，我们坐在作坊里谴责现行的体制，说在民主制下我们的治理从未像现在这样糟糕，然而在我们的实际行动和抱持的想法中，我们却比祖先留下的政体更喜爱现行的政体。
ὑπὲρ ἧς ἐγὼ καὶ τοὺς λόγους μέλλω ποιεῖσθαι καὶ τὴν πρόσοδον ἀπεγραψάμην.
我正是为了那祖先的政体才准备发表这场演说，并登记了登台发言的申请。
§16εὑρίσκω γὰρ ταύτην μόνην ἂν γενομένην καὶ τῶν μελλόντων κινδύνων ἀποτροπὴν καὶ τῶν παρόντων κακῶν ἀπαλλαγήν, ἢν ἐθελήσωμεν ἐκείνην τὴν δημοκρατίαν ἀναλαβεῖν, ἢν Σόλων μὲν ὁ δημοτικώτατος γενόμενος ἐνομοθέτησε, Κλεισθένης δὲ ὁ τοὺς τυράννους ἐκβαλὼν καὶ τὸν δῆμον καταγαγὼν πάλιν ἐξ ἀρχῆς κατέστησεν.
因为我发现，如果我们愿意恢复当年的那个民主制——那是由最代表平民利益的梭伦立法制定、并由驱逐了僭主并迎回人民的克里斯提尼重新从头建立起来的——那么，只有这才能成为规避未来危险并摆脱当前祸害的唯一途径。
§17ἧς οὐκ ἂν εὕροιμεν οὔτε δημοτικωτέραν οὔτε τῇ πόλει μᾶλλον συμφέρουσαν.
我们不可能找到比那个政体更符合平民利益、或者对城邦更为有利的政体了。
τεκμήριον δὲ μέγιστον· οἱ μὲν γὰρ ἐκείνῃ χρώμενοι, πολλὰ καὶ καλὰ διαπραξάμενοι καὶ παρὰ πᾶσιν ἀνθρώποις εὐδοκιμήσαντες, παρʼ ἑκόντων τῶν Ἑλλήνων τὴν ἡγεμονίαν ἔλαβον, οἱ δὲ τῆς νῦν παρούσης ἐπιθυμήσαντες, ὑπὸ πάντων μισηθέντες καὶ πολλὰ καὶ δεινὰ παθόντες, μικρὸν ἀπέλιπον τοῦ μὴ ταῖς ἐσχάταις συμφοραῖς περιπεσεῖν.
这里有一个最大的证据：使用那个政体的人，成就了许多伟大的功业，在全人类中赢得了声誉，并得到了希腊人自愿奉上的领导权；而那些渴望现行体制的人，却被所有人憎恨，遭受了许多可怕的苦难，几乎陷入了最深重的灾难之中。
§18καίτοι πῶς χρὴ ταύτην τὴν πολιτείαν ἐπαινεῖν ἢ στέργειν τὴν τοσούτων μὲν κακῶν αἰτίαν πρότερον γενομένην, νῦν δὲ καθʼ ἕκαστον τὸν ἐνιαυτὸν ἐπὶ τὸ χεῖρον φερομένην;
然而，对于这个过去曾是如此多祸害的根源、如今又在逐年恶化的政体，我们怎能加以赞美或喜爱呢？
πῶς δʼ οὐ χρὴ δεδιέναι μὴ τοιαύτης ἐπιδόσεως γιγνομένης τελευτῶντες εἰς τραχύτερα πράγματα τῶν τότε γενομένων ἐξοκείλωμεν;
又怎能不害怕，随着这种恶化的持续，我们最终会搁浅在比当年更为惨痛的境地之中呢？
§19ἵνα δὲ μὴ συλλήβδην μόνον ἀκηκοότες, ἀλλʼ ἀκριβῶς εἰδότες ποιῆσθε καὶ τὴν αἵρεσιν καὶ τὴν κρίσιν αὐτῶν, ὑμέτερον μὲν ἔργον ἐστὶ παρασχεῖν ὑμᾶς αὐτοὺς προσέχοντας τὸν νοῦν τοῖς ὑπʼ ἐμοῦ λεγομένοις, ἐγὼ δʼ ὡς ἂν δύνωμαι συντομώτατα περὶ ἀμφοτέρων τούτων πειράσομαι διελθεῖν πρὸς ὑμᾶς.
为了让你们不仅能听到一个概括，而且能在确切了解的基础上做出选择和评判，你们的任务是专心听取我的陈述，而我则将尽我所能，用最简短的语言向你们阐述这两个政体。
§20οἱ γὰρ κατʼ ἐκεῖνον τὸν χρόνον τὴν πόλιν διοικοῦντες κατεστήσαντο πολιτείαν οὐκ ὀνόματι μὲν τῷ κοινοτάτῳ καὶ πραοτάτῳ προσαγορευομένην, ἐπὶ δὲ τῶν πράξεων οὐ τοιαύτην τοῖς ἐντυγχάνουσι φαινομένην, οὐδʼ ἣ τοῦτον τὸν τρόπον ἐπαίδευε τοὺς πολίτας ὥσθʼ ἡγεῖσθαι τὴν μὲν ἀκολασίαν δημοκρατίαν, τὴν δὲ παρανομίαν ἐλευθερίαν, τὴν δὲ παρρησίαν ἰσονομίαν, τὴν δʼ ἐξουσίαν τοῦ πάντα ποιεῖν εὐδαιμονίαν, ἀλλὰ μισοῦσα καὶ κολάζουσα τοὺς τοιούτους βελτίους καὶ σωφρονεστέρους ἅπαντας τοὺς πολίτας ἐποίησεν.
因为当时治理城邦的人所建立的政体，并不是那种虽然冠以最平易、最温和的名称，但在实际行动中对接触到它的人显现出另一副面孔的政体；它也没有以这样一种方式来教育公民，让他们把放纵视为民主，把违法视为自由，把肆无忌惮的言论视为法律面前的平等，把为所欲为的权力视为幸福；相反，它通过憎恨并惩罚这样的人，使所有的公民都变得更好、更克制。