§4.1ἐκ τούτου Σερτώριος ἐν τῇ Ἰβηρίᾳ διεβοήθη· καὶ ὅτε πρῶτον ἐπανῆκεν εἰς Ῥώμην, ταμίας ἀποδείκνυται τῆς περὶ Πάδον Γαλατίας, ἐν δέοντι.
由此，塞尔托里乌斯在伊比利亚名声大噪；当他首次回到罗马时，他在关键时刻被任命为波河流域高卢地区的财务官。
τοῦ γὰρ Μαρσικοῦ πολέμου συνισταμένου, στρατιώτας τε προσταχθὲν αὐτῷ καταλέγειν καὶ ὅπλα ποιεῖσθαι, σπουδὴν καὶ τάχος προσθεὶς τῷ ἔργῳ παρὰ τὴν τῶν ἄλλων νέων βραδυτῆτα καὶ μαλακίαν ἀνδρὸς ἐμπράκτως βιωσομένου δόξαν ἔσχεν.
因为同盟战争正在爆发，他被命令征募士兵并制造武器，他将热忱与神速投入到这项工作中，与其余年轻人的迟缓和软弱形成鲜明对比，从而赢得了实干之士的名声。
§4.2οὐ μὴν ὑφήκατο τῆς στρατιωτικῆς τόλμης εἰς ἀξίωμα προεληλυθὼς ἡγεμόνος, ἀλλὰ καὶ χειρὸς ἐπιδεικνύμενος ἔργα θαυμαστὰ καὶ τὸ σῶμα τοῖς ἀγῶσιν ἀφειδῶς ἐπιδιδούς, τῶν ὄψεων ἀπέβαλε τὴν ἑτέραν ἐκκοπεῖσαν.
在晋升到指挥官的显赫地位后，他不仅没有减弱军事上的勇猛，反而展现了惊人的身手，并将身体毫不吝惜地投身于战斗中，结果失去了一只被击瞎的眼睛。
ἐπὶ τούτῳ δὲ καὶ καλλωπιζόμενος ἀεὶ διετέλει.
对此，他始终感到自豪。
τοὺς μὲν γὰρ ἄλλους οὐκ ἀεὶ τὰ μαρτύρια τῶν ἀριστειῶν περιφέρειν, ἀλλὰ καὶ ἀποτίθεσθαι στρεπτὰ καὶ δόρατα καὶ στεφάνους, αὐτῷ δὲ τῆς ἀνδραγαθίας παραμένειν τὰ γνωρίσματα, τοὺς αὐτοὺς ἔχοντι τῆς ἀρετῆς ἅμα καὶ τῆς συμφορᾶς θεατάς.
因为他说，其他人并不总是随身携带他们战功的证明，有时还会放下项圈、长矛和冠冕，而他英勇的印记却始终伴随着他，使同一批人既是他美德的见证者，也是他不幸的目击者。
§4.3ἀπέδωκε δὲ καὶ ὁ δῆμος αὐτῷ τιμὴν πρέπουσαν.
民众也给予了他应有的尊敬。
εἰσελθόντα γὰρ εἰς θέατρον ἐδέξαντό τε κρότῳ καὶ κατευφήμησαν, ὧν οὐδὲ τοῖς πάνυ προήκουσιν ἡλικίᾳ τε καὶ δόξῃ τυχεῖν ἦν ῥᾴδιον.
因为当他进入剧场时，人们以掌声和欢呼声迎接他，这种待遇即使是那些在年龄和名望上远超他的人也难以轻易获得。
δημαρχίαν μέντοι μετιών Σύλλα καταστασιάσαντος αὑτὸν ἐξέπεσε· διὸ καὶ δοκεῖ γενέσθαι μισοσύλλας.
然而，在竞选护民官时，由于苏拉拉帮结派反对他，他落选了；因此，他也被认为变成了苏拉的仇敌。
§4.4ἐπεὶ δὲ Μάριος μὲν ὑπὸ Σύλλα κρατηθεὶς ἔφευγε, Σύλλας δὲ Μιθριδάτῃ πολεμήσων ἀπῆρε, τῶν δὲ ὑπάτων Ὀκτάβιος μὲν ἐπὶ τῆς Σύλλα προαιρέσεως ἔμενε, Κίννας δὲ νεωτερίζων ὑποφερομένην ἀνεκαλεῖτο τὴν Μαρίου στάσιν, τούτῳ προσένειμεν αὑτὸν ὁ Σερτώριος, ἄλλως τε καὶ τὸν Ὀκτάβιον ὁρῶν αὑτὸν μὲν ἀμβλύτερον ὄντα, τοῖς δὲ Μαρίου φίλοις ἀπιστοῦντα.
当马略被苏拉击败而逃亡，苏拉出发前去迎战米特里达梯，而执政官中，奥克塔维乌斯坚持苏拉的路线，辛纳则企图变革、重振日渐衰落的马略派系时，塞尔托里乌斯便投身于辛纳一方，尤其是因为他看到奥克塔维乌斯自己行动迟缓，且不信任马略的朋友们。
§4.5γενομένης δὲ τοῖς ὑπάτοις ἐν ἀγορᾷ μάχης μεγάλης Ὀκτάβιος μὲν ἐκράτησε, Κίννας δὲ καὶ Σερτώριος οὐ πολλῷ ἐλάττους τῶν μυρίων ἀποβαλόντες ἔφυγον καὶ τῶν περὶ τὴν Ἰταλίαν ἔτι διεσπαρμένων στρατοπέδων προσαγόμενοι τὰ πλεῖστα πειθοῖ ταχὺ κατέστησαν ἀξιόμαχοι τοῖς περὶ τὸν Ὀκτάβιον.
当执政官们在广场上爆发大战时，奥克塔维乌斯获胜，辛纳和塞尔托里乌斯损失了不下万人并逃亡；他们通过说服将仍然散布在意大利各处的绝大多数军队争取过来，很快便建立起足以抗衡奥克塔维乌斯一派的战斗力。