§4.54.1κατασχόντες οὖν οἱ Ἀθηναῖοι τῷ στρατῷ, δέκα μὲν ναυσὶ καὶ δισχιλίοις Μιλησίων ὁπλίταις τὴν ἐπὶ θαλάσσῃ πόλιν Σκάνδειαν καλουμένην αἱροῦσι, τῷ δὲ ἄλλῳ στρατεύματι ἀποβάντες τῆς νήσου ἐς τὰ πρὸς Μαλέαν τετραμμένα ἐχώρουν ἐπὶ τὴν [ἐπὶ θαλάσσῃ] πόλιν τῶν Κυθηρίων, καὶ ηὗρον εὐθὺς αὐτοὺς ἐστρατοπεδευμένους ἅπαντας.
于是雅典人率军靠岸，用十艘战船和两千名米利都重装步兵夺取了被称为斯坎地亚的海滨城镇；并率领其余军队在岛上朝向马利亚角的一侧登岸，向基西拉人的那座［海滨］城市进军，随即便发现他们已经全体安营扎寨。
§4.54.2καὶ μάχης γενομένης ὀλίγον μέν τινα χρόνον ὑπέστησαν οἱ Κυθήριοι, ἔπειτα τραπόμενοι κατέφυγον ἐς τὴν ἄνω πόλιν, καὶ ὕστερον ξυνέβησαν πρὸς Νικίαν καὶ τοὺς ξυνάρχοντας Ἀθηναίοις ἐπιτρέψαι περὶ σφῶν αὐτῶν πλὴν θανάτου.
交战开始后，基西拉人只坚守了极短的时间，随后便败退逃往上城，后来他们与尼基阿斯及其同僚达成协议，将自己的处置权交给雅典人，但免除死刑。
§4.54.3ἦσαν δέ τινες καὶ γενόμενοι τῷ Νικίᾳ λόγοι πρότερον πρός τινας τῶν Κυθηρίων, δι’ ὃ καὶ θᾶσσον καὶ ἐπιτηδειότερον τό τε παραυτίκα καὶ τὸ ἔπειτα τὰ τῆς ὁμολογίας ἐπράχθη αὐτοῖς· ἀνέστησαν γὰρ 〈ἂν〉 οἱ Ἀθηναῖοι Κυθηρίους, Λακεδαιμονίους τε ὄντας καὶ ἐπὶ τῇ Λακωνικῇ τῆς νήσου οὕτως ἐπικειμένης.
事实上，先前尼基阿斯和部分基西拉人之间曾有过一些接触，正因如此，无论目前还是将来，降伏协议的条款都得以更快且对他们更有利地达成；因为否则的话，雅典人本会驱逐基西拉人，因为他们是拉刻代蒙人，而且该岛又如此临近拉科尼亚。
§4.54.4μετὰ δὲ τὴν ξύμβασιν οἱ Ἀθηναῖοι τήν τε Σκάνδειαν τὸ ἐπὶ τῷ λιμένι πόλισμα παραλαβόντες καὶ τῶν Κυθήρων φυλακὴν ποιησάμενοι ἔπλευσαν ἔς τε Ἀσίνην καὶ Ἕλος καὶ τὰ πλεῖστα τῶν περὶ θάλασσαν, καὶ ἀποβάσεις ποιούμενοι καὶ ἐναυλιζόμενοι τῶν χωρίων οὗ καιρὸς εἴη ἐδῄουν τὴν γῆν ἡμέρας μάλιστα ἑπτά.
达成协议后，雅典人接管了港口城镇斯坎地亚，并在基西拉岛设立了卫戍部队，然后航行到阿西内、希洛斯以及沿海的大多数地方，在合适的地方登陆并扎营，洗劫其土地达七天之久。